Romu 2:18 - Ka Lamana'a Monoꞌi Lu Mu Tifiꞌehina Ka Yabe

¹⁸ To kai hetofana hiti foipana hiti ni'igo fuku luto foipana li he'mito ya hilata ni'ifihe? To kai Hu'mau laga besi'ehina'amofihi kehelito to keya kaluguti bebe sose hapa'a kehelito hulata nohapihe?

Romu 2:18 Referans Kwoze

1 Tesalonika 5:21

Ka'ya asaga'i ya'ma keheliya ite li kehelite lite minalo. Lama'na ka ni'ifi foipa ka ni'ifi lite ana kaga fi taga hite kehelitetini to lamana'a ni'inogo yamofihi li pili kete minalabe.

Yemesi 4:17

Ya hu'ehina'mu mone luga'amagi enali ana'ina lamana'a lilune lite kehelilana ana nasana melilana'a ya'ma foipanamofihi nona'a enogobisalo tito minalina gumi'i lilana'mu yabe.

Filipai 1:10

To lenali ya hiletetini kaga hapa'a kehelite i be ligi'ehinana kehelilete to Yesu Kilisito nehetilina kanagu komopatini kolota mehuse gulu gulu linogo mone ka lepekilina'a meni'ibe.

Hibulu 5:14

Nose'na amuya melete yamofihi olopa bona'magi enali nasana ni'ibe. Enegekesa komopa'ani hokolo higo foipanamofihi bati'namofihi hapa'a keheli bebe sete nehana enali nasana ya ni'ibe.

Romu 15:4

Ya'ma koyapa'i mono bukugu fayahi ge'ahanamofihi asaga kagauba Hu'mamofihi biluta kapo'mu lelepito bu megose'namofihi geba huto mino lito buto lele'mo amuya malalina'mu yabe.

Yoni 13:17

Ya'mu lusiga lu lepi'ohuna, yatai lenali keheli'ahana. Kehelilete mege'i melete nehago komopatinigu babahi hilina'mu yabe.

Luku 12:47

Sipi bo'amofihi hapa'a akeheli'ehilina bo ai aku'i ana'ina'a le'mo lele mehuse kegeiyo huto sipi bo'amofihi ka'a keheli meemise nohilina sipi bo'auba ana koko pana'a osahi sipi halina'mu yabe.

Luku 1:4

Ya hu'ehinagi kai keheliya iloto ya'mana ka enali kelepi'ahana'a to ma'naka luto ya'ma keheli baga ilune'mu hane.

Romu 2:19

Kai yananamofihi keheli bati hulata nohuto bu pisi lu'ehina bo suhi huto hetofa kapo enele'moto bilata to metepugu nomina bo libi'a mone suhi huto fana to epololata nohapihe?