Romu 1:15 - Ka Lamana'a Monoꞌi Lu Mu Tifiꞌehina Ka Yabe

¹⁵ Ya'mu nani Hu'mamofihi ka lamana'a lenali Lomu hepatoga neminana bonatoga lu lepilube'mu nohugo sipi laga nebesigo ana foya lilube luto amuya molo'ohube.

Romu 1:15 Referans Kwoze

Romu 15:20

Ya hina'mu tafa'agu aku'i li gulufu hilube luto Kilisitohi ka lamana'auba buto bu nehe meti'ehina kosabalugu ana ka'a lu huto epilube luto amuya mololata hu'ohunaya hapa'ni ya ni'ibe. Yana'mu fato bouba kohe toto ka lamana'a lu epito molo'ehinamofihi hepato henabe luto bilube? Yanalo mebilube'mu nohuna yabe.

1 Koliti 9:17

Foya ya'ma nani'ni negekesa kehelito li huto huto lutita yamofihi minomo buto mina'a lutita'mu yabe. Nani'ni negekesa kehelito meli'ohunamo ni'inago yamofi kumu ma luto ni'ibe. Hu'mau ana foya nugupilo molo netago lilata nohube.

Matiu 9:38

Ya hu'ehinagi lenali bite foya afo'afihi numuna hi etenogo ai foya'agu ete lili'na lite nose'na'a li nupa hilana bona'i enele'mo babu lilibe, lu'ehina yabe.

2 Koliti 8:12

Komopatinigu keheli bati hite kefa malalana ya'ma Hu'mau kehelinogo bati hilube'mu hibe. Lali memolo'ehiluta legegeto ni'igopa ana'ina molo'ohuta babeyafalo melenogoti Hu'mau bu gago bati hulata nohibe.

Romu 12:18

Lenali asaga yupahi yege yege bona'i hiti fulu hite minalo. Lenali luba ka genaga le'mo huto mehilo.

Aposolo 21:13

To Polu ma luto lu limi'ehina: Lenali henabe lite yibi gofa nehite nipa'nigu nagabu'i gito le'mo sibina nehabe? Nani Sipi Bomo Yesu kumu Yelusale hepatoga naga'i nimilafi noho fililafi nani ya'mana bati huto yabe luto nokehelube.

Yoni 4:34

Ya nehago Yesu lu epi'ehina: Noho lifi'ehina bouba lili'na malalina agoya hu emito lili'na'a li baga iluna ya'ma nose'na'ni legi huto ni'ibe.

Maki 14:8

Ya'ma a'mouba nanimo nehe filite keli halana'mu luto yata'a mesebe nugufa'nilo folo neto'ehina ni'ibe. Bona'i keli halune'mu nehana suhi huto nugufa'nilo mesebe folo'ehina yabe. Ai'a so ki'ehina'a ahu neto'ehibe.

Romu 10:15

To Hu'mau kaga'a lu yege hose bona'i ho melifinogo kaga tili tele mehinogo kiyi'afu ana kaga lu enelepilibe? Yana'mu mono bukugu fayahi ge'ahanamo ni'ibe: Enali kapo melete hekili hekili hite hetofa kaga'a lite neana bona'magihi enigigusalo soso hu epoloto gepohi lilune.