Romu 14:8 - Ka Lamana'a Monoꞌi Lu Mu Tifiꞌehina Ka Yabe

⁸ To fililata nohuta ya'ma Sipi Bomofihi agoya hu emilata nohune. Yana'mu ya'ma lubu hiti minoto lito hiluta to fililuta ya'ma Sipi Bomofihi nasana lolo hilune'mu hune.

Romu 14:8 Referans Kwoze

Filipai 1:20

To minoba minoba'namufi to fililatanamufi komopa'ni keta mehuse honogo nugufa komopa'ni hiti Kilisitohi keheli eminogo'ni yanauba ule'alena'a lolo hu netalibe luto buto mino'ohunamo ni'ibe. To ya holito buto minalube luto nubuya hulatana li huto mehuse keheli lamana huloto Yesu Kilisitohi gi'a liyafa huto minalube'mu hube.

1 Tesalonika 5:10

Sipi Botiuba lali kumu luto fili'ehinamo ni'ibe. To henabe lutobe? Ai alina kanagu lali lubu hiti nohutamagita to afili su ho'ohutamagita lele'mo nupa higo ai hiti minalune luto yabe.

1 Koliti 15:23

Fi lehe tete ho tilabe luto lu leto'ehinalo ho tilune'mu hune. Kilisitohi le'mo kohe to letoto ho ti'ehinamo ni'ibe. Alina kana'alo ya'ma ai naga'a lali ho tiluta'mu yabe.

Aposolo 21:13

To Polu ma luto lu limi'ehina: Lenali henabe lite yibi gofa nehite nipa'nigu nagabu'i gito le'mo sibina nehabe? Nani Sipi Bomo Yesu kumu Yelusale hepatoga naga'i nimilafi noho fililafi nani ya'mana bati huto yabe luto nokehelube.

Huto Hilina Ka 14:13

Ya hulago kokulumaguti nogo moneuba ma luto limigo keheli'ohuna: Kai kaga ya'ma fayahi akoyobo. Ya'ma kana yupahi ifo'aga Sipi Bomofitoga foya'a lilete ise gite fililana'a enali komopa'anigu lamana'a kehelilana enali kumu bati hi epalalina'mu yabe. Ya luto ligo Sikalafu'uba ai ka nona'a ma luto emi'ehina: Lama'naka. Enali ya'ma sipi foya'animofihi molo legege hite melete enabasu bite mino fulu hilana'mu yabe. Ya hilete nebinogo minete lite hi'ahanamofihi lamana'a enemege'i moloto bilina'mu yabe.

Filipai 2:17

Lenali Hu'mamofitoga keheli ule'ale hite agoya hu emilatana ya'ma yaga hoto efaha hitalo go emilatana suhi luto ni'ibe. Ya huto ni'igo fatehe bona'magi nehe fililenogo golaha'ni yamofihi gupisalo hekiluna suhi luto ni'ilibe. To ya hi netelenogo nani lenali kumu yabe luto negelo bilube.

Aposolo 20:24

Ya luto nolimigo to nani minalufi fililufi luto ya'ma negekesa kehelito nemeha'ni su holenogo bati huto ni'inagi ya'ma Sipi Bo Yesuhi foya'a nimi'ehina Hu'ma lehe'mose'namofihi ka'a hiti ka lamana'a hiti lu yege hoto ya'ma lili'na'nimofihi su holenogo bati hilunagihe.

Filipai 2:30

Ai Kilisitohi foya'amu yabe luto filise'namu koli mehuse li'ehina yabe. Ya huto lenali foto minete nele'mo bati mehago ai kele kele'i hu netalibe luto gufa'a katiya'i hilube'mu keheligo keta mehu'ehibe.

Aposolo 13:36

To Tebitiu Hu'mamofihi mege'i moloto lili'na lito boana'magi folagaha'anigu melugu mino'ehinamo akeheli'ohuna. Ya huloto alihi filigo tatatigi kene keli beleha'alo keli ho etago tuguma bi'ehina yabe.

Yoni 21:19

Yesu ya'ma kaga lu emi'ehina'mu Pitahi fililinamofihi hapa'a mone yupahi huto hilina ya'ma lepi'ehibe. To Pitahi ho fililina'mu Hu'mamofihi gi'a liyafa hilina'mu yabe. To Yesu lu emi'ehina: Pitao, Nemege'i molobo.

Luku 20:38

Ya hu'ehina Hu'mau ai filise bona'magihi Sipi Bo'anifu menohibe. Enali nehana bona'magi Sipi Bo'anifu nohibe. Ai Hu'mamofihi bu'alo asaga bona'i mefilise asaga'i ho tite nehabe, luto Yesu lu'ehina.