Yemesi 1:12 - Ka Lamana'a Monoꞌi Lu Mu Tifiꞌehina Ka Yabe

¹² Kalana'i nemele lepelenogomo fili tegi hite meminalana'a yamagi enegelo bite minalana'mu yabe. Fi taga hi epelenogomo su nehenogo yamofihi Hu'mamofitoga komopa'ani emite minalana bona'i epilube luto lu molo'ehina nasana yamofihi babeyafa'a minoba minoba huse'na liluta'mu yabe.

Yemesi 1:12 Referans Kwoze

1 Pita 5:10

To asaga lehe'malina afo'afihi, Hu'ma ai'i sekele mamu'a hiti Sikalafu'uba amuya moloto minolata nohinamofihi aitoga Kilisito kumu yabe luto aitoga bu henetilabe luto elesa molo lepi'ehina bo ai leniginaga fise kana'a hupamone'isi nokehelito lenele'mo bebe soto tito amuya'auba limito lenele'mo hetofa huto amuya lapusa fi lepalalina'mu yabe.

Huto Hilina Ka 2:10

Lenalitoga keta'a huse'na aku'i huto hu lepilube'mu higo lenelesa melino. Keheli'ahafiye? Satau ai enimi'i mololata nasana huto hu lepilibe luto lenalitogati luga'a ya'ma naga nonugu lenele'mo malalina'mu yabe. Ya hulenogo keke'i luse'na keta huse'namofihi kana'a 10 yupapogu huto hu epilina'mu yabe. Lenali ya'ma mono ka li pili kete lite fililafi fa'mene minalafi lite minete kehelilenogo sekele mamu'a hiti kakili tegi huto ule'ale huto minolata nohinamofihi lito bi lepalalube'mu hube.

Yemesi 5:11

Keheli'ahafihe? Enali ule'ale hite lite mine'ahana bomu'i ya'ma Hu'mau lusa gi epolo'ehina bo yabe, luto lulata nohune. Koyapa bouba Yopu ai keke'i luto minoto kosele'i mehago mino'ehina'a akeheli'ahabe. Aliha'a ya'ma Sipi Bouba ana'ina lamana'a molo eto'ehina ya'ma akeheli'ahabe. Yana'mu Sipi Bouba lalitoga ginaga fito bu goloto komopa'a limito lele'mo hetofa hu letalinamo ni'ibe, luto kehelilune.

Romu 8:28

To lali mana akeheli'ohune, Hu'mau lu kehelise'namofihi bona'a enali kumu kehe igo bite aitoga komopa'ani emi'ahanamagihi ai asaga huto hilina kanagu hetofana hu epololata nohinagihe.

Matiu 10:22

To anaga bona'magi lenipakafa halana'mu yabe. Hena'mugope lenali nani yagapana'ni minana'mu lite yabe. Ya hu'ehina to bo moneuba amuya moloto minomo buto bona'i guna ise kana'alo minalina Hu'mau aku'i le'menogo ana bo ai Hu'mamofihi pana'a minalina'mu yabe.

1 Koliti 9:25

Yagapana'i yokolo'na hilana enali enugufa amuya malalune lite hapi fite fato fato legege hite elata nehabe. Lilune'mu nehite enali sekele mamu nasana fa'menena'mu ya suhi hilata hi'ahana yabe, lali ya'ma sekele mamu'a minoba minoba nasana'mu ya suhi hilune.

1 Pita 3:14

To lenali bati hite neminete to ginaga fise'namofihi gupisa'alo tilana'mu lenegelo bilo. Yamofihi Sipi Bouba keheli'ehinogo lenegelo bilana kehelilina'mu yabe. To luba li huto hu lepilinaya lenali nekehelite lenelesa nelinogo afoya foya meilo. To ana hite lenuluhaya metino.

2 Timoti 4:8

To ya hugo ya'ma kokulumaguti be ligi'ohutamofihi mina sekele mamu'a hiti kakili'i lamana'a Sipi Bouba ya'ma hetofa nona'a guna malalina bo ai anana nimilibe. Minoto kana'a sipi yupahi Sipi Bouba ai'a le'mo bebe soto guna mololata bouba nani hiti silaga bona'i ai nehetilina kana'amu fifa ito geba hulata nohuta bona'i ya'ma ana kakili'i bi letalina'mu yabe.

Yemesi 2:5

Nemehi nolepuna nalalu'nigita, ya'ma kaga kehelilo. Salafa'a bona'i nehabe lite nelite lilata nehana bona'i mone ya'ma Hu'mau enele'mo eto higo Hu'mamofihi gobisalo ya'ma fe'noha'ani hiti bona'i lolo hite nehabe. Ya nehago Hu'mamofitoga komopa'ani melete neminana bona'i ya'ma lu epolo'ehina suhi huto ai kapo'alo enele'mo hetofa hilina'mu yabe. To enali kehelise'na'ani aitoga ule'ale hiti le'mo sipi hilina'mu yabe.

1 Pita 5:4

To minoto kaba bo Sipi Bouba nehetito sekele mamu'a hetofana ni'ilina yanamofihi fana tose'na'a sipi'a amuya moloto minolatamofihi yana'a ifi to lepelenogo minalabe.

