Romu 12:1 - Ka Lamana'a Monoꞌi Lu Mu Tifiꞌehina Ka Yabe

¹ Nalalu'nigitabe. Hu'mau sipi ginaga fi limi'ehina'mu nani lenoloka hoto buka tilube. Lenali lenugufatini Hu'mamofitoga molo emilo luto, hetofa kuguhi legi huto mino kosaba'natini emite li molo etalo. Lenugufatini ya emilenogo Hu'mau ai lenali kumu fokehi lilibe. Ya hu'ehina'mu lenali Hu'mamofitoga agoya hu emite to gi'amo liyafa hilata nehana yamofihi lusiga mono ka ni'ibe.

Romu 12:1 Referans Kwoze

1 Pita 2:5

Ya lite nehite lenali ana suhi hite mino lito minolata nohina efahi lolo hi su helete aitoga molo emite mine lite bite tilo. Tite Hu'mamofihi Sikalafu'amofihi mono noha'amofihi gise efapo lolo hilabe. Ya hilete ana nonugu mamufa gi emilata bona'i eto eto hite lolo hilabe. Hu'mamofihi Sikalafu'mofihi nasana kuguhi koyo emilenogo Yesu Kilisitotoga nebinogo keheli laga hilibe.

Romu 6:13

To lenali lenugufatini mone kegi'a foipana lili'nalo memalalo. Ma'naka, lenali asaga komopatini hiti lenekesa yigise'na Hu'mamofitogago molo emilenogo foipanamofihi fili'ahanagati ho ti kosaba hite minalana suhi huto yabe. Asaga lenugufatini komopatini Hu'mamofitogago eminogo ai lili'na'a hetofanamofihi li huto hilibe.

Romu 6:19

Lenali komopatini lapa mebi'ehigo keheli bati mehi'ahanamo ni'inagi nani lu hokolo huto huto kaga lu lepi'ohuna. Koyapa'i lenali kolo tana hapatinimofihi lenugufatiniuba koko pana'a lolo hulago keya ka pelesa ite foipana babu lite li'ahana. Ana suhi lite lenali yatai lenugufa luga'atu hetofa lili'na lisemofihi eminogo koko pana'a lolo hite minenogo aliha'a lamana bona'i huto hilabe. p

Romu 12:2

To lenali asaga melugu bona'magihi hapa'ani mege'i memalalo. Hu'mau komopatini li gelehe hu lepololenogo lenegekesa kehelise yuhufana lolo hilina'mu yabe. Ya hulenogo Hu'mamofihi hetofa hapa'amu kehelite to ai bita nohina'mu to ekesa kehelina bati nohina'mu hiti asaga hetofanamofihi ai'a fokehi luse'na'amu lenali keheliya ilabe.

Efeso 4:1

To ya higo nani Sipi Bomofi kumu luto naga nonugu nohunamofita lenegekesa lito lu lepilube. Hu'mau lamana hite minalabe luto lenele'mo'ehinamofihi hapa'a mege'i melete lamana hite minete lite hilo.

Romu 6:16

Lenali mekeheli'ahafihe? Bo mone'mofihi lenali lenugufatini emilete baga liyafa hilana lenali koko pana'a lolo hite minalabe. Lenali foipanamofihi koko pana'a minelete ananalo filisemofihi lilana'a huto ni'ibe. To lenali ya mehitemo ka lamana'a mege'i molosemofihi koko pana'a minelete yanaloti mino bebe sosemofihi hapa'a lilana to Hu'mamofihi gobisalo minalabe.

2 Koliti 4:16

Lali ya hu'ehina'mu yabe luto kosele'i kasele'i mehone. Lugufati lagabu'i gilata nohinaya kana'amu kana'amu komopatigu lele'mo amuya hulata to kosaba'i asaga yupahi limilata nohibe.

1 Tesalonika 4:1

Lalalutigita, Sipi Boti Yesuhi ai gi'alo lenegekesa lito ka mone lu lepilugi kehelilo. Lali Hu'ma kehelito lenofokehi lilina hapa'a alenelepi'ohuta yagi ana suko neminana keheli'ohutaya to lepiba lepiba ka mone hiti amuya melete mege'i malalo luto nolune.

