Romu 15:15 - Ka Lamana'a Monoꞌi Lu Mu Tifiꞌehina Ka Yabe

¹⁵ Keheli'ohunaya aku'i lenali kumu koli mehuse nohuto'ni mone kaga amuya ka luto ya'ma fayahi koyoto nolepube. Lenali ana kaga beto hilabe luto amuya moloto akoyo'ohuna. Hu'mau lili'nalo bona'a nele'mo ho tito Yesuhi kaga lelili huto buto fegutoga bona'magihi lu epilane luto noho lifigo nani nelesa melulata nohinagihe.

Romu 15:15 Referans Kwoze

Romu 12:3

To Hu'mau nele'mo hetofa hu'ehina bo noho lifi'ehigo nani ma kaga mone lu nolepube. Hu'mau keheli ule'ale huse'i fato fato'i guna ito lepi'ehina. Ya'mu lenali lenugufatini limo titi mehilo. Lenalitini be ligite kehelinogo mone'a hiti metilo. Hu'mau mono ka limi'ehinamofihi keheliya ite minete hapatini le'mo eto eto hite minalabe.

1 Koliti 15:10

Nani aposolo lolo huto nani hapa'ni fato fato huto ni'ina yamofihi Hu'ma komopa'a hokolo hina bouba lu netago lolo hu'ohube. To ai komopa'a bati hina bouba aposolo lili'nalo nele'mo malago fa'mene lolo mehube. Nani foya li'ohuna yamofihi aposolo luga'a enebe ligito li'ohuna yabe. To nani hena'niloti lutine? Hu'ma komopa'a bati hinauba nanitoga minago li'ohube.

Romu 12:6

Ya hu'ehina'mu Hu'mau lehe'moto fato fato lili'na limi'ehina. Ya huto limi'ehina'mu kehelise'natilo lili'na liluta bati hilibe. To folaganuguti kene'i moneuba mono ka lu yege hose lili'nalo minoto'a Hu'mau emi'ehina keheli ule'ale huse'nalo yamofihi mono kaga lu yege hoto minalibe.

Romu 1:5

To Hu'mau Yesu kumu ai koko pana'ni nohane luto lu nimito nele'mo ho ti'ehina. Hena'mube? Nani asaga melugu bona'i kaga'a lu epinogomo ka kehelite komopa'ani Hu'mamofitoga mele emite minalabe luto ya'ma noho lifito ana lili'na sipi'a nimi'ehina.

1 Yoni 5:13

Hu'mamofihi pana'amu lenemehi emi'ahana'a lenali ya'ma keheli ule'ale huto minoba minoba nasana ya'ma ali'ahabe. Li'ohune lite keheli fe lite kehelilabe luto ka'a ya'ma koyo nolepube.

2 Pita 3:15

Ya hilenogo Sipi Botiuba kana'a molo yatama hulenogo kosele'i meho'ehina ya'ma lite lu emilabe. Lele'mo lubuto bilube luto ana yatamana molo'ehibe lite kehelilo. Lalalutifu komopati emi'ohuta'a bo, Polu ai'a Sipi Bomofitogati kehelise'na'a minalina'mu yabe luto lu lepito fayahi koyoto lepi'ehinamo ni'ibe.

1 Pita 5:12

Nani kaga ya'ma Silibanuhi'ya ka lu emi emi nohugo fayahi ya'ma koyoto nolepibe. Nani ai kumu ya'ma nokehelugo nalalu'nifu lamana'a lolo nohibe. Naniya Hu'mamofihi lehe'mose'na'a kehelugo legeya'a lolo nohina ya'mu lusi kaga amuya'a hiti lu huto huto lu nolepuna'mu luto lenogo'na bito lu nolepube. Ana lehe'mose'namofihi komopa'agu ule'ale hite minalo.

Hibulu 13:22

Nigibo nalalu'nigita, nani kaga mone lu lepi'ohuna'a yatama meni'ibe. Lenali lenegekesa lito lufusatini li hetofa hilina ka'a ya'ma lu nolepugi lenekesa li hokolo hite kehelite minalo.

Taitasi 3:1

Kai kagagu mine'ahana bona'i ya'ma kaga'a ma luto aku'i li kosaba huto ma luto lu epibo. Enali sipi kaba bo'ani to gamanimagi hiti agoya hu epelete ka'ani kehelilabe. Ya hilete enali'ani'mu hetofa foya'a fato fato'mofihi asaga'i ni'ina babahi hite lilabe.

2 Timoti 2:14

Kai bonakamagihi ka ya'ma le'mo kosaba huto lu noepito Hu'mamofihi bu'alo ya'ma lipoti nokumunaga ma luto lu laga huto lu epibo. Fa'mene ka gusunupa'a meni'ina kagalo luba mehilo. Ana luba kauba ya'ma enegekesa yigi yigi hite liba liba nehago keheli'ahana bona'i enali enele'mo sibina hulata nohibe.

2 Timoti 1:6

Anana'mu keheliloto'ni lu'ohuna ka'a ya'ma aku'i kehelilane Nani koyapa'i nayahi latahakalo molo'ohugo lusa negi ketago Hu'mamofihi mono ka'amofihi amuya fi hele hu keto'ehinamofihi ya'ma kaba hu bati huto amuya moloto minomo tito minetogo logo libi suhi huto lolo hino.

1 Timoti 4:6

Keheli amuya mololata nohuta kaga'a to mono kaga lamana'a ya'mu luto buto i hepi'ohuta yanauba komopakamofihi legeya'a lolo huto ni'inogo kai ya'ma Yesuhu naga'a minanamagihi ya'ma lu nokumuna kaga lu epilane. Ya'ma lu epito enele'mo lamana hilata ya'ma Yesu Kilisitohi hetofa lili'nalo bona'a minalane.

Galesia 2:9

Ya hulago Yemesiugo Pitaugo Yoniugo mono'mofihi enikibina bo nehafihe lite keheli'ahana yamagi Hu'mau pa sose foya'alo le'mo hetofa hu'ehibe lite nani kumu ya lite keheli'ahana. Kehelilete lalalutifu yabe lite Banabasi hiti le'eyanugu li'ahana. Ya hilete lenali fegutoga bona'magitoga Hu'mamofihi foya nelinogo laliti Yuta bona'magitoga nelinogo huto minalune lite lu mele'ahana.

1 Koliti 3:10

Hu'mau lili'na nimi'ehina'mu luto nani nohi gise'namofihi lamana'a ufe'ye yafa lukesa lito fi'ohuna. To anamofihi gupisalo bona'i luga'amagi molo emite nohi gilata nehabe. Lukesa fugo mino'ehina ya'ma Yesu Kilisito yabe. Ya'ma li sigito mone fato lukesa aku'i filana'a meni'ibe. Yana'mu nohi neginamagi keheli fe lite minete kaba hite gilabe.