Yemesi 2:22 - Ka Lamana'a Monoꞌi Lu Mu Tifiꞌehina Ka Yabe

²² Ya hu'ehina ai keheli amuya molo lito buto mono ka legeya'a lito buto mono ka lamana'a lu'ehina yamofihi kehelito mino amuya moloto keheli su ho'ehinamofihi keheli'ahabe.

Yemesi 2:22 Referans Kwoze

1 Tesalonika 1:3

Lenali Hu'mamofitoga keheli amuya melete minelata nehana yamofihi lamana'a ya'ma li huto nehabe. To komopatini emilata nehite foya'a amuya melete minelata nehabe. To Sipi Bo Yesu Kilisito alina kumu yabe luto keheli ule'ale hite geba hite minelata nehabe. Ya'ma afotifu Hu'mamofihi ai gobisalo kehelito fokehi holata nohune.

Galesia 5:6

Yesu Kilisitotoga buto i hepito minaluta ya'ma lugufa laga huse'na to lugufa laga mehuse'na li nupa napa huto mone'na legeya'a meni'ina futu'a yabe luto lilune. Keheli ule'ale hulatanamofihi fayaha'a komopatigu minelenogo komopati bona'i asagatoga malaluta'muko legeya'a yabe lilune'mu hune.

1 Yoni 2:5

To bona'i moneuba ai Hu'mamofihi ka'alo mege'i malalina'a ai komopa'a Hu'mamofitoga emi'ehina yamofihi legeya'a ahuto hu su ho'ehibe. Ya hulago ya'ma Hu'mamofitoga i segito bati hulata nasanamofihi legeya'a ya suhi huto huto hilenogo bu goloto akehelilune.

Yemesi 2:18

Bo moneuba noluna ka o'e a'e nolinogomo ma luto lu emilunamo ni'ibe: Kai ya'ma keheli amuya molo'ahataya nani ya'ma mono ka legeya'a lilata nohube. Mono legeya'a menelepise keheli amuya mololata hu'ahata'asigo nelepilata yamofihi nani mono ka legeya'a lilata nohuna ya'ma kelepinogo'ni keheli amuya nomolonamofihi hapa'a fa'mene kehelilane luto lilube'mu nohube.

Yoni 6:29

Ya lago Yesu ka'anilo nona'a lu epi'ehina: Hu'mamofihi lili'na'a ma huto ni'ibe. Ai'a ho lifigo o'ehina bomofitoga komopatini emite minalo.