Yemesi 1:1 - Ka Lamana'a Monoꞌi Lu Mu Tifiꞌehina Ka Yabe

¹ Nani Yemesita Hu'mamofihi koko pana'a to Sipi Bo Yesu Kilisitohi pana'amofita nani'ni fayahi nokoyobe. Lenali Isilaeli bona'magihi naga'i nayahi luga luga su hoto nigigusaga loemo leke ho malago tili tele hite bi'ahana bonatogati Yesuhi naga'a lolo hi'ahanamagihi keke'i lu epoloto ya'ma fayahi nokoyobe.

Yemesi 1:1 Referans Kwoze

1 Pita 1:1

Nani Pitaita, Yesu Kilisitohi aposolo nohuna bo, Hu'mau nele'mo eto hu'ehina. To Hu'mau lenele'mo ho ti'ehina bona'magita, lenali guna molo'ehinalo Ponitasi metoga hiti Galesia metoga hiti Kapatosia metoga hiti Esia metoga hiti Bitinia metoga hiti tili tele hite mine'ahana lenali'i fayahi ya'ma koyoto nolepube.

Yoni 7:35

Ya ligo Yuta bomagi ai loka hago ai loka hago hite ma lite li'ahana: Ai hiya'aga bu'ehinogo lali sa sa hilutaga'mu nolibe? Giliki nogo nehana metoga Yuta bo nehite Giliki bona'magihi hepato buto mono kaga enelepito bilube'mu nolifihe?

Aposolo 8:1

Ya'mana kana'aloti fato bona'magi hapi fite Yelusale hepalugu Yesutoga komopa'ani molo emite neminana boana'i enegene mane ite neenahago tili tele hite Yutia kegi'a nebago Samalia kegi'a nebago hi'ahana yabe. Ya hana 12'a aposolo bona'i Yelusale analo mine'ahana yabe.

Aposolo 26:7

Enali nayahi luga luga su hoto nigigusagati loemo heleko malago nagatimagi utehi etehi Hu'mamofitoga nunumu nama lite minete komopa'ani aitoga amuya melete emite ananamofihi nogo geba hite mine'ahana yabe. To kibina bo'nimaka, nani'ni hiti anana'mu luto komopa'ni emito geba hu'ohunana'mu lite Yuta bona'magi yatai nifisa neibe.

Aposolo 15:23

Enali fayahi mone ma lite gete etali etayanugu mele'ahana: Lali aposolo bona'i hiti to olopa bona'i hiti lenalalutinigita fegutoga bona'i Atioki hepato hiti Silia hepato hiti to Silisia hepato hiti neminanamagita lenalitoga bati hite nehafihe luto fayahi nogo lepolone.

Taitasi 1:1

Poluita nani Hu'mamofihi koko pana'a Yesu Kilisitohi aposolo bo nele'mo ho ti'ehina. Ya hu'ehina Hu'mau enele'mo eto hu'ehina bona'i enali aimo agoya hu emilabe luto enehe'mobo luto to lali mono'mofihi ka lamana'a kapogu enele'mo keheli bati hino luto ya'ma foya'mu nele'mo ho tito noho lifi'ehina yabe.

Galesia 2:9

Ya hulago Yemesiugo Pitaugo Yoniugo mono'mofihi enikibina bo nehafihe lite keheli'ahana yamagi Hu'mau pa sose foya'alo le'mo hetofa hu'ehibe lite nani kumu ya lite keheli'ahana. Kehelilete lalalutifu yabe lite Banabasi hiti le'eyanugu li'ahana. Ya hilete lenali fegutoga bona'magitoga Hu'mamofihi foya nelinogo laliti Yuta bona'magitoga nelinogo huto minalune lite lu mele'ahana.

Aposolo 15:13

Etali ka'atiti ali su hela'igo Yemesiu ho tito lu'ehina: Nani liluna kaga kehelilo, nalalu'nigita.

Romu 1:1

Nani Poluita, Yesu Kilisitohi koko pana'a nohuto ma fayahi nogobe. Koyapa'i Hu'mau nani kumu kehe ito nele'mo ho tito ka lamana'a lu yege hobo luto lu nimi'ehina yabe.

Aposolo 21:18

Kolototi etehi Polu hiti Yemesiu nohinaga bu'ohune. To mono bona'i olopa enali hiti analo mine'ahana.

Yoni 12:26

To bona'i moneuba foya'ni li netalube'mu nohuto'a nemege'i malalina'mu yabe. Ana kele kele pana'ni suhi huto nani nominonaga ai hiti minalu'ibe. Ana bo foya'ni netalata nohigo afo'nifu le'mo ho tito sipi gi molo etalibe.

Matiu 19:28

To Yesu ma luto lu epi'ehina: Nani ma'naka luto lu nolepube. Alihi asaga'namagi yuhufanago lolo hilina yupahi Kokulumaguti limi'ehina Bo ai fana mehenagu minoto kibina bomofihi kefa hisalo minalina'mu yabe. To nani'i nemege'i melete mine'ahana bomagita ya'mana yupahi 12 kefa hisalo minalana'mu yabe. To lenali ya hilete Isilaeli naga'i 12 magihi kaba hi epalalabe.

Yute 1:1

Yuteita nani Yesu Kilisitohi kele kele'a to Yemesihi gona'amofita, afotifu Hu'mau elesa molo lepito komopa'a lepilata nohina'mu lenele'mo moloto Yesu Kilisitohi kabalo lenele'mo molo'ehinamo lenali fayahi ya'ma koyoto nolepube.

