Biblia Todo Logo
Bib sou entènèt

- Piblisite -




Yemesi 2:17 - Ka Lamana'a Monoꞌi Lu Mu Tifiꞌehina Ka Yabe

17 Bona'i luga'amagi enali keheli amuya melete mono ka legeya'a mone melilana ya'ma Hu'mamofi kumu keheli amuya malalana'a pata si'ehinamo ni'ibe.

Gade chapit la Kopi




Yemesi 2:17
9 Referans Kwoze  

To bo mone'mofihi gufa'a komopa'agu meha'a meni'igo fili'ehibe luto lilune. Ana huto bo moneuba keheli amuya malalinaya mono ka legeya'a melilina yamofihi keheli amuya molose'na'a asu ho'ehibe luto lilune.


Nalalu'nigitabe. Bo moneuba nani Yesu kumu keheli amuya molo'ohube luto lilina ai ya'ma mono ka lamana'a mone mege'i memelenogo sapuya'a lolo hilube'mu nohibe. Ya huloto keheli amuya moloto bilina ya'ma Hu'mau buto bilifihe? Bati mehu'ehina.


To nani ya'ma henabe luto nolube? Enali kehelilete komopa'ani mone keheli sibina mehise komopa'ani fulu hinogo minete to Hu'mamofihi agoya hu emite minalabe. To ya hite minete, Hu'mamofitoga enemehi emilana'mu yabe luto nolube.


To minoba minoba hilana nasana ya'ma yabe. Hu'mamofitoga keheli amuya nomolota to huto hilina'a sa sa huto geba nohuta to liginaga fise nohuta yamofihi nasana loebe monebe nehanaya liginaga fise nohuta yamofihi le'mo kohe to'ehibe.


Lenali Hu'mamofitoga keheli amuya melete minelata nehana yamofihi lamana'a ya'ma li huto nehabe. To komopatini emilata nehite foya'a amuya melete minelata nehabe. To Sipi Bo Yesu Kilisito alina kumu yabe luto keheli ule'ale hite geba hite minelata nehabe. Ya'ma afotifu Hu'mamofihi ai gobisalo kehelito fokehi holata nohune.


To ana'ina asaga enumuhi meni'ina bona'i enehe'malube luto fe'noha'ni he'mi su holoto to enali kumu luto nugufa logogu he'miloto'ni niginaga mefise fa'mene minotita fa'menenamo ni'inago ya nasanauba nele'mo bati mehitita'mu yabe.


Yesu Kilisitotoga buto i hepito minaluta ya'ma lugufa laga huse'na to lugufa laga mehuse'na li nupa napa huto mone'na legeya'a meni'ina futu'a yabe luto lilune. Keheli ule'ale hulatanamofihi fayaha'a komopatigu minelenogo komopati bona'i asagatoga malaluta'muko legeya'a yabe lilune'mu hune.


Swiv nou:

Piblisite


Piblisite