Matiu 4:7 - Ka Lamana'a Monoꞌi Lu Mu Tifiꞌehina Ka Yabe

⁷ Ya noligo Yesu ka'alo ma luto nona'a lu emi'ehina: Monolugu mone'a hiti ma luto ni'ibe: Kai Sipi Bomofihi fi taga mehu etobo, ai Hu'makafu nohibe.

Matiu 4:7 Referans Kwoze

1 Koliti 10:9

To mone yupahi hiti enalitogati luga'amagi Sipi Bo kumu komopa'a bati hina bo nohibe lite fi taga hi etago, Hu'mau enoho lifi'ehina osifa'magi heni epalago fili su he'ahana. Lali hiti ya huto Sipi Bomofihi fi taga mehu etalune'mu nohune.

Hibulu 3:9

Tatatinigi enali analo kufu kana'a 40 nobigo ana'ina lolo huto moloto hu'ohunamofihi be gelata hi'ahanamo ni'inaya kegeiyo hi netete nimi'i nama'i mele nete'ahanamo ni'ibe.

Aposolo 5:9

Ya ligo Pitau lu emi'ehina: Kai hiti bahaka hiti letali henabe lite lu kehelilete Sipi Bomofihi Sikalafu'a mi'i mele'aha'ibe? Bahaka akeli he ete'ahana bona'i yatai ma'asi kasito foiya nehanago enali kai'i ana hite kofite bilana'mu yabe.

Matiu 4:4

Yesu ka'alo nona'a ma luto lu emi'ehina: Monolugu ma luto ni'ibe: Bona'mofihi komopa'a nose'nauba li buto mebilina ai asaga kaga Hu'mau molo'ehinaubagoko le'mo buto bito hetofa kapolo malalina'mu yabe.

Matiu 4:10

Ya ligo Yesu Satahi ho lifito ma lu'ehina: Satao, abufa hubo. Mono kauba: Hu'mamofihi Sipi Bo aisigo gi'a li saga huto fokehi hoto agoya hu emibo, luto lulata nohibe.

Matiu 21:42

Ya lite lago Yesu ma luto lu epi'ehina: Mono bukugu kaga mone ma luto nina lenali mekeheli'ahafihe? Lili'nalo bomagi ya'ma efahi bati mehina efahi yabe lite li he'mi'ahana. Yatai ya'mana efahuba nohi nekisa'a li tokolo hu'ehibe. Sipi Bouba ai ya'mana suhi li huto higo lali bu gota laga gofa hibe.

Matiu 21:16

Ya higo enali bu gelete Yesuhi ma lite lu emi'ahana: Ma nelana kagaba keheli'ahapihe? Ya lago Yesu lu epi'ehina: Nani keheli'ohube. Mono ka mone ma luto nina lenali leka mese'ahana ni'ifihe? Kai lagaso yagapana'i hiti to yagapana ikiliha'a hiti enali Hu'mamofitoga enegelo bi emilabe.

Luku 4:12

Yesu ka'alo ma luto lu emi'ehina: Kaga ma huto ni'ibe. Kai Sipi Boka Hu'mamofihi fi taga mehu etobo. Ai Sipi Bokafu nohibe.

Aposolo 15:10

Ya hu'ehinaya lenali yatai hena hibe lite Hu'mamofihi fi taga hi etalune'mu nehabe? Lenali Hu'mamofihi mege'i malalune'mu nehana bona'i ketana enemegesagu ligo mefi epalalo. Koyapa'i tatatigi hiti to laliti hiti ana ketana kofito mebiluta'a hu'ohuta yabe.