Matiu 9:15 - Ka Lamana'a Monoꞌi Lu Mu Tifiꞌehina Ka Yabe

¹⁵ Ya lago Yesu ai lu epi'ehina: To bo moneuba ana kata hilube'mu nohigomo lalu'agi hiti ete li nupa hite neminabe, ya nehanamagi enali enipagu sibina hulata nohifihe? Ya hulata menohibe. Ya hu'ehina alihi ya'mana ana kata nohina bo le'mo nehe'mibe. Ya hago ai lalu'agi hiti meminolata nohibe. Ya hilana yupahi analo enali nose'na mo site minalana'mu yabe, luto Yesu lu epi'ehina yabe.

Matiu 9:15 Referans Kwoze

Huto Hilina Ka 19:9

Kaga ya luto huto higo agelouba kaga mone ma luto lu nimi'ehina: Kai ya huto fayahi koyobo. Hu'mamofihi sipisipi nala'a ya'ma a'i le'mo emilina kana nose'na nalabe luto elesa molo epi'ehina bona'a enali kehelilabe luto lenofokehi lilo. To mone hiti lu nimito ma luto lu'ehina: Ka nokelepuna ya'ma Hu'mamofihi ka legeya'amofihi lamana'a lu nokumube.

Yoni 3:29

To bo moneuba a'i mone lilagomo ana a'i ai'a liha'a minolata nohibe. To liha'a lina bomofihi lalu'afu ho tito bagaguti lina kaga keheliloto gelo sipi bito liha'a ma'asi li'ehina bomofihi bagaguti kaga kehelilata nohibe. Ya'ma suhi luto yatai nani komopa'nigu sipi negelo nobube.

Huto Hilina Ka 21:2

To lamana hepa'i Yelusale yuhufa ya'ma kokulumagu Hu'mau nohinagati nolimigo bu go'ohuna ya'ma mone'mofitogati a'i le'mo emilune'mu sekele mamu hi etelago kata hilata yupahi mino'ehina ya suhi huto ni'igo bu go'ohuna.

Aposolo 14:23

To asaga Yesuhi kaga'a kehelise bona'magi folagaha'aniguti kaba bo'ani mone enele'mo ho tila ho tila hi'aha'ina. Etali nose'na mo site minete nunumu hu epelete Sipi Bomofitoga komopa'ani molo emite minanamofihi yanugu enele'mo molo'ehina yabe.

1 Koliti 7:5

Bo alobole letali letugufamofihi lite amanapa lolo mehiliyo. Fa'mene Hu'mamofitoga nunumu hite malalu'ibe'mu keta mehuse hite kanatiti kanatiti lu kehelilete kana'a melelete lila'ina yamofihi bati hilube'mu hibe. Malala'ina kana'a su holenogomo aku'i li hepite malaliyo. Malala'ina kana'a be liginogomo yamofihi Satau ai enimi'i molo hinogo foipa hi lalibe luto nolube.

Yoni 16:6

Kaga ya'ma lu nolepugo keke'i luse'namofihi komopatinigu bai notabe.

2 Koliti 11:27

Hitupa foya lito nugufa nagabu'i gigo humofa'na huto nubu'i ko bati mehuse humofa'na huto kau'namu filito yafi nagami kumu nebesigo yasi'mu filito mino'ohunamo ni'ibe. Gukete'mu to nebelusa'mu sa sa huto mino'ohunamo ni'ibe.

Matiu 9:14

Ya'mana kanalo Yonihi koko panana'a Yesutoga nehetilete ma lite loka he'ahana: Hena hu'ehigo lali hiti to Felosi bo hiti nose'na mo silata nohunogo to enali kai koko panakamagi nose'na mo silata menehabe?

Matiu 9:16

Bo mone'amagi yuhufa kata letuha'atu koyapa kata hepu to'ehinalo hetilata menehabe. To ya hilana ai yuhufa kata letuha'auba koyapa kata aku'i i hegege hinogo sipi hokolo kapo aku'i lolo hilina'mu yabe.

Maki 2:19

Ya lago, Yesu ma luto lu epi'ehina: Mone pana'mofihi liha'a mina filune'mu nehana yupahi ana pana'uba falu'agi hiti nose'na mo site li pisigilete neminafihe? Lali Yuta bona hapati ya huto ni'ifihe? O'e.

Maki 2:20

To alihi yupahi ana pana'uba enehe'mito buto liha'a hiti minala'ina kanagu, falu'agi keke'i li etete li pisigilete minalana'mu yabe.

Luku 5:34

Yesu lu epi'ehina: Lenali bo moneuba liha'a lilenogo ana a'mofihi bona'a alana melekehi ite nose li mo silana ni'ifiye? Ana yupahi ya'mana bouba hiti nohinogo yana suhiba hilana ni'ifihe? O'e, ya mehilana'a huto ni'ibe.

Luku 5:35

Ya hu'ehina alihi ana bo liha'a lilube'mu nohilina le'me nehe'minogo enalalu'anigi hiti minomo mebilina'mu yabe. To ya'mana kana'alo hiti nose'na mo si ete mebilana'mu yabe.

Luku 17:22

Yalo koko pana'a ma luto lu epi'ehina: Alihi kana mone huto hilina yupahi lenali lenipagu yibi hilete ma lite lilabe: Kokulumaguti limi'ehina Bomofihi kana'a mele'isi aku huto hulenogo bu galune. Ya lilana lenali bu megalana'mu yabe.