Matiu 7:29 - Ka Lamana'a Monoꞌi Lu Mu Tifiꞌehina Ka Yabe

²⁹ Yesu ai bona'magi keya ka enelepilata nehana'a huto melu'ehina yabe. Ai amuyana'ani nina bomagi kaga lilata nehana suhi huto kaga'a lu epina'mu enali boana'i keheli mehe'mi'ahana yabe.

Matiu 7:29 Referans Kwoze

Luku 20:8

Ya lago Yesu ma luto lu epi'ehina: Ana huto nani lili'na nolunamofihi hapa'a lu melepiluna'mu yabe.

Aposolo 6:10

Sikalafu'uba kaga bati hina'ago Sitifenihi lu bagalo malago ana bomagi lana kaga'aniuba ai kaga'a be meligi'ehina yabe.

Luku 21:15

Nani'ni kaga hetofa'a lenabagalo mololoto'ni to ka kehelise'na hetofa'a lepiluna'mu yabe. To asaga fatehatinimagi nani lepilina kaga li gofa mehila to lisi'ani luga mebilana'mu yabe.

Matiu 28:18

Yesu koko pana'amagihi ma luto lu epi'ehina: Kokulumalugu hiti melugu hiti asaga'na kaba hilane lutomo Afo'nifu ya'ma nimi'ehina.

Matiu 5:44

Ya hu'ehina nani yatai aku'i lu nolepube. Fatehatini enele'mo bati nehite to lenali'i lenele'mo bati mehilana bonatoga nunumu Hu'mamofitoga hu epelenogo ai enehe'malibe.

Matiu 5:32

Ya hu'ehina nani yatai lu nolepube. Bo mone'mofihi liha'a fato bo hiti koto ho tito mehuse bati huto nominago to ana bouba ya'ma liha'a he'mi etolenogo to yalo ana liha'auba fato bolo buto minalina ai ya'ma bomofihi hapa'auba ligo liha'auba li alobo hu'ehina keya ka gofa nohabe. To bo moneuba ana a'i lilotomo ai bo alobomagi keya ka li gofa holago foipana'a nominabe.

Matiu 5:28

Ya hu'ehina nani yatai ma luto lu nolepube. Bo moneuba a'i mone bu goloto bulu'i hoto ipa'a emito minalina, ai komopa'agu ya huto kehelilinauba, ai alobo huto minosemofihi keya ka'a li gofa hoto komopa'agu foipana nohibe.

Matiu 5:20

Ya hu'ehina nani lenekesa nobube. Lenali Hu'mamofihi laga besina suhi hite hetofanaguti minalanauba Felosi bona'i hiti to keya kaga enelepise bona'magihi hapa'ani enebe liginogoko lenali kokuluma kapolo nehetilana'mu yabe luto Yesu lu epi'ehina yabe.

Matiu 7:28

Yesu ya'mana kaga alu su holago asaga li nupa hite minana boana'i Yesuhi kaga'a kehelilete keheli fato fato hite sipi enelesa'ani lu'ehina yabe.

Matiu 8:1

Yesu kosaguti limitogo babu boana'magi mege'i bi'ahana.