Romu 15:1 - Ka Lamana'a Monoꞌi Lu Mu Tifiꞌehina Ka Yabe

¹ Lenali Hu'mamofihi keheli amuya nemalanamagita bona'i komopa'anigu keheli bati mehanamagihi ketana'ani kofi epelete enehe'malo. Ya hite, lagatini lepesise'nalo mege'i memalalo.

Romu 15:1 Referans Kwoze

1 Tesalonika 5:14

Lalalutigita, lenegekesa li hokolo huto lenogo'na bito lu nolepune. Bona'i luga'amagi foya melise nehanogo enali enegekesa lilo. To luga'amagi enelesa nelinogo neminana enele'mo hetofa hilo. To luga'amagi keheli ule'ale mehise loe lae nehinogo enali enele'mo amuya hilo. Ya hite asaga bona'magitoga legeso hite minalo.

Romu 14:1

To bona'i moneuba Hu'mamofitoga keheli bati mehina olenogo be tigite le'malo. Ai ekesa keheli ule'ale mehu'ehinogomo ana mono kamu'i kenasabo mebise lenali folagahatinigu ana bomo le'mo fulu hite le'mo malalo.

1 Koliti 9:22

To bona'i mone'a komopa'anigu Hu'mamofihi kagagu amuya'ani menina Kilisitotoga enele'mo malalube luto nani amuya'ni menina bo suhi huto lolo huto mino'ohuna. Nani ya huto fato fato bona'i enehe'malube luto bona'i fato fato bona'i enalitoga minoto fato fato suhi lolo hu'ohunamo ni'ibe.

1 Yoni 2:14

To lenali pa'i pana'i nehanamagita, Hu'mau afotinifihi hapa'a keheliya ite keheli'ahana'mu yabe luto fayahi ya'ma koyo nolepube. Olopa bona'magita, lenali ema kanaguti hapi fi'ehina minomo tito nohina bomofihi ai kumu keheliya ite keheli'ahanamo ni'ibe luto kaga ya'ma fayahi koyo nolepube. Neheya kola, lenali amuya malana'mu yabe luto to Hu'mamofihi kaga'a komopatinigu ni'igo foipanamofihi afo'afihi be ligi'ahana'mu luto kaga ya'ma fayahi koyo nolepube.

2 Timoti 2:1

Pana'nimaka. Kai Yesu Kilisitotoga buto i hepi'ohuta'mu yabe luto lehe'mose'na limito lele'mo hetofa hulata nohina yamofihi komopa'agu minoto amuya moloto minobo.

Romu 4:20

Ana kagalo kehelise'na'a fenene mehu'ehigo Hu'mau kaga molo'ehinamu'i loe lae mehu'ehina. Kehelise'na'auba amuya molo eto'ehina. To yamu'i Hu'mamofihi foke ka lu emi'ehina.

Efeso 6:10

Lu su hoto lilube. Hu'mamofitoga bite i ke'menogo ai amuyana'a napa huto lenalitoga ni'inogo yanamofihi komopa'agu mine lite tite ule'ale hilo.

2 Koliti 12:10

To Kilisito kumu yabe luto amuya memalaluna ni'ifihe? To nele'mobe hokobe hi netalana ni'ifihe? Keke'i luse'namofihi gupisalo minaluna ni'ifihe? To bauna fise'na to kalana'i melese'namofihi gupisalo minalunamo ni'ifihe? O'yo. Fa'mene yana'mu komopa'nigu keheli sibina mehu'ohube. Nani lapa mebi'ohunalo ya'ma ai'a amuya'a nimilago amuya mololata nohunagihe.

1 Koliti 4:10

Lali ya'ma Kilisito kumu yabe luto negi bona'i lolo huto nohutaya, lenali ya'ma Kilisitotoga nokeheluta nasanati bai toto ni'ibe lite kehelilata nehabe. Lali amuya hiti menohutaya lenali amuya hiti bo likibina bo tegi hite lolo nehana. Ya lite nekehelifihe? Bona'magi lama'naka luto lali'i ya'ma lele'mobe hokobe hilata nehanaya to fato bona'magi lenali lenugufa le'momo tilata nehabe.

Romu 14:2

To bona'i moneuba komopa'a Hu'mamofitoga fulu huto nohinogo nose'na fato fato'i asaga'i bati huto nolata hilibe. To fato bona'i komopa'a Hu'mamofitoga keheli amuya memolo'ehina bouba guya'asigo nolata hilibe.

Filipai 2:4

To moneubafi moneuba ai'a ya'ma lamana hilube luto foya'a melise lalu'agihi luga'a hiti lamana hilabe luto foya lite enehe'mite kehelilibe.