Taitasi 1:11 - Ka Lamana'a Monoꞌi Lu Mu Tifiꞌehina Ka Yabe

¹¹ Ya hilata nehana bona'i enali fala kite yogo fe'no kumu yabe lite sefeyehena nasana'mu fi lehe talune lite kehelite bona'i luga'amagihi liha'ani yagapana'ani enele'mo sibina hilata nehanamo ni'inaya kai lu laga lu epolobo.

Taitasi 1:11 Referans Kwoze

2 Timoti 3:6

Bona'i ya hana'amagihi enalitogati luga'a enali legeso hite sibi sibi humofa'na nehite ana'magihi nonugu tite fato fato kaga lu epite enegekesa lite enali'ani enemege'i malalabe lite enele'melata hilabe. Ana ana'i enali komopa'anigu lapa mebi'ahana foipana kofilata to enugufa'aniuba laga besise nasana fato fato'i ya'ma keta'a hiti lite minete nehana.

1 Timoti 6:5

Ya hilete ya'ma kehelite keheli sibi hite minelata nehana bona'i yamofihi enali komopa'ani enegekesa hekini lo'ehigo sibi nehite ka lamana'a he'mite mono kauba yogo fe'nohi li huto hilibe lite kehelilata nehabe.

Romu 3:19

Lali mana keheli'ohune. Bona'i moneuba keya kaloga mege'i nomelenogo ana keya kauba le'malibe. Ya hu'ehigo ana bouba nani lamana bo nohube luto ekesa kehelilina meni'ibe. Ya'ma keya kauba melugu bona'i yege yege'magihi hapa'ani bati mehu'ehina yabe luto enabaga'ani yanauba hekini lo'ehigo Hu'mau kaga'ani loko hilina'mu yabe.

Taitasi 3:10

Bona'i luga'amagi ka laga mehina'a nelinogo loko hilune lite nehinogo kana'a monekofi kana'a loefi enegekesa lito lipoti epiloto to mekehelinogomo enoho lifi he'minogo enali'anisigo minalabe.

Taitasi 1:9

Ya huloto lu epi epi nohuta kagamofihi lali kehelutogo ule'ale nohina kaga ya'ma li pili koto liloto minalibe. Ya'ma bouba ai fato bona'i enele'mo hetofa hinogo mono ka legeya'a lamana'a ya'ma lu epito enegekesa lito enele'mo bati hilibe. To bona'i luga'amagi mono ka enemegesa hu epite nehinogomo ya'ma kaba bouba enali'i foipana'animofihi enelepito o'e luto ya mehilo luto enele'mo bati hilina'mu yabe.

Taitasi 1:7

To Hu'mamofihi foya'alo kaba huto nominalina bo ai foipana'a meminenogo minalibe. Ya huloto minoto hipu hapu meilina to mele'isi enipakafa mehalina, to bai nagami'i babu luto menalina, luba mehilina, to yogo fe'no kumu ekesa yigi yigi huto muhi muhi bilina bo meminalibe.

2 Koliti 11:10

Kilisitohi ka lamana'a komopa'nigu ni'igo lama'naka nolube. Ana suhi hulata nohuna nugufa le'mo napa huto hu tegi huto noluna kapo henana'mu Akaiya kapotiniguti mone fi hekini melalana'mu yabe.

Luku 20:40

Ya lilete enali koli hite aku aku'i Yesuhi mone ka loka mehe'ahana yabe.

Yoni 10:12

To bo kaba huse'namofihi lili'nalo efatoko lilina bo ya'ma sipisipi yaga ai'a lusi kaba bo menohina'a to kaba hu bati menohibe. Ai sipisipi yaga hiti ketoloto minoto'a to lopi kala moneuba hagulu tilube'mu ago ya'ma kaba bo bu goto sipisipi yaga he'mi epoloto mele'isi koli nofalago lopi kalauba enohoto nalube'mu nohigo sipisipi yagamagi bu gete tili tele hilata nehabe.

Matiu 23:13

Lenali kaga keheli bati hulata bo hiti to Felosi bo lenali, ehetinio, kaba hite mino sepa ite minalo. Lenali loe ka luse bo nehabe. Lenali boana'magihi enubulo kokulumamofihi kasiha'a li hekini lelata nehabe. Lenalitini ana kapo'alo metise nehite boana'magi tilune'mu nehana ana kapo lenali li hokolo mehi epelelata nehabe.

1 Timoti 5:4

Keto a'i mone'mofihi yagapana'i tata'agi hiti enali kohe tete mono kamofihi foya'alo mege'i melete le'mo lamana hilabe. Ya nehinogo yamofihi ema afeha'alo ito'anigi afo'anigi kaba hi epele'ahanamofihi nona'a ana suhi hite epite to agoya hi epalabe. Ya nehinogo Hu'mau bu noenogoto gelo bilina'mu yabe.

1 Timoti 5:13

Ya hilete ya'ma nonugu fato fato'na tila limila hite futu'a kaga lite minelata nehana to ya'asigo meni'ibe. Enali notu humofa'na hite fa'mene kagamo lite faga faga lite bona'magihi foyagu ukimi akimi hilata nehabe.

2 Timoti 2:18

Etali ya'ma ka lamana'amofihi kapo'a he'milete'atiti ya'ma lite nela'ibe: Lugufati fili'ehinaguti aho ti'ehinamo ni'inaya alihi kosaba lugufa hiti lele'mo ho tilina'a meni'ibe. To ya lilete mono ka keheli'ahana bona'i luga'a komopa'ani enele'mo sibina neha'ibe.