Matiu 5:37 - Ka Lamana'a Monoꞌi Lu Mu Tifiꞌehina Ka Yabe

³⁷ Ya hu'ehinagi lenali o'yo lila, to o'e lila hite ana'asiya lilata hilo. To kaga analo lu yatama hite lilata nehana kagamoya foipa bo Satatogati olata nohibe.

Matiu 5:37 Referans Kwoze

Yemesi 5:12

Nalalu'nigita, kaga amuya'a hiti ka mone lilugi kehelilo. Kokulumagu lenayahi tite lu laga mehilo. To metoga to nasana'mu fato fato'i lenayahi tite kaga melete lu laga mehilo. Hu'mamofito ka foya li lalabe. Lenali ya'ma o'yo luto lilupi to o'e luto lilupi litemo yamofihi ka'a lama'naka lite lilo.

Kolose 4:6

To lenali kaga nelanaya ka laga'a hiti fulu'a hiti lite neminenogomo enali ka kehelilabe. To enali mone kaga lenoloka nehenogomo ka'anilo nona'a bati hite aku'i lu epilabe lite kehelilo.

Kolose 3:9

To ai bahane hanogo ai bahane hanogo hite meminalo. Ya'ma tafa hapatini mino'ehinaya lenali ananamo li gololo tite li he'mi'ehite yatai yuhufa bona'i lolo hite neminabe.

Yoni 8:44

Lenali foipa bo Sataha yagapana'mo nehanago ai mege'i malalune'mu nehabe. Yata'a kanagu bona'i enoho fili'ehina yabe. Ai bati suhi mege'i moloto memino'ehina hena'mugope aitoga bati hapa'a meni'igo yabe. Ai faga lusemofihi afo'afu nohinago faga luse'namoya aitoga bai toto ni'ibe. To faga fagauba kaga'a lamana'a lolo hulata nohina bo nohibe.

Efeso 4:25

To ya higo lenali faga faga lilata hapatini he'milo. To lali asaga'i hepito Kilisitohi gufa'a lolo hu'ohutamo ni'inaya ya'mu kaga lamana kago ai lu eminogo ai lu eminogo hite minalo.

2 Tesalonika 3:3

Sipi Bouba ekesa loe lae menohinaya ai mino kaba huse nohinagi lenele'mo amuya hu'ehinogo ya'ma foipa bouba lenele'mo sibina hu lalibe luto lenali'i kaba huto haka molo lepalalibe.

Matiu 13:19

Asaga bona'i enali hetofa kaga kehelilete enali enekesa yigi bati menehana Satau hololu luto enalitoga nehetiloto enalilugu Hu'ma hetofa kaga nohekalana komopa'aniguti li he'milata nohibe. Ya'mamofihiya ai nose'na legeya'a kapogu limo koko nohinamofihi hapa'a yabe.

Matiu 13:38

To foyamoya asaga ma me'i yabe. To bati nose'naya kokuluma kapolo boana'i yabe. To foipa kifi'naya enali Satahi boana'a yabe.

1 Yoni 5:18

Lali ma luto kehelilata nohune. Hu'mamofitogati huto hi'ahanamagi ya'ma foipana lite meminalana'mu yabe. Hu'mamofihi pana'auba yagapana'amagihi li pili koto kaba hu epelelenogo foipa nasanamofihi afo'afu enugufalo mone'a li mekehelilina'mu yabe.

Matiu 6:13

Kai sipi fi taga huse'nagu lele'mo memoloto foipanamofihi afo'afitogati lele'mo lubuto bibo.

1 Yoni 2:13

To lenali olopa bona'magita minomo buto mino'ehina bo ai kumu keheliya ite keheli'ahanamo ni'inaya lenali'i ka'a ya'ma fayahi koyo nolepube. To neheya kola lenali foipanamofihi afo'agita amuya melete luba hite be ligi'ahanamo ni'inagihe. Ya hi'ahana'mu ya'ma fayahi koyo nolepube.

1 Yoni 3:12

Koyapa'i Atahi pana'a Keniu ai'a kapolo mebilune. Ai foipanamofihi pana'a lolo huloto gona'a ho fili'ehinamo ni'ibe. To henabe luto ho fili'ehibe? Hapa'a ya'ma huto ma ni'ibe. Ai'a minoto lito hu'ehina'a laga mehu'ehina yagi to gona'auba mino'ehina ya bati hu'ehina yabe. Ya higo gona'amofihi siko hu etoto ho fili'ehina yabe.

Yoni 17:15

Kaika nani bona'ni enele'moto kokulumalugu tilane luto menolube. Melugu minenogo bo foipa'a Satau luba huto enoho lalibe luto ya'ma kaba hu epalalane luto lu nokumube.

Matiu 15:19

Ana'ina enipaguti tilata nohinana ma huto ni'ibe. Foipa enekesa yigise'na, bona'i enoho filise'na, bo alobo loko huse'na, moko lise'na, gumina huse'na, faga faga luse'na, to bona'i enipakafa hoto enemegeka luse'na yabe.

Matiu 5:36

To kaga mone latahakalo li moloto lu amuya memolobo. Okaka legeya'a mone'isi koholina li lolo hula to nupa'na li lolo hula mehilata'mu yabe.

Efeso 6:16

Yalo'i Hu'mamofihi keheli amuya emi'ahananauba helegutini lolo hinogo asaga yupahi so kite nehinogo Satahi gimiguti mage'mofihi logo'a bu nebe liginogo yanamofihi li sabalina'mu yabe.