Yemesi 1:5 - Ka Lamana'a Monoꞌi Lu Mu Tifiꞌehina Ka Yabe

⁵ Lenalitogati bo moneuba keheliya ise'na'amu sa sa hulotomo Hu'mamofitoga loka henogo emilube'mu nohibe. Hu'mau ya'ma bona'i asaga'i enele'mo hetofa huto nohina bouba ka meepekise ana'ina kehelise'na sipi huto epilata nohibe.

Yemesi 1:5 Referans Kwoze

Yoni 15:7

Lenali ya'ma nani hiti minototi kaga'ni komopatinigu minalina ana'ina'mu buka tilana huto hu lepilube'mu hibe.

Yemesi 3:17

Kokulumaluguti keheliya ise'na limilina yauba hapi fito komopati gulu gulu linogo minoto agoya bonako minototi fulunamofihi hapa'a lilata nohune. To fato bona'i bu enogoloto ginaga fise'na epiloto enele'mo lamana huto yamofihi legeya'a babu luto li huto hu leto'ehina ya huloto ligitagahi huto kenetufati loe lae hinogo faga faga luto meliluta'mu yabe.

Yoni 14:13

To lenali hena hena nasana'mu nigi'nilo lite loka helenogo nani ya'ma huto hu lepalalube. Afo'nifihi pana'a nohunagi ya hu lepalalube'mu hugo bona'magi kehelite Afo'nifihi enofoke ka li emilabe.

1 Yoni 3:22

To ka'a kehelilototi ai bulo minoto moloto nohunogo bati hulata nohibe. Ya'mu ya'ma aitoga lutogo limilata nohibe.

Yemesi 5:16

Hu'mau lele'mo ye kalibe lite nelitemo foipanatini ai he'mi etenogo ai he'mi etenogo lu hokolo hite Hu'mamofitoga lilo. Bati hite minalana bona'magi Hu'mamofitoga loka hete ya'ma ana'ina lamana'a lilana'mu yabe.

Yoni 4:10

Ya ligo Yesu ka'alo nona'a lu emi'ehina: Hu'mau hetofana epilata nohina hiti to nagami'i hefi nimibo luto koloka nohana bo hiti kai keheli'ahatita, ai'i loka hatago mino kosaba nagami'i kimitita'mu yabe.

Yemesi 1:17

Asaga nasana bati huto lele'mo lamana hulata nasana lamana'a yamofihi Hu'mamofitogati ni'ibe. Afotifu Hu'mau ai kokulumagu fi fana tolata nasana asaga'i sonofi'i hiti ikahi hiti yege hiti enele'mo huto hu'ehina bouba hetofa nasana limilata nohina yabe. Ana huto ana'ina li gelehe galaha hilata nehanaya Hu'mau anamofihi suhi menohibe.

Matiu 11:20

Hepa'i luga'aga Yesu topa hose'na li hu enebe li'ehinalo bona'magi komopa'ani i gelehe mehi'ahana yabe. Ya hi'ahago ya'ma kanalo Yesu ka epekito mino'ehina yabe.

2 Koliti 2:16

Foipanamofihi nasana lolo hi'ahana enali tu nebite fililata nehana nasanamofihi tuguma'i enahago fililata nehabe. To lubuto bi'ehina bona'a lali tu nebite minolatanamofihi tu'a loholoto lele'mo mopo higo kosaba lemehiti lolo huto minolata nohune. Foya yamofihi asaga bona'i enali'ani amuya'aniloti bati mehu'ehigo aku'i laliti ya'ma lilune.

Maki 16:14

To alihi, aposolo bomagi 11 magi li nupa hite nose'na nenago, Yesu enubulo huto huloto ka epekibe. Hena'mube? Enali, bona'i mone'amagi Yesu fili'ehinaguti ho ti'ehigo bu gete ka lu epigo, enali: Faga yabe, lite enipagu higo komopa'ani ule'ale higo Yesu ya'mu ka epeki'ehibe.