Romu 3:1 - Ka Lamana'a Monoꞌi Lu Mu Tifiꞌehina Ka Yabe

¹ To ya hu'ehina Yuta bona'magi fegutoga bona'i enebe ligi'ahanafiye? To Yuta bona'magi enugufa laga hi'ahanamoya enali kumu bati hu'ehinafihe?

Romu 3:1 Referans Kwoze

Hibulu 13:9

To fato fato'namofihi kosaba kaga nelite li lenelepinogomo kehelite kaba hu bati hilo. Ana kagauba lamana kapo i pebisa hete nebinogomo enemege'i memalalo. Hu'mau lenehe'mose'nauba komopatini le'mo hetofa hu lepelenogo ya'ma bebe salube'mu nohibe. Nose'na nolatanamofihi mo silatanamofihi lu laga hi'ahana ka yanauba mone lele'mo bati mehilina'mu yabe. Yamofihi kapo'alo bi'ahanamagihi legeya'a mone li huto mehi'ahanamo ni'ibe.

1 Koliti 15:32

Nani ya'ma Efeso hepatoga lopi yagakafa legi hite nehana bona'i hiti luba fito mino'ohuta yabe. To bona'magihi ka'aniya nani ya huto fililuta nasanalugu mino'ohunamomu'i ya'ma henana lamana'a huto hu nimilibe? Fili'ohutaguti ho tilata meni'ilina yamofihi nani ya huto mino'ohunanauba fa'menena lolo hilibe. To fili'ohutaguti ho tilata meni'ilina'a yamofihi lenalitogati bona'i luga'amagi ma lite ligo bati hitine: Yago fililuta ni'igi yatai nose'na yaga hoto nagami'i hiti laba lona noto minalune.

Yoni 4:22

To lenali Samalia bona'magita ya bomofihi gelo bino emutagi lite keheliya meise minelata nehabe. Lali Yuta bona'magita legelo bi emilata nohuta boya lali keheli sepa i eto'ohune. To Hu'mau lele'mo lubuto bise'na lali Yuta bona'magitagu li huto hu'ehibe.

Romu 3:2

O'yo, bati hu'ehibe. Hena'mube? Hu'mau yata'a kaga'a Yuta bonatoga molo epolo'ehina. Yuta bona'magi Hu'mamofihi hapa'a akehelite agoya hu emi'ahana yabe.

Romu 3:9

Ya'mu henana ni'ibe? Lali Yuta bona'magita fegutoga bona'i enebe ligi'ohupi? O'e, ya huto meni'ibe. Foipanauba lali asaga Yuta bona'i hiti fegutoga bona'i hiti ifito leto'ehigo lali moneko suhi huto nohune.