1 Koliti 2:9

Ya hu'ehina'mu kaga mone ma lite mono bukugu fayahi keye'ahanamo ni'ibe: Bona'magi bu mege'ahana to enegekesatu mekeheli'ahana nasana, to bona'magihi komopa'anigu mekeheli'ahana nasana, ya'ma Hu'mamofihi komopa'ani emi'ehilana bonatoga le'mo huto hilina'mu yabe.

Huto Hilina Ka 3:21

Nani amuya moloto Satahi be ligilogo afo'nifu ya'ma ai'a sekele mamu'a hiti kefa hisa minolatana nohinalo minolata nohube. Luga'amagi enali monolugu amuya melete mine lite bite Satahi luba'a be ligilana'a ya'ma ana suhi hite nani'ni ya'ma elesa melenogo nani sekele mamu'a hiti kefa hisalo nohuna namaha'aga moneka minaluta'mu yabe.

1 Pita 4:13

Koyapa'i Kilisito sipi keke'i luse'namofihi gupisalo ti'ehina ya'ma lenali ana hite Kilisito kumu leniginaga fi'ehina yamofihi komopa'agu mine melete minete komopatini bati hinogo minalo. Ya hite nehinogo lenegelo bise'na'a hiti fana tose'na'a li huto hu lepinogo ana suhi huto komopatinigu ana'ina kosaba nohinogo lenegelo bite minalabe.

1 Koliti 8:3

Luga'amagi enali komopa'ani Hu'mamofitoga molo hetofa hilana enali ya'ma Hu'mau kehelinogo bati hilune'mu habe.

Huto Hilina Ka 3:19

Nani komopa'ni epi'ohuna bona'i ya'ma ka epekito osahi epito enele'mo bati hulata nohube. Ya hu'ehina'mu lenali amuya melete foipa hapatini he'mite komopatini li gelehe hilo.

Hibulu 10:32

Lenali koyapa'i ana'ina lolo hite mine'ahanamofihi aku'i kehelilo. Kana'a ya'ma yupahi komopatinigu Hu'mamofihi fana meha'auba fi fana to lepelenogo keke'i luse'namofihi komopa'agu minete keta'a hiti foya lite amuya melete lite mine'ahana.

Hibulu 6:15

To Abalahahi Hu'mau lu eto'ehina kaga'mu yabe luto kosele'i mehago geba huto mino lito buto legeya'a ligo ai'na lolo hu'ehina.

Matiu 25:34

Ya hinogo'ni kibina bouba ai oloto nayahi lamaga'niga nehana bona'i ma luto lu epilina'mu yabe: Lenali alo. Afo'nifu lenele'mo bati hilibe. Koyapa'i ai kokuluma hiti me'i hiti lolo hu'ehina kana'alo Afo'nifu kapo'a li hokolo hu lepolo'ehina kapo lenali ete tilo.

Hibulu 11:17

To Hu'mau Abalahahi fi taga hu etago keheli ule'ale hulata bo nohibe luto Isakahi lepa ito kuguhi koyo emilube luto keheligo amuya molo'ehina. Ai'a yagapana'amu Hu'mau lu molo eto'ehina kaga ya'ma li pili koto keheli'ehina bo nohinaya pana'a moneko'i ya'ma lepa ito kuguhi kayalube luto keheli moneko hu'ehina.

1 Yoni 4:19

Lali ya'ma Hu'mau kohe toto komopa'a limi'ehinamo ni'igo yamu'i lemehi ai emilata nohune.

Hibulu 12:5

To Hu'mau panana'ni yabe luto luloto amuyatini lito lenele'mo amuya moloto ka'a mone lu lepi'ehinamo ya'ma lenegekesu ho'ehifiye? Ya. Ka'a ma luto lu'ehina: Pana'ni kai'i Sipi Bouba kele'mo bati hilube luto ka kemekinogomo osahi kimilina'mu kehelitogo sibina mehino. To foipa nasana'mu ka kemekinogomo komopaka hekini meleno.

Luku 6:22

To bona'magi enipakafa lenehenogomo lenofokehi halo. To lenali Kokulumaguti limi'ehina Bo mege'i nemelenogomo bona'magi lenipakafa halanamo'mu nolube. To enali lenele'mo he'milana yabe. To ka foipa'a li lepalalabe. To lenigitini li sibina sabana hite halana'mu yabe. To asaga ya'mana nehi lepelenogo lenali sipi lenofokehi halo.

Romu 5:4

To lali amuya lekesa molo lito bilutaya Hu'mau kehelito laga besigo lali kumu fokehe lilibe. To lali kumu fokehe lilata'mu lali lekesa kehelito ai kumu geba huto minalube.

2 Timoti 2:15

Hu'mau enali kumu kehelinogo bati hilibe luto amuya moloto minoto foya lilane. Ya nohuto Hu'mamofihi ka lamana'a fotogo huto lu noenelepito kubuya mehulata nasana ya'ma foyalo bo minalane.

1 Pita 4:14

Lenali Kilisitohi gi'a kehelite minana'mu yabe lite libe kofa hibe hite mumusopa i lepelenogomo kehelinogo yauba amuya'a hiti'na lolo hite lenegelo bite minalo. Ana'ina ya hite lite li lepilenogomo Hu'mamofihi Meha'a silikeha'a hiti nohinauba lenalitoga limito minalinamofihi hapa'a huto nohibe lite lilabe.