Romu 8:18 - Ka Lamana'a Monoꞌi Lu Mu Tifiꞌehina Ka Yabe

¹⁸ Nani mana keheli hokolo hu lepoloto Yesu kumu lagabu'i nogigo minaluta yamofihi alihi fana meha'a sipi'a moneuba lalitoga huto hilina be ligilina'mu ya'ma lilune luto lu nolepube.

Romu 8:18 Referans Kwoze

1 Pita 4:13

Koyapa'i Kilisito sipi keke'i luse'namofihi gupisalo ti'ehina ya'ma lenali ana hite Kilisito kumu leniginaga fi'ehina yamofihi komopa'agu mine melete minete komopatini bati hinogo minalo. Ya hite nehinogo lenegelo bise'na'a hiti fana tose'na'a li huto hu lepinogo ana suhi huto komopatinigu ana'ina kosaba nohinogo lenegelo bite minalabe.

Kolose 3:4

To alihi Kilisitou lali minose bihati nohina bouba fana meha'a hiti aku oto nehetilenogo lenali ana hite fana meha'agu nehetilabe.

Aposolo 20:24

Ya luto nolimigo to nani minalufi fililufi luto ya'ma negekesa kehelito nemeha'ni su holenogo bati huto ni'inagi ya'ma Sipi Bo Yesuhi foya'a nimi'ehina Hu'ma lehe'mose'namofihi ka'a hiti ka lamana'a hiti lu yege hoto ya'ma lili'na'nimofihi su holenogo bati hilunagihe.

1 Yoni 3:2

Komopa'ni lepi'ohuna bona'ise. Lali ya'ma yata'isi Hu'mamofihi pa'i pana'i nohutagi, to minoto hena hena babeyafalo huto hiluta ni'ibe. Yamofihi hapa'a mele'isi huto hu lamana menohina'mu ma luto keheli'ohune. Kilisitou huto hu lamana hilina yupahi ai'a babeyafa'a bu go bati hulototi ai babeyafaloko minaluta'mu yabe.

1 Pita 1:13

Ya'mu komopatini li hokolo hite lenegekesa kehelilo. Kaba hu bati hite minete Yesu Kilisitou alihi huto hinogo ya'ma lusa gi lepalalina'a yalo'i geba hilete asaga'i keheli ule'ale hite fifa ilete minalo.

2 Tesalonika 2:14

To Hu'mau ya'ma Sipi Boti Yesu Kilisitohi kogonalina'amofihi fana meha'a lilabe luto lenali kumu kehe ito lenele'mo eto hu'ehina yabe. Ya'ma ka lamana'a lu yege hoto lepi'ohutana ya luto kehe igo lenali keheli'ahana.

1 Pita 5:1

Lenali mono'i kaba bo nehana lenali'i nani ana huto kaba bo lenalalutinifita ka nolepube. Nani Kilisito ai kumu keke'i luse'namofihi gupisalo tito mino'ehina yamofihi nubu'niloti bati huto bu go'ohuna yabe. To nani ana huto ai fana meha'a alihi huto huto nohinogo ana fana meha'agu minaluna'mu yabe. Nani ya huse bomofita lenekesa lu hokolo huto lu nolepugi kehelilo.

Hibulu 11:35

Ana'i luga'amagi keheli ule'ale hina'mu yabe lite Hu'mau yagapana'ani fili'ahanaguti enele'mo ho tiloto aku'i ito'anigitoga enele'mo hepi'ehina. To bona'i luga'amagi osahi enehete kalana'i mele epele'ahana ya'ma mono ka he'minogo lenubuto bilupihe lite kalana'i li epi'ahana aliha'aga lamana huse'nagu ho tilune lite kehelilete fateha'animagihi kaga keheli he'mite fili'ahana.

Romu 8:19

To Hu'mau asaga melugu lolo hu'ehina'a yanagu neminanamagi ai pana'amagihi enele'mo ho tilina yupahi geba hite amuya melelata nehabe.

Taitasi 2:13

Ya nohuto Sipi Boti, Hu'mau lubuto bilata bo, to Yesu Kilisitou fana meha'a hiti huto hilina kana'amu geba hulata nohuta, yamofihi sekele mamu'a hiti nasanamo ni'inaya yana'mu fifa ilata nohune.