Romu 4:18 - Ka Lamana'a Monoꞌi Lu Mu Tifiꞌehina Ka Yabe

¹⁸ Abalahau ai'a naga'a bu megose minoto Hu'mau ma'naka nolibe luto lulata to keheli ule'ale huto Hu'mamofihi huto hilina kana'a geba huto mino'ehina. Yamu'i Hu'mau aimo babu noto noto bona'i afo'anifu le'mo ho ti'ehina yabe. Ananamu'i mono bukugu fayahi mone ge'ahana: Bonaka tatakafu babu luto huto hilabe.

Romu 4:18 Referans Kwoze

Romu 8:24

To Hu'mamofihi hetofana hu letalinamofihi bu megose geba huto yanauba nohunogo Hu'mau yana'mu kehelito lubuto bi'ehina. Ya'ma geba nohunamofihi yatai bu go'ohuna, ya'ma geba hilinamo meni'ibe. Bo moneuba mone'mofihi geba huse'i alihi bu galina henabe luto mone kana hiti geba hulata nohibe? Ya huto meni'ibe.

Romu 5:5

Ya'ma geba huto minaluta yanauba kehelise'nati le'mo laba mehilina'mu yabe. Hena'mugope? Hu'mamofihi Sikalafu'i limito lali komopatigu ho lifigo keke'i lu leto'ehinana huto hu baga i'ehina.

Aposolo 27:25

Ya luto lu'ehinagi nalalu'nigita lenali asaga'i lenelesa melinogo koli mehilo. Hena'mugope Hu'mau lu nimi'ehina'a huto hilina'mu yabe luto nani komopa'ni aitoga emito nohube.

Romu 4:17

Koyapa'i Abalaha kumu mono bukugu fayahi ge'ahana: Nani babu noto noto bona'magihi afo'aniga kele'mo lolo nohube, luto Hu'mau ya luto lu molo'ehina. To Abalahau Hu'mamofihi bulo minoto ana kagamofihi keheli ule'ale hu'ehigo ana kaga molo'ehinauba huto hulatamo ni'ibe. Hu'mau fili'ahana bona'i enele'mo ho tilata nohina bouba to ana'ina asaga'na huto mehu'ehina alihi le'mo huto hilina bouba ya'ma kaga lu molo'ehina yabe.

Luku 1:18

To Sekalaiyau ai agelomofihi loka hoto lu'ehina: Ya'mana ka nani henabe luto lusiga yabe lilube? Nani oyafa alo'ohube to liha'niuba hiti litana'i alo'ehibe, luto lu'ehina.

Romu 4:19

Ana kanagu Abalahau ai lebato 100 foya kana melugu mino'ehina. Ai oyafamofihi gufa'a pisigi'ehigo to liha'a Selahi litana'i huto pana'i meketalina huto mino'ehina. Etugufa'atiti amuya memolo'ehinagi Abalahau ana kagalo ekesa yigito keheli ule'ale huto komopa'a amuya molo'ehina.

Hibulu 6:19

Lele'mo babahi hu'ehina'mu luto fifa ito geba huto minalatauba komopatimofihi lukesati lolo hinogo nohinogoti kokulumalugu mono nohi komopa'aluga katatu'i hekini lo'ehina ya'ma nonugu ai kapo li hokolo higo Hu'mamofihi gobisalo lele'moto tilata nohibe.