2 Koliti 5:20

Ya hu'ehina'mu lali Kilisitohi ka'a leli'ali bona'i Hu'mamofihi ka lamana'a lu lepilata nohuta keheliloto lenegekesa lito ya'ma Hu'mau lu lepilata nohina suhi huto nohune. Kilisito kumu Hu'mau lenele'mo fulu hinogo aitoga bite hepilo.

Efeso 5:10

Ya'ma ana'ina lolo hilune luto lilana ya'ma Sipi Bouba kehelinogo bati hilina'muko sa hilo.

Filipai 2:17

Lenali Hu'mamofitoga keheli ule'ale hite agoya hu emilatana ya'ma yaga hoto efaha hitalo go emilatana suhi luto ni'ibe. Ya huto ni'igo fatehe bona'magi nehe fililenogo golaha'ni yamofihi gupisalo hekiluna suhi luto ni'ilibe. To ya hi netelenogo nani lenali kumu yabe luto negelo bilube.

1 Koliti 1:10

Nalalu'nigitabe. Nani Sipi Boti Yesu Kilisitohi gi'alo yabe luto lu hokolo hu lepito ya'ma lilugi, kehelilo. Lenali kaga fato fato'i nelite loko mehilo mono ka'mu nekehelite lenegekesa hiti komopatini le'mo moneko hite minalo.

Romu 2:4

Hu'mau bona'magihi hetofa hu epalalina hiti eniginaga filata nohina hiti ni'ina'mu kai o'e luto kemegesa hu emito nominane ya huto ni'ifihe? Hu'mau kai kumu keke'i nolu ketoto komopa'a i gelehe hilibe luto noluna yamofihi kegeba huba huba nohinaya menokehelipi? Komopaka i gelehe huse'naka yamofihi geba huto yatama kana nominabe.

1 Pita 2:20

To lenali kegeiyo hite minenogo osahi lepinogomo lenagabu gise'namofihi lite enipakafa mehese minenogo moneuba kiyi'afu keke'i lu lepalalibe? Ya mehilina'mu yabe. To lenali bati hite minenogo lenebe ligilina lenagabu gise nasana li lepinogo enipakafa mehese to kosele'i melenehenogo minalo. Ya hinogo Hu'mau kehelito hetofana hu lepalalina'mu yabe.

Filipai 4:18

Yatai ya'ma ana'ina li huto hite mele nete su he'ahana bai toto ni'igo yamofi kumu kehelilabe luto lenofokehi luto fayahi ya'ma koyoto nolepube. Epapolotikou ai'ya lenalitogati ana'ina lito oto nimilago ya'ma fe'noha'ni hiti bo lolo nohube. Lenali ana'ina lolo hi nete'ahanamofihi kehelugo Hu'mamofihi kuguhi keye neemigo tu'a lamana'a nobigo kehelito yauba ai laga besina nasana lolo hibe.

2 Koliti 6:1

Hu'mamofihi le'mo bati nehana bona'i lali lenegekesa lito ma luto lu lepilata nohune. Hu'mamofihi lehe'mose'na'a molo lepalalina buto fa'menena lolo mehino.

Romu 15:30

Nalalu'nigitabe, nani lenogo'na bito Sipi Boti Yesu Kilisito kumu yabe luto to ai'a Sikalafu'uba ginaga fi limise'namu yabe luto kehelilo. Lenali hiti nani hiti moneka nohune luto Hu'mamofitoga nunumu hite nani kumu le'mo amuya molobo lite yamofihi loka he netalo.

Romu 15:16

Nani Yesu Kilisitohi lili'nalo bo nohunagi nani fegutoga bona'i Hu'mamofihi baga'aguti lamana ka lito lu yege ho epologo keheli'ahanaya, enali mamufa molo emi'ehina suhi hite nehabe. To nani lusa gilata bo suhi huto nohube. To Sikalafu'uba enele'mo bati hinogo Hu'mau fokehi luto, enele'malube ligo ya'ma mono bona'i lolo huto lili'na nolube.

