Taitasi 1:15 - Ka Lamana'a Monoꞌi Lu Mu Tifiꞌehina Ka Yabe

¹⁵ Komopa'ani fana tago nehanamagi enali ana'ina'mu keheligo gulu gulu ligo neminabe. To luga'amagi ka lamana'a keheli meemi'ahana foipa nasana'mu enegekesa'anigu hiti komopa'anigu sifolohi gito kolota kolota hu'ehinamo yana'mu enali ana'ina'mu keheligo ana suhi huto sifolohi gito kolota kolota higo nehabe.

Taitasi 1:15 Referans Kwoze

Romu 14:14

To nani Sipi Boti, Yesu aitoga hepi'ohugo nipa'nigu ya'ma keheliya i'ohuna ma ni'ibe. Asaga nose'na ai'a keya'i hu'ehina'a meni'ina'mu asaga'i gulu gulu hu'ehina'a nalutagi mo sise'na meni'inaya. Aku bo moneuba ekesa kehelito mone nose'na keya'i hu'ehina'mu yabe luto ai'a komopa'agu kehelito gulu gulu mehu'ehina nose'na huto hinogo menalibe.

Romu 14:20

Lenali nose'na nalanana'mu Hu'mau bona'i enele'mo'ehinamagihi li sibina mehi epalalo. Asaga nose'na lali bati huto nolata nohuta, aku lenali mone nose'na nalana'mu bona'uba keya'i hu'ehinana ni'ibe luto komopa'agu keta nohinogomo yana nose'na menete mo silo.

1 Koliti 10:23

Lenali ya'ma nasanalo asaga'i lilutamo ni'ibe lite lilata nehanaya silaga nasana lilenogoti ya nasanauba lele'mo bati mehilube'mu hibe. Ana'ina silaga'i liluta'a ni'ibe lilata nehanaya ya'ma nasana silaga'i lelito nobuto mono ka le'mo hetofa hiluta'a meni'ibe.

Matiu 15:18

Ya hu'ehina ana'ina bomofihi baga'agu ni'inati fegutoga heleko limilata nohinaya komopa'aguti huto huloto tilata nohibe. Ai ya'mananauba bomofihi komopa'a li kolo tolata nohibe.

Romu 14:23

Aku ana nose'na nolago ekesa loe lae higo to komopa'agu keta hinogomo Hu'mau fisa ito ka emekilibe. Hena'mube? Ai keheli'ehinaloti ule'ale mehuse komopa'a keta higo nalina'mu yabe. To lenali ana hite asaga keheli'ahanaloti ule'ale mehuse komopatinigu keta hilina'mu foipanatini huto hilibe.

1 Koliti 10:31

Nani lenali kalo nona'a ma luto nolube. Lenali nose'na nalune'mu nehitemo to yafi nagami'i nalune'mu to silaga'na hilune'mu Hu'mamofihi gi'a huto huto hilibe lite ya suhi lolo hilabe.

Aposolo 10:15

To Pitau ya noligo ana nogouba aku'i ma luto lu emi'ehina: Hu'mau nalo luto molo'ehina nose'na kai mo sise nose'na ni'ibe luto melubo.

1 Koliti 8:7

Ya huto ni'inaya bona'i luga'a enali ya'ma hapa'a ya huto ni'ibe lite mone keheliya ilana'a mehabe. To ya hana'amagi enali koyapa'i to yatai hiti lugefamo lusi kene'i nohibe lite kehelilata hi'ahanamagi komopa'ani lapa mebi'ehinagi to enali seba'a nete ana lugefamofihi amuya'amu keheligo ketana lolo nohigo nete komopa'ani le'mo sibina hilata hi'ahanamo ni'ibe.

Hibulu 10:22

Ya hu'ehina'mu komopati lusiga luto emiloto keheli ule'ale hinogo komopatigu okala huto foipana nasana'mu lekesa yigi yigi mehuse ya'ma ai'a golaha'atu lali'i okala hu su hoto folo letago komopati babahi higo to lugufati ya'ma hetofa nagami'i bu okaba'a suhi huto lolo hu'ehinalo nagamitu ko letelenogo minoto Hu'mamofihi bulu nehetilune.

1 Koliti 10:25

Lenali ya'ma maketigati yaga nose'na mina fito nalune lite lilete mina fite nalo. Ya nehite faga faga lugefa nasanamofihi nonuguti ni'ifiye lite kehelinogo komopatini keta hinogo lebesi lalibe lite enoloka mehete fa'mene nalo.

1 Timoti 6:5

Ya hilete ya'ma kehelite keheli sibi hite minelata nehana bona'i yamofihi enali komopa'ani enegekesa hekini lo'ehigo sibi nehite ka lamana'a he'mite mono kauba yogo fe'nohi li huto hilibe lite kehelilata nehabe.

Hibulu 9:14

Ya hu'ehinaya Kilisitou ai ya'ma minoba minoba Meha'auba fi hele hu etago ai komopa'a hiti gufa'a hiti bati huto mino'ehina yamofihi Hu'mamofitoga hetofa mamufa gi emi'ehina. Ya hu'ehina'mu Kilisitohi golaha'auba komopatilo i kolo'ehinamofihi okala huto foipa foya he'mi letoto lele'mo bebe solenogo mino kosaba huse bo, Hu'ma aitoga agoya hu emito foya'a lilata nohune.

Hibulu 12:15

Lenalitogati bo mone Hu'mamofihi lehe'mose'na li he'mito i behe huto bu laligi kaba hite minalo. Ya nehite komopatinigu ekesa'namofihi foipana moneuba leneme'na leneme'na bito lulata nohina ya suhi huto komopatinimofihi ekesa'nauba sipi hulenogo bona'i yege yege'magihi komopa'ani haya kolo laligi kaba hi epelelete minalo.