Yemesi 1:19 - Ka Lamana'a Monoꞌi Lu Mu Tifiꞌehina Ka Yabe

¹⁹ Komopa'ni nolepuna nalalu'nigita, lenali ya'ma kaga'ni kehelilo. Lenali Hu'mamofihi ka'a mele'isi nekehelite fulu hite kaga lite lenita bilina nasana'mu kaga mele'isi melilo.

Yemesi 1:19 Referans Kwoze

Efeso 4:26

To lenipakafa lenehenogo foipana li lalabe lite mele'isi he'mite su halo. Lenipakafa lenehenogo mineba mineba hite nehinogo yege liminogo bati mehibe.

Efeso 4:31

Lenali enipakafa hose'na hiti to kenasabo bise'na hiti to enemegeka lite ya'ma asaga'i keheli he'milo. To luba lenegekesa mehino.

Kolose 3:15

Hu'mau folagahatinigu Kilisitohi fuluna'a minalibe luto lenele'mo moneko'na hu'ehinagi fuluna'auba lenipagu kaba hinogo fulu hite minalo. To Hu'mamofihi fokehi lilo.

Matiu 5:22

Ya hu'ehina yatai aku nani lu nolepube. Bo moneuba gona'a ipakafa halina ai ka foya lilina'mu yabe. To bo moneuba gona'amofihi kaiya fa'mene bati mehina bo nohane luto ka emekilina kanisole bolo ho tito ka foya lilina'mu yabe. To bo moneuba gona'amofihi negi nagi noto bati mehu'ahata bo nohane luto ka emekilina aiya loba loba logo kapogu bilina'mu yabe luto Yesu lu epi'ehina yabe.

Yemesi 1:26

Luga'amagi enali Hu'mamofihi amuya'a kehelito nominone lite lilana'a ya bona'magi enabaga'ani kaba mehilana yamofihi bona'i ya'amagi mono ka nolupihe lite faga heletuya'a lilune'mu nehabe.

1 Tesalonika 2:13

To lali Hu'mamofihi kaga lu lepi'ohutogo lenali ya'ma bona'magihi kaga ni'ibe lite melise ya'ma Hu'mamofihi ka lamana'a yabe lite kehelite li gu i'ahanamo ni'ibe. To lamana'a ya'ma huto ni'ibe. Hu'mau ya'ma aitoga keheli emilata bona folagaha'anigu minoto foya'a lilata nohibe. Ya'mu lenalitoga ya huto nominana'mu lali ya'ma Hu'mamofihi fokehi mone hiti holoto nominone.

Aposolo 17:11

Enali Yuta bona'i Belia hepalugu enegekesa hokolo nehanamagi hetofana hite koyone hi'ahana. To luga'a Yuta bona'i Tesalonika nehanamagi suhi lite memine'ahana. Enali Belia bona'magi ka'atiti keheli bati hite laga'ani epesigo asaga yupahi mono buku'ani hiti lite e'ehite Polugo Silasiugo faga lila'ifi ma'naka lila'ifi lite leka so bati hite bu golata hi'ahana.

Luku 19:48

Ya hana asaga boana'i Yesuhi kaga'a amuya melete keheli bati hilune'mu hago yana'mu enali ana bomagi Yesuhi halana kapo'a li hokolo mehi'ahana yabe.

Maki 2:2

To ai nonugu minoto Hu'mamofihi kagamo lu noepigo, babu bona'magi anaga bite li gehesa nehite kasiha'alo ikini ikini hite minago kapo mone hokolo mehu'ehina.

Aposolo 10:33

Ya'mu luto kaitoga mele'isi enoho lufugo bi'ahanamo kai bati huto a'noane. To Sipi Bouba lu kabagalo melenogo lilata kaga lali kehelilune luto Hu'mamofihi bulo li gehesa huto nohune luto Koniliasiu Pitahi lu emi'ehina yabe.

Aposolo 2:42

Enali aposolo pana'magi kaga'ani mone'a hiti kehelilune lite amuya mele'ahana, to enigibo nagabo enehe'mola, nose'na monekolugu li nupa hite nela hite to nunumu monekolugu li nupa hilete hilata hi'ahana yabe.

Luku 15:1

Mone yupahi takisi nelina bona'i hiti to ka'i leli nehana bona'i hiti Yesu nohinalo ete ai kaga'a linalo kehelite mine'ahana yabe.

