Yemesi 5:15 - Ka Lamana'a Monoꞌi Lu Mu Tifiꞌehina Ka Yabe

¹⁵ Hu'mamofitoga enemehi emite keheli ule'ale hilete gi'a halana yamofihi Sipi Bouba le'mo hetofa hinogo besi'ehina bo ye koto ho tilina'mu yabe. Foipana'a ni'ilina yamofihi Hu'mau li he'mi etalina'mu yabe.

Yemesi 5:15 Referans Kwoze

Yemesi 5:13

Folagahatiniguti moneuba keke'i luse'na gupisa'alo notigo nohuto'amo Hu'mamofitoga lino. To folagahatinigu moneuba gelo bise'na lito nohuto'amo Hu'mamofitoga fokehi hoto nama lino.

Yemesi 5:16

Hu'mau lele'mo ye kalibe lite nelitemo foipanatini ai he'mi etenogo ai he'mi etenogo lu hokolo hite Hu'mamofitoga lilo. Bati hite minalana bona'magi Hu'mamofitoga loka hete ya'ma ana'ina lamana'a lilana'mu yabe.

Yemesi 1:6

Ana'ina lilufi melilufi luto ekesa loe lae mekehelise keheli monekoto moloto Hu'mamofitoga lino. Ekesa loe kehelilina bona'i yamofihi yasi lito hege nagami i bili fu ilata nohina ya suhi huto minalina'mu yabe.

Matiu 17:20

Ya lago Yesu ma luto lu epi'ehina: Hena'mugope lenali nanitoga komopatini nesi'asi mele'ahana'mu yabe. Lenali ma'naka lu lepilunagi kehelilo. Lenali nalepa legeya'a legi huto nanitoga komopatini nimise'natini minalina, ma kosamofihi mula kegi'a bu molobo lilana ai lenabaga liyafa huto bilina'mu yabe. To lili'na yege yege'i lenalitini lilana'mu yabe.

Yoni 5:14

Aliha'a Yesu ana bo sipi mono nonugu nohigo bu goloto lu emi'ehina: Kai bu gobo, yatai ye koto nohane. Mone sipi keta'a hiti alihi kaitoga aku'i huto hu laligi foipana nohata he'mibo.

Yoni 6:39

Ai noho lifigo limi'ohuna bomofihi meha'a ma huto ni'ibe. Ai boana'i nimi'ehinaguti mone kene'i li sibina mehu etalibe kokuluma hiti me'i hiti su halina yupahi aku'i enele'mo saga huto kosaba hiluna'mu yabe.

1 Koliti 1:21

Ya'mana hapa'a ma ni'ibe. Hu'mau kehelise'na'a amuya huto nohigo bona'i enali'ani kehelilata nehana yanatu Hu'mamofihi hapa'a bu galune lite alune'mu bati mehi'ahana. Ya'mu Hu'mau keheligo bati higo Kilisito fili'ehina ka'a lu epise'na ya'ma bona'magi kehelite negi nasana yabe lite nelana'a ya'ma bona'i luga'a lu epugo kehelite aitoga agoya hu emilune lite fifa neigo Hu'mau enubuto bilata nohibe.

2 Koliti 4:14

Ya nohutoti ma luto kehelilata nohune. Hu'mau Sipi Bo Yesuhi fili'ehinagati le'mo ho ti'ehina ai suhi huto lali hiti ana huto lele'mo ho tiloto lenali hiti Yesu ai nohinalo lele'mo malalube'mu hibe.

Yemesi 5:20

ai'a ya'ma kaga ma luto kehelilibe. Moneuba foipana'a hiti bona'magihi kapo sibina'aguti le'moto oto hetofa kapolo le'mo malalina bouba ya'ma ana foipana'a hiti bomofihi meha'a hiti fili lalibe luto buto bito foipana'a hiti silaga'i li he'mi eto su halibe.