Matiu 9:28 - Ka Lamana'a Monoꞌi Lu Mu Tifiꞌehina Ka Yabe

²⁸ Ya nela'igo Yesu ai nonuga notigo etali ana bole Yesutoga neheti'aha'ina yabe. Ya ha'igo Yesu etoloka ho'ehina: Letali le'ele'mo bati hilina'mu yabe lite nanitoga komopatiti nenimi'ifihe? Etali li'aha'ina: O'yo, Sipi Bo, le'ali keheli'ohu'ibe.

Matiu 9:28 Referans Kwoze

Matiu 9:22

Yesu i behe huto ana a'i bu goloto ma luto lu emi'ehina: Pa'ni, kipakagu fuluna kebesino. Kai nanitoga komopaka moloto minalatanauba kele'mo buto bito kebesise'naka li nohe'mibe luto Yesu lu emi'ehina yabe. Ya noligo ana'asilo ana a'mofihi nobesinana su ho etago bati hu'ehina yabe.

Matiu 8:2

To sipi hepuhi lo'ehina bo moneuba Yesutoga oto lahupa nohi fito lu'ehina: Sipi bomaka. Kai kegekesa kehelito nugufa'ni le'mo bati hilata'mu nohane.

Yoni 11:40

Ya ligo Yesu lu emi'ehina: Hena'mube? Yata'a lu kimi'ohunamofihi mekeheli'ahatafihe? Kai nanitoga keheli ule'ale hinogomo Hu'mamofihi amuya'a hiti fana tose'na'a hiti bu galane luto lu kimi'ohunagihe.

Yoni 11:26

To bona'i moneuba nanitoga i ke'moto minoto to keheli ule'ale hu nimito minalina mefililina'mu yabe. Ya'ma keheliya ito nominatafihe?

Matiu 13:58

To ya'mu mana hepalugu Yesu sipi lili'na babu luto li hu enubulo memolo'ehina yabe. Hena'mugope enali Yesu li huto hinana'mufi to kaga lu epinalo enali keheli meemise mine'ahana yabe.

Matiu 8:14

Yesu Pitahi noha'agu buloto bu ganamo Pitahi litayami'afipo gufa mukoho akohona besi'ehigo sipalo ko'ehigo bu go'ehina.

Matiu 13:36

Yesu asaga boana'i he'mi epololoto nonuga ti'ehina. Ya higo koko panana'a aitoga elete ma li'ahana: Foipa kifi'na foyagu noliginamofihi hapa'a lu limibo.

Matiu 9:27

Yesu ana hepa'i he'miloto kapo moloto nobigo etubu pisi lu'ehina bo loemale'i mege'i lifite nebite ma lite li'aha'ina: Tatatifu Tebitihi pana'amaka kai le'ali'i kiginaga fi le'emibo lite kehe i'aha'ina yabe.

Matiu 9:29

To Yesu yatu'i etubulo meko huloto lu etimi'ehina: Letali nanitoga komopatiti nimi'aha'inago letubutiti bati hilina'mu yabe.

Matiu 13:1

Ana yupahi Yesu ana nohi he'miloto nagami hefuhu beletoga buto metoga minoloto boana'i kaga enelepilube'mu hu'ehina.

Aposolo 14:9

Ya'ma bouba Polu lina kaga'a kehelito mino'ehina. Ya higo Polu ana bo bu go bati hu'ehina kaga'a komopa'agu li molo'ehigo gigusa'a le'mo bati hilube luto keheli'ehina.