Matiu 9:1 - Ka Lamana'a Monoꞌi Lu Mu Tifiꞌehina Ka Yabe

¹ Yesu botigu tiloto i behe huto hefunugu i gofa hoto muya beletoga heleko moloto ai'a hepa'alo neheti'ehina yabe.

Matiu 9:1 Referans Kwoze

Matiu 4:13

Ya huloto ai Nasalete hepato memino'ehina ai he'mito buto Kapaneami hepato mino'ehina. Kapaneami ai Galili Hefuhi beleha'alo Sebuluni to Nafatali melugu mino'ehina yabe.

Luku 8:37

Ya hago babu boana'i Gegese hepatoti ete li nupa hite minanamagi Yesuhi: Bufa hubo lite li'ahana, lali sipi lelesati nolibe li'ahana yabe. Ya lite lago Yesu botigu tito he'mi epoloto bufa hu'ehina yabe.

Maki 5:21

To Yesu botigu tito nagami muya beletoga aku'i nehetito'a nagami nekisa'alo nohigo, babu bona'magi aitoga li gehesa hi'ahabe.

Matiu 8:18

Yesu babu boana'i li nupa hilete nehago bu goto koko pana'amagi lu epi'ehina: Muya hefutoga bilutagihe.

Matiu 7:6

Lenali hetofa nasana kalamagihi meepilo. Enali i behe hite heni lepele lalabe nolube. To lenali pesesutini hetofa hatofa'a yagamagihi meepilo. Enali pesesutini libe hepulu tibe hite lapasa i lalabe nolube.

Huto Hilina Ka 22:11

Ya hu'ehina'mu foipa nasana lilata nehana'a enali lilete nehilabe. To komopa'ani kolo tenogo enali minalune lite mine lite bite minalabe. To mono kagu fotogo hite minalune lite minalana'amagi ya'ma fotogo hite minete mine lite bite minalabe. To biye bona'i enali minalune lite ya'ma biye'i mine lite bite minalabe.

Matiu 8:23

Yesu hiti koko pana'amagi hiti botigu tilete hefuhu nagamilugu bi'ahana.

Luku 8:40

Yesu nagami hefuhi mula kegi'a nina hepato henetigo babu boana'i li nupa hite geba hite nehanati be gelete hetofana huto ane lite sipi fokehi he'ahana.