2 Pita 1:1

Simoni Pita nani Yesu Kilisitohi koko pana'a to aposolo nohuna bo, nani fayahi ya'ma nokoyobe. Afotifu, Hu'ma lamana hiti nohina bouba to Yesu Kilisitou lubuto bilata bouba lenele'mo bati higo lali suhi hite aitoga keheli ule'ale hilata'na mina'a suhi huto tito nohina'a bona'ise. Ya'ma koyoto nolepube.

Filipai 1:1

Nani Poluita to Timoti hiti moneka nohutoti'a Yesu Kilisitohi lili'na bona'a nohu'ibe. Lenali hepatoga bona'i Yesu Kilisitohi keheli emite mine'ahana bona'ise. Nehafihe? To Hu'mamofihi yagapana'i lolo hi'ahana bona'i to mono kaba bona'i to babafi bona'i lenalise. Nani fayahi ya'ma koyo nolepube.

Galesia 2:12

Kohe toto ya'ma fegutoga bona'i Hu'mamofihi ka'a kehelise'namagi hiti Pitagi hiti nose'na monekoluguti nelago aliha'a ya'ma Yuta bona'i mone luga'a Yemesiu enoho lifi'ehina'amagi elago bu enogoloto enali kumu luto lesa'a lu'ehina. Lesa noligo fegutoga bonatoga nose'na menose mo sito enali'i he'mi epolo'ehina. Fegutoga bona'i enali hiti enugufa laga mehuse'na minalibe lite lu mele'ahana bona enali kumu lesa lu'ehina.

Galesia 1:19

Ya huto nohu'igo aposolo bo luga'a bu meenogobe. Sipi Bomofihi gona'a Yemesihi ya'ma aigo bu go'ohuna yabe. Yana bona'magi aposolo nele'mo ho meti'ahanagi Hu'mau ai'ago nele'mo ho ti'ehina.

Aposolo 15:21

To asaga nohi hepato bo mone minola minola hi'ehite asaga fuli kanagu Yuta bona'i li gehesa hite kaga lu keheli fa keheli nehana nonugu Mosehi keya ka'a leka so epilata to ana ka'a lu yege holata asaga nohi hepato nehanamoya lali ya'ma akeheli'ohune luto Yemesiu lu'ehina yabe.

Aposolo 1:13

Ya hu'ehigo enali Yelusale'i nehetilete minelata nehana nohi hasagu ti'ahana. Enali enigi'ani, Pitau, Yoniu, Yemesiu yagi to Batolomu, Filipiu yagi to Tomasi, Atulu yagi to Matiu, Alifiasihi pana'a Yemesi, Simoni gimi bo yagi, to Yutasiu Yemesihi pana'a ya hite enali asaga'i mine'ahana.

Matiu 13:55

Yafa lolo huse bomofihi pana'amo nohifi fato bobe? Maliau ito'afu nohifi fato pana'mofihi ito'afube? To Yemesiu, Yosefeu, Simoniu, to Yutasiu ai gona'amo nehafi fato bomofihi enogona'ani nehabe?

Aposolo 12:17

Ya nehago Pitau sipi kaga melilo luto yatu babeyafa hu'ehina. Ya huloto Sipi Bouba naga nonuguti le'mo fegutoga molo'ehina kaga lu epi'ehina. Lenali ya'ma kaga lite bite Yemesi hiti lalalutigi hiti lu epi baga ilo. Ya luto lu epiloto Pitau fegutoga limito fato hepatoga bu'ehina yabe.

Huto Hilina Ka 7:4

Ya luto ligo bona'i enogobisalo Hu'mamofihi omiha'a mino'ehina'a enali li nupa hite napa'ani ya luto ligo keheli'ohuna: Isilaeli bona'magihi naga'ani fato fato'i silaga'i 144 tauseni enali enogobisalo Hu'mamofihi omiha'a mino'ehina.

Aposolo 2:5

Yuta bona'i luga'a Yelusale ete mine'ahana, enali mono bona'i hiti to bona'i luga'a fato fato hepatoti ete li nupa hite mine'ahana.

Luku 22:30

To Kapo'nilo lenali nose'na nete to nagami nete hita'nilo hilabe. To lenali gihiti bomagihi kefa hisalo minelete ma melugu nayahi luga luga su hoto nigigusagati loemo heleko malago ya'ma Isilaeli naga'i nehana enali kaga'anilo kaba hilete nehite ya huto kaga latagi lite keheli epalalana'mu yabe, luto Yesu aposolo pana'a lu epi'ehina.

Matiu 10:3

To Filipi hiti to Batolomu hiti yabe. To Tomasi hiti Matiu hiti etali takisi efahi lilata bole yabe. To Yemesi ai Alifiasihi pana'a yabe, to Tatiasi yabe.

2 Timoti 4:21

Kai ya'ma ko ilina kana'a hupasi mehu'ehinogo alube luto amuya moloto obo. Eubulu ai keke'i nolu ketoto nohapihe lu'ehina. To Puteni to Linu to Kolotia ana hite enali lalalutigi lugati hiti keke'i neli ketabe.

Aposolo 23:26

Gamani bo Felikio. Nohapihe? Nani Kolotiasiu Lisiasiu ya'ma fayahi nogo ketobe.

Luku 6:15

To Matiu'ugo to Tomasiugo. To Yemesi ai Alifiasihi pana'a. To Simoni ai fato gi'a, amuya ka bo yabe, luto gi'a mino'ehina.

Maki 3:18

To Atulu yagi, Filipi yagi, Batolomu yagi, Tomasi yagi, Yemesi ai Alifiasihi pana'a ai yagi, Simoni ai Kena kapoguti bo ai yagi,