Yemesi 1:11 - Ka Lamana'a Monoꞌi Lu Mu Tifiꞌehina Ka Yabe

¹¹ Yegeuba tito nolenogo kifina haya'a i pigilina'mu yabe. Uya'i loto limo ilenogo okaba'a sekuya bito fenene hilina'mu yabe. Ana hite, fe'noha'ani hiti bona'i to foya'aniga nebite haya kalalana'mu yabe.

Yemesi 1:11 Referans Kwoze

Maki 4:6

Tiloto yalo lufusa'a meni'igo, to yege tito lolago, mele'isi lo hosopa ito lo i pigi'ehina yabe.

Matiu 13:6

Ya higo analo yege lo malago ana nose'na yegeuba lo hosopa noibe, hena'mugope lufusa'a me'i ema'alo melimi'ohuto yabe.

1 Pita 5:4

To minoto kaba bo Sipi Bouba nehetito sekele mamu'a hetofana ni'ilina yanamofihi fana tose'na'a sipi'a amuya moloto minolatamofihi yana'a ifi to lepelenogo minalabe.

1 Pita 1:4

To fili'ehinaguti le'mo ho ti'ehina'mu luto kokulumagu amuya fe'nohi fulupa meilina'a to sibi mehilina'a to fenene mehilina'a molo lepolo'ehina yabe. To fililata'namofihi ya'ma geba hulata nohuta yamofihi minete kokulumagu tilabe luto lenele'mo babahi nohu lepalabe.

1 Koliti 7:31

To ma melugumofihi yogo fe'nohi molose'na lite ete hilata nehana yamofihi ya mehuse suhi hinogo minalo. Hena'mube? Me'mofihi ya'ma fayaha'a hiti ni'igo bu goto kehelito nominotaya fenene hilube'mu nohigo ya'ma kaga nolube.

Matiu 6:30

Yatai huto hilete yago fenene hilete nehana lose tose kifi'namagihi Hu'mau gukete'ani hu epololata nohibe. To lenali'iba ana huto lenele'mo bati huto guketetini mehu lepalalina ni'ifihe? Lenegekesa menina bona'i nehafi?

Matiu 20:12

Ya'ma alihi e'ahana bona'i lili'na hupamone kanasi li'ahana mina'ani lali limi'ahata moneko legege suhi luto epi'ahane. Ya hu'ehina lali keta lili'na sipi yege lanalo logobi hiti hiti huto lagabu lili'na li'ohune.