Matiu 6:30 - Ka Lamana'a Monoꞌi Lu Mu Tifiꞌehina Ka Yabe

³⁰ Yatai huto hilete yago fenene hilete nehana lose tose kifi'namagihi Hu'mau gukete'ani hu epololata nohibe. To lenali'iba ana huto lenele'mo bati huto guketetini mehu lepalalina ni'ifihe? Lenegekesa menina bona'i nehafi?

Matiu 6:30 Referans Kwoze

Luku 12:28

Hu'mau ai'a kifi'namagihi gukete hu epololata nohibe. Kifi'na malo yatai nehana yago bifa hilana'mu yabe to logouba enoloboto su halina'mu yabe. Fa'mene kifi'namolo Hu'mau gukete nohu epalanamo ninago ana huto Hu'mau gukete hu ketalina'mu yabe. Ya hu'ehina Hu'mamofihi keheli bati hite keheli emilenogo Hu'mau ai lenele'mo bati hu lepalalina'mu yabe. Lenalise, ka keheli ule'ale huse'natini nesi'asi minana boana'i yabe, luto Yesu lu'ehina yabe.

Matiu 14:31

Ya noligo Yesu hololu luto Pitahi yato liloto lu emi'ehina: Kai kaga'ni li pili meko'ahane. Kai hena hibe luto loe lae kekesa nokeheline?

1 Pita 1:24

yamofihi kaga'a mono bukugu keye'ahanaya, ma ni'ibe: Bona'i silaga'magi kifina suhi hite nehabe. To sekele mamu'animofihi asaga'i ya'ma kifi muko'a suhi huto ni'ibe. Kifina mele'isi hosopa ilata higo muko'a taloto limo ito su holata nohibe.

Matiu 16:8

Ya lana kaga'ani Yesu akeheliloto ma luto lu epi'ehina: Kaga keheli bebe sose'natini nesi'asi ni'i lepalana bo hena hibe lite lali beleti lito meo'ohune ya lite musi musi ka nelabe?

Matiu 8:26

Yesu lu epi'ehina: Koli gofana nehana henabe lutobe? Nani kumu kehelise'natini nesi'asi ni'igo ule'ale hitemo memine'ahabe. Ko'ehinati ho tiloto ana sipi amuya habapofihi hiti to nagami'i bilina hiti kaga lu etimigo analo mele'isi felele huto bu'ehina.

Yoni 20:27

Ya luto luloto Tomasihi lu emi'ehina: Malo'i kayaka musoka afito nayaha'ni luga luga bu gobo. To ya huloto kayatu li su toto fatipa'nigu nufuheto li keheli molobo. Ya huloto kekesa yigi yigi huse'naka he'miloto nanitoga keheli ule'ale huto agoya hu nimibo.

Maki 4:40

To yalo Yesu ma luto lu epi'ehina: Lenali henabe lite koli hi'ahabe? Nani kaba hu lepalaluna ni'inaya mekeheli'ahafiye? Nanitoga lenemehi menimise keheli ule'ale mehi'ahanafiye?

Hibulu 3:12

Nalalu'nimagita, lenalitogati mono komopatini go'nupa ginogo minete mono ka keheli he'mite minoba minoba huse bo, Hu'mamofihi lenemegesa hi emi lalagi kaba hite minalo.

Luku 9:41

Yesu ka'alo lu'ehina: Akae. Lenali yatai kanalo boana'ise, lenali ka kehelise'natini meminabe to komopatini bebe soto meminolata hibe. Henaki yupahi lenali hiti nani minoto keheli sibinanatini kofeli'ali nohube? Panaka le'moto maga obo.

Maki 9:19

Ya ligo, ai ma luto lu epi'ehina: Abo. Lenali yatai bona'i nanitoga lenemehi mebina bona'i nehabe. Nani lenalitoga henaki yupahi minelenogomo nanitoga lenemehuba bilibe? To henaki yupahi lenegeba hulenogo ka kehelilabe? Ana pana'mo nanitoga le'mete alo.

Matiu 17:17

Ya ligo Yesu ka'alo lu'ehina: Akae, lenali yatai kanalo boana'ise, lenali ka keheli ule'ale huse'natini meminabe, to komopatini bebe soto meminolata hibe. Henaki yupahi lenali hiti nani minoto foipanatini kofeli'ali nohube? To ana bomofi kumu ma luto lu emi'ehina: Panaka le'moto maga obo.