1 Yoni 2:21

Ya'mu luto fayahi ya'ma koyoto nolepube. Lenali ka lamana'a mekehelibe luto ni'igopa, ka lamana'a kehelilata nehana'mu yabe, luto ya'ma fayahi koyoto nolepube. To ya huto ya'ma keheli'ahabe. Fagalo bona'i asaga'i ya'ma ka lamana'amofihi komopa'aguti mone huto mehu'ehibe.

Aposolo 13:48

Ya noligo enali fegutoga bona'magi kehelilete enegelo bilete Sipi Bomofihi ka'alo fokehi he'ahana. To asaga bona'i minoba minoba hepatoga bilabe luto Hu'mau elesa molo'ehinamagi aitoga komopa'ani emi'ahana yabe.

Maki 12:37

Ya luto lu'ehigo Tebitiu ana ka luloto Kilisito kumu: Nani kibina bo'ni yabe, luto ya'ma gi ho'ehina. Ya hu'ehigo enali henabe lite Kilisito Tebitihi yagapana'a anasi nohibe, lite nelabe? Yesu ya ligo asaga boana'magi ka'amofihi keheliba keheliba hite ai kumu fokehi li'ahabe.

Aposolo 1:15

Nunumu hite minana kana'a nesi'a babu luto enebe ligilago mone yupahi 120 bona'i li nupa hite minago Pitau ho tiloto ma luto lu epi'ehina:

Yemesi 1:2

Nigibo nagabose, kalana'i nemele lepelenogomo yamofihi enimi'i melenogo lenali ule'a'ale hite keheli'ahanamofihi hapa'a huto hilibe lite keheli'ehite keheli sibina mehise lenegelo bite minalo. Lenali mono kagu amuya malalabe lite kalana'i mele lepalalana nasana yamagi lenele'mo bati hilune'mu nehabe.

Yemesi 1:16

Komopa'ni nolepuna nalalu'nigita, haya mekalalo. Fi taga hu epololata nasana ya'ma Hu'mamofitogati meni'ibe.

Yemesi 2:1

Nalalu'nigitabe, lenali fana meha'a hiti bo, Sipi Bo Yesu Kilisitou kumu akeheli amuya mele'ahanamo ni'ibe. Bona'i luga'amu keke boke neli epelete bona'i luga'amu bu enogo he'milata nehana neminana yamofihi hena'mu ya suhi hilata nehabe? Ya suhi mehilo.

Yemesi 2:5

Nemehi nolepuna nalalu'nigita, ya'ma kaga kehelilo. Salafa'a bona'i nehabe lite nelite lilata nehana bona'i mone ya'ma Hu'mau enele'mo eto higo Hu'mamofihi gobisalo ya'ma fe'noha'ani hiti bona'i lolo hite nehabe. Ya nehago Hu'mamofitoga komopa'ani melete neminana bona'i ya'ma lu epolo'ehina suhi huto ai kapo'alo enele'mo hetofa hilina'mu yabe. To enali kehelise'na'ani aitoga ule'ale hiti le'mo sipi hilina'mu yabe.

Yemesi 3:10

Ana kenetufati monekotu enofokehi lilata nohune. To li gelehe huto huli ka lu epololata nohune. Nalalu'nigita, ya'ma laga mehina suhi ni'ibe.

Yemesi 4:11

Nalalu'nigita, lenalitini ka foipa'a melilo. Moneuba ai lalu'afi kumu ka foipa'a lu etalina ai ya'ma Hu'mau keya ka lu'ehina kagamofihi li sibina hulata nohuto ana kagamofihi loko nohibe. Kai Hu'mau keya ka lu'ehina li sibi hilata ya'ma kegekesa yigito ka lamana'a meni'ibe luto lilatamoya, ana keya kalo mege'i mololata menohane. Ana kagamofihi loko huto fa'mene nominane.

Yemesi 5:12

Nalalu'nigita, kaga amuya'a hiti ka mone lilugi kehelilo. Kokulumagu lenayahi tite lu laga mehilo. To metoga to nasana'mu fato fato'i lenayahi tite kaga melete lu laga mehilo. Hu'mamofito ka foya li lalabe. Lenali ya'ma o'yo luto lilupi to o'e luto lilupi litemo yamofihi ka'a lama'naka lite lilo.

Yemesi 5:19

Nalalu'nigitabe. Lenali folagahatiniguti moneuba mono kapo'mu bego hilina yamofi kumu lalu'afu moneuba le'mo gelehe hinogo nohuto,