Yemesi 2:16 - Ka Lamana'a Monoꞌi Lu Mu Tifiꞌehina Ka Yabe

¹⁶ lenalitogati moneuba ma luto lu epilina: Nalalu'nigitabe. Nehafihe? Bati hite minalo. To mukoho'a hiti lenumu hinogo minalo luto lu epilinaya enehe'moto enubuto mebilina yamofihi futu'a lilina'mu yabe.

Yemesi 2:16 Referans Kwoze

Romu 12:9

Lenali leniginaga fise'namu fato bona'mofihi leniginaga fi emite lusiga lite komopatini emilo. Foipa faipa huse'namofihi hapa'a lagati melebesibe lite lenemegesa hu emilo. Ya hite, asaga lamana huse'namofihi li pili kete mineme bite minalo.

2 Koliti 8:8

Nani lenogo'na bito melu'ohube. Mono ka nekehelina bona'magihi luga'aga ana foya'mu babahi hi'ahabe. Yamofihi lu lepinogo'ni lenali enehe'mose'na legege hite ya'ma huto ni'inamofihi hapa'a huto hilibe luto nolube.

Matiu 15:32

Yesu koko panana'a kehe i nupa huloto ma luto lu epi'ehina: Ma bona kumu'i nani niginaga nofibe. Hena'mugope enali loegi monegi yupahi nani hiti mine'ahana yatai nose'na nalana'a meni'ibe. Nani nose'na meepise enoho lifinogo'ni bilana enali kapoga nebinogo enubu neta neta bilenogo ho kete kela ya hila hilabe'mu nolube.

Matiu 25:35

Hena'mugope? Koyapa'i nani kau'na nonalago lenali nose'na nimi'ahana yabe. To nagami kumu lubaha'ni hosopa noigo lenali nagami'i nimigo no'ohuna yabe. To nani hepa'ni he'miloto ka bo oto nohugo lenali nohatinigu nele'mo mele'ahana yabe.

Matiu 25:36

To nani nugufa yapako nohugo lenali nugufalo gukete li hekele nete'ahana yabe. Nani nebesigo koloto nohugo lenali fulu fulunatu ite ete soso hi nete'ahana yabe. Nani naga nonugu nohugo lenali ete bu negete nebe tigi'ahana yabe.

Maki 5:34

Ya ligo Yesu kehelito ma luto lu emi'ehina: Oho, pa'nimaka. Kai nanitoga keheli ule'ale hu'ahata yanauba kugufaka le'mo bati hibe. Kebesi'ehinana yatai fa hu keto'ehinagihe. Kelesaka melinogo fulu huto bubo.