Romu 2:10 - Ka Lamana'a Monoꞌi Lu Mu Tifiꞌehina Ka Yabe

¹⁰ To Hu'mau asaga bebe sose bona'magihi ya'ma Yuta bonatoga kohe toto yalo fegutoga bonatoga hiti fana tose'na yagi enele'mo hofa tose'na yagi to fuluna'a ya'ma asaga'na epilube'mu nohibe.

Romu 2:10 Referans Kwoze

1 Pita 1:7

To hena'mube? Fono ka lu lepilugi kehelilo. Bona'magi goli efahi meluguti yuhufasi nelina kanagu mone laga mehilina'a hiti ni'inogo enali sibi logogu melelago ana logouba ya'ma laga mehilina'a lo su halina'mu yabe. Ya hilenogo goli efahi eto huto bati huto minalina'mu yabe. Ana suhi huto lenali Kilisitohi keheli amuya molose'na tito mino'ehina ni'igo ya'ma keke'i luse'na guna molo lepolose'nauba lenele'mo bati hilube'mu nohinogo amuya melete nehinogo Yesu Kilisitou ai nehetilina kanagu lenigitini le'mo saga huto lenofokehi luto nohinogo to fana meha'auba le'mo ho tito le'mo ho tinogo lenalitoga minalina'mu yabe.

Yemesi 3:13

Folagahatiniguti bo moneuba keheliya ise bo to asaga hapa'a keheli su ho'ehina bo nohilina ai agoya bo minoto hapa'a lamana'a li huto hilinamofihi keheli'ehilina yamofihi hapa'a li huto hilina'mu yabe.

Romu 8:6

To Sikalafu laga lebesise'nalo lali mege'i nomolota bona'magita Hu'mamofihi fuluna'a litoti to hetofa mino kosaba husemofihi lilata nohune. To enali enugufa'aniuba laga enebesise'nalo mege'i nemalana bona'magi filise kapogu bilata nehabe.

Romu 2:7

To bona'i luga'amagi Hu'mamofitoga agoya hu emite hetofana hiba hiba nehana to fana tose hepato bilune'mu nehite Hu'mau lele'mo ho tilibe lite nelana mino kosaba huse'namofihi kapogu bilune'mu nehana enali'i Hu'mau enele'mo kosaba hilibe.

Yemesi 2:22

Ya hu'ehina ai keheli amuya molo lito buto mono ka legeya'a lito buto mono ka lamana'a lu'ehina yamofihi kehelito mino amuya moloto keheli su ho'ehinamofihi keheli'ahabe.

Galesia 5:6

Yesu Kilisitotoga buto i hepito minaluta ya'ma lugufa laga huse'na to lugufa laga mehuse'na li nupa napa huto mone'na legeya'a meni'ina futu'a yabe luto lilune. Keheli ule'ale hulatanamofihi fayaha'a komopatigu minelenogo komopati bona'i asagatoga malaluta'muko legeya'a yabe lilune'mu hune.

Romu 5:1

Lali Hu'mamofihi keheli ule'ale hutogo ai lele'mo bebe so'ehibe. Yana'mu Sipi Boti Yesu Kilisitou lalitoga hu'ehinanamu'i Hu'mau yatai lele'mo fulu nohibe.

Romu 2:9

Ya hilina kanagu foipana lise bona'magi asaga'na sipi ketana lite enagabu'i giloto ya'ma Yuta bonatoga kohe toto huto huloto yalo fegutoga bonatoga hiti huto anana hu epalalibe.

Yoni 16:33

Nani fuluna'niuba lenalitoga minalibe luto kaga ya'ma lu nolepube. Lenali ya'ma metoga kalana'i nemele lepelenogo lenipagu sibina mehino. Nani'ni yamofihi ma metoga nasanamofihi abe ligi su holoto nohube.

Filipai 4:7

Ya hite nehinogo Hu'mamofihi fuluna'auba bona'magi keheli baga meilanauba lenalitoga huto hilibe. To ananauba lenali Yesu Kilisitotoga agoya hu emite neminogo komopatini lenegekesatini le'mo fulu hinogo laga'a hiti minalabe.

Galesia 5:22

To Sikalafu'mofihi legeya'a ma suhi huto hulata nohibe. Mehi lepito komopatini lepilata nohina, lenegelo bise'na hulata nehana, mino fulu huse'na, kosele'i melenohose bati huto minose'na, lenele'mo bati hulatana, komopatini lamana hite minolata, foyagu agoya emilata nohuto Hu'mamofihi kaga'a mone kegi'a mehe'milata,

Romu 15:13

Nani Hu'mamofihi loka noho lepolobe. Lenali Hu'mamofihi keheli ule'ale hite neminenogo ai'a gelo bise'na to fuluna'a hiti lenalitoga huto hinogo lenifita ilata nehana'a mone hiti le'mo hofa talina'mu yabe, nolube. To Sikalafu'uba lenele'mo amuya melenogo lenifita ilete kanihi sipi fino, luto nolube.

