Romu 10:19 - Ka Lamana'a Monoꞌi Lu Mu Tifiꞌehina Ka Yabe

¹⁹ To nani mone hiti koloka halube. Yuta bona'magi ka lamana'a mekeheli'ahana ni'ifihe? Ya huto meni'ibe. Keheli'ahana yabe. Hu'mau koyapa'i enali kaga'a mege'i memele'ahana kumu kohe toto Mosehi bukugu lu'ehina ka'a fayahi koyo'ehina: Nani fato melugu boana'magihi enigi'ani meni'ina enele'moto hulenogo lenali bu gelete siko hilabe. To noto noto bona'i ka keheli sibina hi'ahanamagihi nani enele'mo bati nohinogo'nimo, lenali kehelite lenipagu logo bilibe.

Romu 10:19 Referans Kwoze

Romu 11:11

Nani mone koloka nohobe. Ya'ma Yuta bona'magi li figi gi'ahana'mu Hu'mau enali kumu he'mi su ho'ehinafihe? O'e, ya huto meni'ibe. Ai lu kehelito i behe huto fegutoga bona'magihi enubuto bilube luto, Yuta bona'magi be gelete siko hilabe lu'ehina. Enali enubuto bise'na yana'amu laga'ani epesilina'mu yabe.

Romu 11:14

Ya'ma mono ka lili'na nolugo Yuta bona'nimagi kehelite siko hilete ana kagamu'i lagati lebesibe lite nelago Hu'mau mone'amagihi enele'menogo mino kosaba huse'i lilabe.

Taitasi 3:3

To laliti koyapa'i ana suhi huto mino'ohuta lali negi nagi noto minolata, ka keheli he'milata to keheli sibina hulata huto mino'ohuta yabe. To ya nohutogo lele'mo hapotili hilata hi'ahanamo ya hulototi libita hulata nohina nasanamofihi laga'a kehelilata foipa nasanamofihi agoya hu emito minoto bona'i enele'mo sibina hu epoloto bona'magi lolo hite melete hanana'mu ya suhi huto minose ni'inaya ya luto lulototi siko hulata hu'ohutamo ni'ibe. Ya nohutogo lali kumu keheli sibina nehago enali lipakafa lahago lali enipakafa enohonogo hulata hu'ohutamo ni'ibe.

1 Pita 2:10

Koyapa'i lenali Hu'mamofihi bona'a memine'ahana. Yatai ya'ma Hu'mamofihi naga'i lolo hite neminabe. Koyapa'i lenali mino bati hite memine'ahana. Yatai ya'ma Hu'mau ginaga fi limise bomofihi komopa'agu nehabe.

1 Koliti 1:12

Ya hu'ehina'mu ka'a ma luto nolube. Lenalitogati luga'amagi lali Poluhi naga'i nohune lite lilata nehabe. Ya lite nelago luga luga'amagi lali Apolosihi naga'i nohune lite lilata nehabe. To luga'amagi lali Pitaha naga'i nohune lite lilata nehabe. To luga'amagi lali Kilisitohi naga'i nohune lite lilata nehabe.

1 Koliti 15:50

Bogiyo, kaga mone'ya lilugi kehelilo. Me lugufatu Hu'mamofihi kapogu mebiluta'mu yabe. To fulupa ito fa'menena lolo hilina lugufauba nasana amuya'a hiti minoba minoba huse nasana mone melilinamo ni'ibe.

1 Koliti 12:2

Lenali koyapa'i mono ka mekehelise bona'i nehago lenegekesa fi hekini lago negi nete nasana luga'amofihi faga faga lugefagu bite i hepilata hi'ahanamo yamofihi keheli'ahanamo ni'inagihe.

1 Koliti 11:22

Lenali nohatini meni'igo ya suhi lolo hilata nehafihe? Lenali nose'na nalune litemo nohatiniluga minete nalo. Lenali Hu'mamofihi bona'a enali kumu keheligo enumuhi meni'ina bona'i enali keheli sibina enubuya hina suhi lolo hilata nehabe. Ya nehana nasana'mu henabe luto lu lepilube. Lenofokehi lilufihe? O'e lenofokehi melilube.

1 Koliti 10:19

Kaga nolunamofihi hapa'a ma huto ni'ibe. Lugefa nasanamofihi seba'a nelata nehana nasana fa'menena ni'ibe. To lugefa nasana ai hiti fa'menena ni'ibe.

1 Koliti 7:29

Nalalu'nigita, kaga ya'ma lu lepiluna kehelilo. Hu'mau molo'ehina kana asu halube'mu hibe. To kana'a hupamone hu'ehinago liha'ani hiti nehana'amagi bati hite liha'ani menina bo tegi hite Hu'mamofihi foya'a amuya melete minalo.

Romu 10:18

To nani mone koloka halube. Ya'ma Yuta bona'magi Hu'mamofihi ka'a keheli'ahana meni'ifihe? O'e, enali akeheli'ahana yabe. Mono bukugu ma fayahi ge'ahana: Lu yege hose bona'mofihi nogo'ani asaga melugu hepatoga bula ola higo, boana'magi keheli'ahana. To ya'ma mono kaga'ani biba biba nohigo, silaga kapoluga boana'magi keheli'ahana yabe.

Romu 3:26

Yatai kana'alo Hu'mau bona'magihi foipana'ani he'mi epoloto enele'mo bati nohibe. Ya nohuto hapa'a bati huse'na ni'inamofihi lelepi'ehibe. To ana huto bona'magi komopa'ani Yesuhi keheli ule'ale hi'ahana'mu Hu'mau enele'mo bati hulata nohibe.