Matiu 9:4 - Ka Lamana'a Monoꞌi Lu Mu Tifiꞌehina Ka Yabe

⁴ Ya nelago Yesu kaga'ani akeheliloto ma luto lu epi'ehina: Lenali henabe lite foipa faipa lenekesa neyigibe?

Matiu 9:4 Referans Kwoze

Luku 6:8

To Yesu al'a komopa'anigu abu goloto yahi sibina hu'ehina bomofihi ma luto lu emi'ehina: Kai ho tito malo tobo. Ya noligo ana bo ho tito analo mino'ehina.

Matiu 12:25

Kaga lu keheli fa keheli enali nehana kaga'ani Yesu akeheliloto ma luto lu epi'ehina: Hepa'i luga'a enali'aniguti loko luku hilete luba hilata nehana yatamalo luba hite minelata menehabe. To hepa'i mone'magifi to lalamehe naga'i mone'magi loko hilete luba hilata nehana enali ya'mana hepa'ifi to lalamehe naga'ifi mino bati hite meminalana'mu yabe.

Huto Hilina Ka 2:23

To ana a'mofihi yagapana'a enoho fili su halibe. Ya suhi hulenogo'ni noto noto bo mono ka keheli'ahanamagi nani bati'namofihi komopa'ani enegekesamofihi hapa'a bu go fe lu'ahata bo nohane lite keheliya ilabe. Nani bona'i asaga'i hite melete hilanamofihi afo'anifita pa soto nona'a eto eto huto epilube'mu nohube luto nolube.

Yoni 16:30

Ya'ma yata'isi kai kumu ya'ma luto nokehelune. Bona'magi enali yata'a kaga lu hokolo hu ketalana meni'ibe. Kaika silaga nasana'mu keheli su ho'ahana. Kai Hu'mamofitogati limi'ahata yana'mu keheli amuya molo'ohune.

Luku 11:17

Yesu kaga'ani akeheliloto ma luto lu epi'ehina: Hepa'i moneto bona'i loko hite guna ite mino luga luga hite loe bona'i lolo hite luba hilana ya'mana hepa'i sibina hilina'mu yabe to koguna naga'i mone neminanaguti fuku lite luba hilete fato fato'i minalana enali asaga'i bati mehilana'mu yabe.

Aposolo 5:9

Ya ligo Pitau lu emi'ehina: Kai hiti bahaka hiti letali henabe lite lu kehelilete Sipi Bomofihi Sikalafu'a mi'i mele'aha'ibe? Bahaka akeli he ete'ahana bona'i yatai ma'asi kasito foiya nehanago enali kai'i ana hite kofite bilana'mu yabe.

Yoni 16:19

Lite lilete loka halune'mu nehago Yesu ya'ma keheli fotogo huloto ma luto lu epi'ehina: Kana'a nesi'a neminete nani'i be menagalana'mu to yanamofihi ifo'alo nesi'a neminete nani'i aku'i bu nagalana'mu yabe luto lu'ehina'mu lu keheli fa keheli hi'ahafihe?

Yoni 6:64

Ya nohunaya luga'amagita nani kaga'ni keheli pili mekabe. Yesuhi fateha'a li enayanugu bilina bo hiti to kaga'a li pili mekalana bona'i hiti koyapa'i komopa'anigu abugo fulu ti'ehina yabe.

Yoni 6:61

Yesuhi pana'alobo'amagi ya lite gulu gulu bite nelana kagalo komopa'anigu bu enogoloto lu epi'ehina: Nani ma noluna kagauba latahatini lenele'mo negi nonago he'milune'mu nehafihe?

Yoni 21:17

To Yesu ge'noka mone hiti Pitahi ho'ehina: Simonio, Yonihi pana'a yale, nani kumu nokebesifihe? Ya luto loka hago Pitau kehelito Yesu loegi monegi loka ho'ehina kiginaga fi nonimitaya yana'mu ipa'agu gabu nogigo ka lu emi'ehina: Sipi Bo yale, kai yege yege'na keheli baga ito niginaga fi nokumunaya akeheli'ahane. Ya luto ligo Yesu lu emi'ehina: Kai sipisipi yaga'ni kaba hu epolobo.

Luku 5:22

Yesu kaga nelana akeheliloto lu epi'ehina: Henabe lite lenali lenekesagu kaga fato fato'i lenipaguti notibe?

Maki 12:15

Ya nelago, Yesu enali ai'i fi taga hilune'mu enipa nehago kehelito'a ma luto lu epi'ehina: Lenali henabe lite nimi'i nemalabe? Efahi legeya'a mone ite ete nimitogo bu galube.

Maki 2:8

To Yesu ana'asi ya'ma enegekesa neyiginana komopa'atu keheliloto ma luto lu epi'ehibe:

Luku 7:40

Yesu kaga lu saga huto lu'ehina: Simonio, nani kaga mone ya li'ohuna lu kimilube. Simoniu lu'ehina: Babafio, kai alubo.