Romu 14:17

Hu'mamofihi kapogu minaluta hapa'a ma ni'ifihe? Nose'na hiti nagami'i hiti nalutanamofihi nasanabe? O'e, ya huto meni'ibe. Hu'mamofihi Sikalafu'uba komopatigu lamana huse'na hiti to mino fulu huse'na hiti to legelo bise'na ya'ma lolo nohina ya'ma Hu'mamofihi kapo ni'ibe.

Romu 9:23

To bona'i mone'amagihi fana meha'agu enele'mo moloto keke'i lu epoloto minalina ana huto ai foya'a yabe. Ai ya huto lalimo Yuta bona'magitogati fegutoga bona'magitogati mone'a kehe ito lele'moto fuluna'a limito komopa'a lalitoga fi limi'ehina. To henabe lutobe? Asaga bona'magi ai'a fana meha'a sipina ni'ina'mu enali kehelite fokehi lilabe.

Romu 9:21

Ya'ma somo lolo hilata bouba ai'amo ekesa keheliloto me'mo i pata putu huto mone nose'na somo lolo hilina to mone heletuya somo lolo hilina ai foya'a yabe.

Aposolo 10:35

Ai'i agoya hu emite bebe sana suhi hilata nehana bona'i asaga'i nupa bofi safa bofi Hu'mau keheli bati hu epololata nohibe.

Yoni 12:26

To bona'i moneuba foya'ni li netalube'mu nohuto'a nemege'i malalina'mu yabe. Ana kele kele pana'ni suhi huto nani nominonaga ai hiti minalu'ibe. Ana bo foya'ni netalata nohigo afo'nifu le'mo ho tito sipi gi molo etalibe.

Luku 22:14

Kana'a o leba tolago Yesu hepa'anilo hepa'anilo lito hitalo siato minolago analo aposolo pana'a hiti mino bego hite mine'ahana.

Luku 19:42

Yelusale naga'ise. Kai yatai bati huto fulunaguti minosemofihi hapa'a akehelitita bati huto mina tino. Ya hu'ehina yatai ya'manana fenene huto ni'igo kai bu megane.

Luku 12:37

To kaba bo'aniuba oto koko panana'a bu enagalina enubu'i mekese geba hite nehinogomo yalo ana koko pana'alobo enofokehi halabe. Nani lu nolepube. Sipi bouba ai'a kata'a li hupa mone huto hepiloto'a to gilimi'a iloto hitalo enele'mo moloto ai'a nose'na gabu ito epilina'mu yabe.

Luku 9:48

ma luto lu epi'ehina: Bo moneuba ma lagaso yagapana'i nani kumu he'malina ai nani'i nehe'malina'mu yabe. To bo moneuba nani'i nehe'malina ai nani'i noho lifigo limi'ohuna bo he'malina'mu yabe. Bo mone folagahatiniguti nesi bo laba huto nohilina ai sipi bo nohibe.

Matiu 10:13

To ya'mana nonuga bona'i bati bona'mo nehinogomo lenali enebe tigite fulunatini epilo. To hapa'ani bebe mesana bona'mo nehinogomo lenali fulunatini aku'i i behe huto lenalitiniloga alina'mu yabe.

1 Pita 5:4

To minoto kaba bo Sipi Bouba nehetito sekele mamu'a hetofana ni'ilina yanamofihi fana tose'na'a sipi'a amuya moloto minolatamofihi yana'a ifi to lepelenogo minalabe.

Yoni 14:27

To nani he'mi lepoloto fuluna mone lepinogo'ni ya'ma fuluna'niuba lenalitoga minolata nohibe. Noto noto bona'magi fuluna'a epise'na ya'ma nani melepilube'mu, fato'na lepilube'mu nohube. Lenegekesa yigi yigi mehise to komopatinigu lenelesa linogo koli mehilo.

1 Timoti 1:17

Yana'mu amuya gihiti Bo, mefililatanamofihi bu megolatanamofihi Hu'mamofihi moneko'i ai gi'a li saga hinogo ai fana meha'auba minoloto mino lito tito minalibe. Ma'naka.

Hibulu 2:7

Yamofihi kana'a hupasi hinogo kai bona'i lebato agelomagitoga legege hu epolo'ahane. Kai gihiti bomofihi gi'aloti sekele mamu'a hiti liyafa huse'na'a hiti bona'magihi epi'ahatamo ni'ibe.