Yemesi 4:5 - Ka Lamana'a Monoꞌi Lu Mu Tifiꞌehina Ka Yabe

⁵ Lenali kehelilo. Hu'mau mono bukugu mone kaga luto lu'ehina ka'a yamofihi hapa'a futu'a meni'igo ana kaga ni'ibe: Nani ya'ma bona'magihi komopa'anigu molo epolo'ohuna enemeha'aniuba foipana enibita hina nasana amuya'a lolo hi etalifihe? luto lu'ehina yabe.

Yemesi 4:5 Referans Kwoze

2 Koliti 6:16

To Hu'mau hiti lugefa nasana hiti moneko nonugu minala'ifiye? Ya huto meni'ibe. Nekehelifihe? Hu'ma amuya moloto minoba minoba bomofihi noha'a lali ya'ma nohune. Ya hu'ehina'mu Hu'mau ma luto lu'ehinamo ni'ibe: Nani bona'nimagihi komopa'anigu minoto lito minoloto'ni enali folagaha'anigu humofa'na hilube. To nani enali sipi bo'ani lolo huto minalube. To enali nani yagapana'ni lolo hite minalabe.

1 Koliti 6:19

Lenali ya'ma lite mekeheli'ahafihe? Lenugufatini ya'ma Sikalafu'mofihi sipi mono nohi ni'ibe. Hu'mau lenali lenugafamofihi komopa'agu minoto lito hilibe luto molo lepolo'ehina yabe. Lenali ana lenugufamofihi afo'agita menehabe.

Taitasi 3:3

To laliti koyapa'i ana suhi huto mino'ohuta lali negi nagi noto minolata, ka keheli he'milata to keheli sibina hulata huto mino'ohuta yabe. To ya nohutogo lele'mo hapotili hilata hi'ahanamo ya hulototi libita hulata nohina nasanamofihi laga'a kehelilata foipa nasanamofihi agoya hu emito minoto bona'i enele'mo sibina hu epoloto bona'magi lolo hite melete hanana'mu ya suhi huto minose ni'inaya ya luto lulototi siko hulata hu'ohutamo ni'ibe. Ya nohutogo lali kumu keheli sibina nehago enali lipakafa lahago lali enipakafa enohonogo hulata hu'ohutamo ni'ibe.

Galesia 3:8

Fegutoga bona'i enali Hu'mamofihi agoya hu emilenogo yamofihi foipana'ani li he'mi epalalibe. Koyapa'i mono bukugu Hu'mau ai'a Abalahahi ka lamana'a lu emi'ehina ya'ma lite kehelite mono kagu fayahi ma lite keye'ahanamo ni'ibe: Kai agoya hu nimi'ahatalo lusa gi keto'ohuna ya'ma melugu bona'i asagatoga li su halube'mu hibe.

Aposolo 7:9

Enali tatatigi Yosefehi ipakafa helete fato bona'i le'mo neepite efahi li'ahana yabe. Ya hago Iyipi metoga le'mete bi'ahana. To Hu'mau ai hiti moneka mino'ehina.

Yoni 10:35

Ya'ma lali mono kaga keye'ahana lamana ka ni'igo mino lito bu'ehina kaga ni'ibe. Hu'mau ka'a lu epi'ehina'a enali kumu nani suhi hite mine'ahabe luto Hu'mau lu'ehina.

Romu 1:29

Enali komopa'anigu li sibinana foipana fato fato'i babu lite bai tete minabe. Enali fe'noha'ani li moloba moloba nehite lalitisigo ni'inaga lite musufalo bomofihi meemise'na to kenasabo bise'na to bomofihi yogo fe'noha'a bu gelete lilube lise'na to enoho filise'na to luba hise'na to faga faga luse'na to enipakafa hoto enemegeka luse'na to bona'i mone kumu musi musi ka lilete faga luse'na nehana yabe.

Romu 9:17

To Hu'mau koyapa'i sipi bo Felohi lu emi'ehina ka fayahi ge'ahana: Nani Iyipi melugu sipi bo'ani henabe luto kele'mo ho ti'ohube? Sipi kaba bo lolo hu keto'ohunogo alipo sibina hiluna kanagu amuya'ni enelepilube'mu nohugo asaga noto noto bona'magi bu gelete nigi'ni liyafa hilabe luto lu'ehina yabe.

Yoni 19:37

To mone hiti keye'ahana ni'ina: Boana'magi fi ete'ahana bomofihi bu galabe.

Yoni 7:42

Mono bukugu lite ge'ahana: Tebiti mino'ehina hepalugu Betelehe yagi Tebitihi ai'a naga'aguti Mesiau huto hilibe luto ni'ina yabe.