Filipai 1:20

To minoba minoba'namufi to fililatanamufi komopa'ni keta mehuse honogo nugufa komopa'ni hiti Kilisitohi keheli eminogo'ni yanauba ule'alena'a lolo hu netalibe luto buto mino'ohunamo ni'ibe. To ya holito buto minalube luto nubuya hulatana li huto mehuse keheli lamana huloto Yesu Kilisitohi gi'a liyafa huto minalube'mu hube.

1 Timoti 2:3

Ya hilana nasanauba bati hilube'mu hibe. To lubuto bilata Bo, Hu'mau ai ya nehana'mu keheligo bati nohibe.

1 Tesalonika 5:12

Lalalutigita, ana'ina mone kumu lenoloka amuya nohone, Hu'mau lenalitoga foya'a lilabe luto to lenegekesa hokolo hilabe luto to ai kapo'a lenelepilabe luto to lenegekesa hokolo hilabe luto to ai kapo'a lenelepilabe luto le'mo ho ti'ehina bona'i enali kumu kehelinogo bati hino.

Luku 7:47

Yatai nani lu nokumube. Nani ya'ma a'mofihi babu foipana'a asaga'i li nohe'mi eto'ohunogo ai nani kumu sipina nobesibe. To bo mone'mofihi Hu'mau foipana'a nesi'asi li he'mi etalina aku'i ana bouba nani kumu'i nesi'asi nobesibe.

Hibulu 13:22

Nigibo nalalu'nigita, nani kaga mone lu lepi'ohuna'a yatama meni'ibe. Lenali lenegekesa lito lufusatini li hetofa hilina ka'a ya'ma lu nolepugi lenekesa li hokolo hite kehelite minalo.

1 Timoti 5:4

Keto a'i mone'mofihi yagapana'i tata'agi hiti enali kohe tete mono kamofihi foya'alo mege'i melete le'mo lamana hilabe. Ya nehinogo yamofihi ema afeha'alo ito'anigi afo'anigi kaba hi epele'ahanamofihi nona'a ana suhi hite epite to agoya hi epalabe. Ya nehinogo Hu'mau bu noenogoto gelo bilina'mu yabe.

1 Tesalonika 4:10

Lenali ya'ma Yesuhi bona'a Masetonia metoga noto noto'i nehana bona'magihi asaga'i enele'mo bati hilata nehanaya aku'i hofa toto napa hilibe luto lenegekesa lito lu nolepune.

Romu 9:23

To bona'i mone'amagihi fana meha'agu enele'mo moloto keke'i lu epoloto minalina ana huto ai foya'a yabe. Ai ya huto lalimo Yuta bona'magitogati fegutoga bona'magitogati mone'a kehe ito lele'moto fuluna'a limito komopa'a lalitoga fi limi'ehina. To henabe lutobe? Asaga bona'magi ai'a fana meha'a sipina ni'ina'mu enali kehelite fokehi lilabe.

2 Koliti 4:1

Hu'mau ai keke'i luse'namu foya'a yamofihi lu leto'ehinamo ya'ma to komopatigu keta mehina'mu kosele'i kasele'i mehone.

2 Koliti 10:1

Poluita nani ya'ma Kilisitohi fuluna'a hiti lehe'mose nasana'a hiti kumu luto lenegekesa lito lu lepilugi kehelilo. Kehelite nani kumu ya'ma lite lilata nehabe. Lalitoga oto minoto ai'a amuya'a hiti bo menohinaya kaga'a nagami'a hiti lu lepilata hu'ehina. Ya huloto buto minoto golagaguti kaga lu lepilata nohibe. Lenali ya nelabe.

Filemoni 1:9

Lali Hu'mamofihi kagu nohuta bona'i ai komopa'a emigo ai komopa'a emigo nohuta'mu yabe luto nani'ni Polu ka'a leli'ali bomofita to ai kumu yabe luto naga nonugu nohuna bomofita komopa'niguti nolube.

Filemoni 1:10

Nani naga nonugu nohuto'ni bo mone le'mo mono kapogu le'mo molo'ohuna bo Onesimasi ai kumu nolube.