Matiu 5:32 - Ka Lamana'a Monoꞌi Lu Mu Tifiꞌehina Ka Yabe

³² Ya hu'ehina nani yatai lu nolepube. Bo mone'mofihi liha'a fato bo hiti koto ho tito mehuse bati huto nominago to ana bouba ya'ma liha'a he'mi etolenogo to yalo ana liha'auba fato bolo buto minalina ai ya'ma bomofihi hapa'auba ligo liha'auba li alobo hu'ehina keya ka gofa nohabe. To bo moneuba ana a'i lilotomo ai bo alobomagi keya ka li gofa holago foipana'a nominabe.

Matiu 5:32 Referans Kwoze

Romu 7:3

To ana a'mouba baha'a mefilise nohigo fato bologa buto minalina ai moko hilibe. To baha'a filinogomo fato bologa kata helenogo keya kamofihi ligofa mehilinagi to mokolo a'i meminalibe.

Luku 16:18

Bo moneuba liha'a nohe'mi etoto fato a'i liha'a lilina ai bo alobo sibi sibina higo foipana'a nominabe. To bo moneuba liha'a le'mo he'mi'ehilina fato bouba liha'ni yabe luto lilina ai ana bouba sipi foipana'a li huto hulata nohibe, luto Yesu lu epi'ehina yabe.

1 Koliti 7:4

A'i, kai kugufakamofihi kaga'a kaitogati meni'ibe. Bahakamofihi nasana ni'ibe. To bomaka kai kugufakamofihi ka'a ya'ma kai'na meni'ibe. Lihakamofihi nasana ni'ibe.

Matiu 5:28

Ya hu'ehina nani yatai ma luto lu nolepube. Bo moneuba a'i mone bu goloto bulu'i hoto ipa'a emito minalina, ai komopa'agu ya huto kehelilinauba, ai alobo huto minosemofihi keya ka'a li gofa hoto komopa'agu foipana nohibe.

Luku 9:35

Yalo'i sopopoguti nogo'a moloto ma lu'ehibe: Ya'ma bo nani'ni pana'ni nohibe. Nigi moneko pana'ni le'mo ho ti'ohuna pana'ni ka'a kehelilo.

Luku 9:30

Mele'isi analo bo loemale'i Yesu hiti kaga beto hi'ahana. Ana bole etali Moseugo Elaiyaugo neha'ibe.