Romu 1:28 - Ka Lamana'a Monoꞌi Lu Mu Tifiꞌehina Ka Yabe

²⁸ Hu'mau ana bona'i yege yege'na enalitogati he'mi'ehigo enali ya'ma Hu'mamofi kumu lusi kaga ni'ina ya'ma mekehelite pelesa ite enegekesa keheli'ahana fato fato'i ya'ma mege'i nemalabe. Bati mehina supo hite neminabe.

Romu 1:28 Referans Kwoze

Romu 1:21

Enali ai kumu keheli bati hite aku gi'a liyafa menehabe. Aitoga enofokehi menelibe. Enekesa keheli sibina nehite negi nagi nete neminago komopa'anigu metepu sipi'a gi'ehibe.

Taitasi 1:16

Enali Hu'mamofihi hapa'a keheli'ohune lite enabagaguti lilata nehanamo ni'inaya ya hite minete lite nehananauba ya'ma luto lu huto hulata nohina legeya'a meni'ibe. Enali tuguma bona'i nehana sipi foipanamofihi ka'ani mekehelise nehana enali foya lamana'a lilana'a meni'ibe.

Romu 1:24

Ya nehago Hu'mau megesa hu epi'ehina. Ai nehanalo memino'ehigo enekesa yigi'ahanamo foipana fato fato'i nehite to asaga hapa'ani kolota kolota nehabe. Ya hananauba enugufa'ani li sibina fato fato'i nehabe.

2 Timoti 3:8

Koyapa'i Mosehi kanagu bo loemo etali etigi'atiti Yanego Yapelego etali ya'ma Mosehi ka hega he'aha'ina ya ana etali suko hite ma'asi lu kimi'ohuna bona'i enali komopa'ani haya kolo'ehina mono'mofihi kapo'a nehe'mite negi nete sibi lolo nehana.

2 Tesalonika 1:8

logo guluya meha'a sipi'a hiti limiloto Hu'mamofihi mekeheli'ahana bona'i to Sipi Bomo Yesuhi ka lamana'a keheli meemi'ahana bona'i nona'a foya epilina'mu yabe.

1 Koliti 15:34

Lenali ya'ma komopatini hokolo hinogo eto hite nehite foipa nasana lenemegesa hi emilo. Lenalitogati bona'i luga'amagi Hu'ma kumu menekehelibe. Yamofihi fa'mene kehelinogo lenubuya hilibe luto nolube.

Romu 1:18

To bona'magi enali foipa faipana'ani babu lite liba liba nehite to hetofa kaga'a fala kite to hetofa kapo hekini lalibe. Hu'mau ya'ma foipana nasanamofihi bu goto sipi enipakafa halinamofihi ya'ma kokulumaluguti limi'ehina abu go'ohune.

Efeso 5:4

To kolo tana ka yagi, negi nagi ka yagi, to kiya yokolo ka laga mehinana'a yagi lilana'ya laga mehilube'mu hibe. Hu'mamofitoga fokehi lite minalo.

Romu 1:26

To ya nehana'mu Hu'mau ana bona'i bu enogoloto enalitogati he'mito megesa hu epi'ehina. Ya higo enali fato fato foipana'ani babu lite nelibe. Enali alobole nehana suhi he'mite fato suhi nehana. Ana'magi enali hapa'ani he'mite foipa hapa'amofihi mege'i melete ana'i fato fato'i moko liba liba hi'ahana. To bomagi ana hite ana'mo he'mite enipagu laga epesigo bonatoga bite moko nelibe. Ya hite, enugufa'ani le'mo sibina hi'ahago yana'mu enali foipana'animofihi nona'a lilabe.

2 Pita 3:5

Enali ya lana bona'magi mono ka mone'a nehe'mibe. Ana kaga ma ni'ibe. Hu'mamofihi kaga'auba ya suhi huto hulatana ni'ibe. Ai koyapa'i kaga ligo kokuluma'i huto hu'ehina to me'i ai ana huto koyapa'i nagamiluguti li huto huloto nagami'a hiti mino'ehinamo ni'ibe.

Filemoni 1:8

Ya'mu bati hilina nasana lilane luto Kilisitohi kaga'alo lu moloto lu ketaluna ni'itita keta mehuse huto lu kumutine.

2 Koliti 10:5

Hu'mamofihi hapa'a keheliya ise'namofihi kapo'a hekini lalune'mu ana'ina lite enita bise kaga'ani li nohe'mune. To Kilisitohi agoya hu emiluta'asigo huto hilibe luto kehelito fato fato'mofihi naga'i emito nohune.

Aposolo 17:32

Filise bo kene keliguti aku'i ho ti'ehibe luto Polu lina kamu'i luga'a bona'magi kiya hi ete'ahana. To luga'amagi ma lite li'ahana: Mone yupahi ana kaga aku'i lu limitogo kehelilune.

Aposolo 17:23

Lenali komopatini emilata nehanana asaga'i hepatinigu ni'ina nani kapo nomoloto'ni abu go su ho'ohube. To kuguhi gelata nehana hepato kaga mone ma lite fayahi gete mele'ahago bu go'ohube: Ya'ma mekeheli'ohuta nasana meha'alo yabe. To lenali ya'mananamofihi meha'a bu mege'ahananalo komopatini emite fa'mene'mu minelata nehana yatai nani kaga'a lu hokolo huto lu nolepube.