Matiu 9:30 - Ka Lamana'a Monoꞌi Lu Mu Tifiꞌehina Ka Yabe

³⁰ Yesu ya ligo etubu'atiti ana'asilo mele'isi i gili hu'ehina yabe. Ya higo Yesu etekesa bito ma luto lu etimi'ehina: Letali ya'mana huto nohu letotonamofihi kaga'a bona'i lu meepilo.

Matiu 9:30 Referans Kwoze

Luku 5:14

Ya hulago Yesu amuya moloto ekesa bi'ehina: Kai ya'ma hunanamofihi bona'i lu meepise kigi bito mono bo nohilinalo bitogo ai kugufaka beloloto bu kogolenogo kai kugufa gololo tinalo nona'a tu lokiya fi emibo. To Mosehi ka'auba lu'ehina'a huto yabe. Ya hitogo asaga bona'i enali yatai agololo ti'ahane lilabe.

Matiu 8:4

Ya higo Yesu lu emi'ehina: Kehelibo. Fato fato bona'magi kaga lu meepibo. Mono bomofitoga buloto kugufaka lepibo. Ai bu go bati huto higo mone nona'a Mosehi koyapa'i kaga molo'ehinamo'mu mono bomofihi emibo. Ya huletogo asaga bona'i enubulo kugufaka gulu gulu'ehinana bu kagalabe, Yesu lu'ehina.

Luku 8:56

To ana pa'mofihi ito'afugo afo'afugo topa helete etelesa'atiti ligo Yesu ma luto etegekesa bi'ehina: Letali ma huto hinanamofihi hapa'a bona'i lu meepiliyo luto lu etoto'ehina.

Maki 5:43

To ho tito humofa'na nohigo Yesu: Ma pa'mofihi nose'na mone'a lite ete emilo, luto'a yalo amuya ka lu laga huto ma luto ka epeki'ehina: Lenali ya'ma asaga bona'magihi ka lu meepilo. Yesu ya luto lu epi'ehina yabe.

Matiu 17:9

Enali ana kosa he'milete kapo melete nelimite amuya kaga luto enekesa biloto Yesu ma luto lu epi'ehina: Ya'manana huto higo lenali bu ge'ahana lenali bona'i luga'a meepilo. Lenali komopatinigu melelete nehinogo Kokulumaguti limi'ehina Bouba keli he'miloto ho tilenogo ana kaga lu huto hilo.

Matiu 12:16

Ya nohuto ana bona'i enekesa biloto lenali nani kumu'i bona'i lu meepilo luto lu epi'ehina yabe.

Maki 1:43

To Yesu amuya ka lu emito ma lu'ehina:

Maki 3:12

Yesu: Ya kaya melise minalo, luto enekesa lito lu laga hu'ehina yabe.