Matiu 5:46 - Ka Lamana'a Monoꞌi Lu Mu Tifiꞌehina Ka Yabe

⁴⁶ To lenali bona'i enipa lepilata nehana bona'i enipa epite enele'mo bati hilata nehanaguti hena mina'a lilana ni'ibe? Enali foipa boana'i hiti takisi lilata bona'i hiti ana suhi hilata nehabe.

Matiu 5:46 Referans Kwoze

Matiu 11:19

To yatai Kokulumaguti limi'ehina Bouba oloto nose'na noto nagami'i noto nohigo to lenali ma lite neli etabe: Bu galo. Ai nose'na lau'i iba iba bo yabe nelabe. To bai nagami'i ana huto babu luto noba noba bo yabe lite nelabe. To ai takisi nelina bo to foipa bona'magihi enalalu'anifu yabe lite lilata nehabe. To ya'mananalo bu golototi Hu'mamofihi keheli bati huse'na'a ma'naka ni'ibe luto liluta'mu yabe.

Luku 18:13

To takisi lilata bo fato'i ho tito minoloto kokulumatoga bu go saga huto bu megose melugu lipito bu goloto minoto yahi gofa holoto ma luto nunumu lu'ehina: O Hu'mao, nani foipa bo kai kiginaga fi nimibo.

Luku 15:1

Mone yupahi takisi nelina bona'i hiti to ka'i leli nehana bona'i hiti Yesu nohinalo ete ai kaga'a linalo kehelite mine'ahana yabe.

Matiu 18:17

To ana bomagihi kaga'anilo keheli meepinogomo mono nonugu asaga mono boana'i lu huto huto lu epibo. To asaga boana'magi kaga'ani keheli meepinogomo bonoho bona'ifi takisi nelina bomagihi suhi luto nohane luto keheli emibo.

Matiu 6:1

Lenali kaba hu bati hilo. Lenali hetofa hapatini asaga boana'magihi enubulo enali be galabe lite li huto hite lolo mehilo. To lenali ya hilana kokulumalugu Afotinifitogati mina'a melilana'mu yabe.

Luku 19:7

Ya neha'igo asaga bona'i bu gelete gulu gulu bite ma lite li'ahana: Akae. Bati mehina suhi luto hetofa bomouba buto foipa bomofihi nonugu minalube'mu nohibe, lite enitaluga logo bi'ehina yabe.

Luku 19:2

Bo mone mino'ehina gi'a Sakiasi. Ai takisi lilata nehanalo kaba hu'ehina aitoga efaha'a babu lito mino'ehina.

Matiu 5:47

To kai kalalukafinogo yahi emito be notigito fatehakamofito kubu bu go fatoga nomalata henanaloti luga'a bona'i enebe ligilata ni'ibe? To fegutoga bona'magi hiti ana suhi hilata nehabe.

Maki 2:15

To alihi babu bona'magi Yesuhi mege'i nebite ai hiti pana'alobomagi hiti to takisi bomagi hiti foipa bomagi hiti babu lite Libaihi noha'agu nose'na nete nehago enali Felosi bomagi to mono ka negana bomagi hiti enali ete bu ge'ahabe. Ai Yesu takisi bomagi hiti foipa bomagi hiti nose'na nenago enali bu gete pana'alobomagihi ma lite enoloka he'ahana. Ai ya'ma takisi bomagi hiti foipa bomagi hiti henabe luto nenabe?

Luku 3:12

To takisi lise bo mone'a hiti enali ana hite nagami'i falalune'mu e'ahanati enali Yonihi loka he'ahana: Tisao, lali hena hilune?

Luku 5:29

Libaiu noha'agu sipi nose'na Yesuhi go etago takisi nelina bo to bona'i luga'amagi hiti ete etali hiti minete nose'na ne'ahana yabe.

Luku 5:30

To Felosi bona'i to keya kamofihi tisa bona'i luga'a enali ana nagaluguti Yesuhi koko pana'amagi lu epite li'ahana: Lenali henabe lite takisi nelina bona'i hiti to foipa bona'i hiti nose'na nenabe?

Luku 7:29

To asaga boana'i to takisi nelina bo enali asaga'i Yesu lina kaga kehelilete ma lite li'ahana. O'yo, Hu'mamofihi hapa'a bati huto ni'ibe li'ahana. To enali ya hite Hu'mamofihi mege'i malago koyapa'i Yoni yanuga mone nagami'i fele'ahana.

Luku 7:34

To yatai Kokulumaguti limi'ehina Bo ai oloto nose'na noto nagami'i noto nohigo to lenali ma lite neli etabe: Bu galo. Ai nose'na babu lito noba noba bo yabe nelabe. To bai nagami'i ana huto babu lito noba noba bo yabe lite nelabe. To ai takisi nelina bo to foipa bona'magihi enalalu'anifu yabe lite lilata nehabe.