Matiu 4:24 - Ka Lamana'a Monoꞌi Lu Mu Tifiꞌehina Ka Yabe

²⁴ Ai kaga'a Silia kegi'a bu baga ilago kehelilete enali bona'i anaga enebesinafi to foipa li'ahana bona'ifi to fato fato'na epesi'ehina bona'i enele'mete Yesu nohinalo e'ahana. Ya hago Yesu asaga bona'i enele'mo bati nohuto enele'mo ye ko su ho'ehina yabe.

Matiu 4:24 Referans Kwoze

Matiu 17:15

Sipi Bo, kai pana'nimofihi kiginaga fi emibo. Ai negi nagi noto nominago gufa'a nohetibe. To ai babu yupahi afoya tibibi nohuto nagamilugu ho koto kola to logogu ho koto kola nohibe.

Matiu 8:6

Sipi bomaka nehe'mobo. Koko pana'ni moneuba hepa'nimogu sipi besito nebelusaga minoba minoba nohigo gabu sipi'a nogibe, luto ligo,

Luku 5:15

To Yesu hinanamofihi ka'a asaga hepatoga bu baga ilago babu bona'i kaga'a kehelilune'mu e'ahana. To enebesise'na'ani hiti li he'mi epalalibe lite aitoga e'ahana yabe.

Luku 2:2

Ya'mana enigi lise kana yata'a Sailiniasi ai gamani bouba Silia melugu bona'magihi kaba bo'ani mino'ehina.

Matiu 17:18

Yesu ana foipa felemofihi pana'i he'mi etoto bufa hubo ligo ana foipa fele nohigo ana'asilo ana pana'i bati hu'ehina yabe.

Matiu 15:22

Kena a'i mone ana kegi'a nominana a'uba Yesutoga o'ehina. Tebitihi pana'abe. Ai ya luto kehe i'ehina. Kai kiginaga fi nimibo. Foipa feleuba pa'nimofihi le'mo sibina nohinagi nehe'mobo.

Matiu 12:22

Bona'i luga'amagi bo mone bu'a pisi ligo kaga meluse nominana bo le'mete Yesutoga e'ahana yabe. Hena'mugope foipa fele aitoga ni'igo yabe. Yesu ana bo le'mo bati higo bu'a i gili hula to kaga lula hu'ehina yabe.

Aposolo 10:38

Yesuhi Nasalete bomofitoga Hu'mamofihi Sikalafu'auba amuya emi'ehinamofihi lenali nekehelibe. Ai asaga kapoga bula ola huto hetofa suhi huto Satau naga'i epi'ehina bona'i enele'mo gulu ho'ehina. Hena'mugope Hu'mau ai hiti moneka nohigo yabe.

Aposolo 15:23

Enali fayahi mone ma lite gete etali etayanugu mele'ahana: Lali aposolo bona'i hiti to olopa bona'i hiti lenalalutinigita fegutoga bona'i Atioki hepato hiti Silia hepato hiti to Silisia hepato hiti neminanamagita lenalitoga bati hite nehafihe luto fayahi nogo lepolone.

Maki 2:3

Ya huto ni'igo, loegi loegi bomagi keni bo mone aitoga le'mete alune'mu nehite ago, to kasito bona'i mino kikipa he'ahago aitoga lebato'isi mebise nehite tite nohupitalo li hokolo hi'ahabe. Ai nohinalo li hokolo hite'ani to ana hokolo kapoguti keni bomofihi nebelusalo nokago le'mo he'mi etago limoto ko'ehibe.

Maki 1:32

To utehi yege nolimigo, asaga noepesina bona'i hiti to foipa fele komopa'anigu neminana bona'i hiti aitoga enele'mete e'ahabe.

Matiu 4:23

Yesu Galili kegi'a minomofa'na huto mono noha'anigu tiloto boana'i mono ka lu epila to Hu'mamofihi Kapo'a kumu kaga lu epila nohuto to boana'i enebesi'ehinana li he'mi epolola to enigi enayahi sibina hula ya hula hu'ehina bona'i enele'mo bati hu'ehina yabe.

Aposolo 15:41

Polu Silia kegi'a hiti Silisia kegi'a hiti buloto Hu'mamofitoga komopa'ani emi'ahana boana'i kaga lu epito enele'mo amuya molomo bu'ehina.

Luku 4:14

Yesu Galili hepatoga i gelehe huto nobigo Hetofa Sikalafu'mofihi amuyana'auba ai hiti bu'ehina yabe. To ai hu'ehinanamofihi kaga'a asaga hepatoga bu baga i'ehina.

Maki 1:28

To yalo mele'isi Yesu kumu ka leli'ali hite bite asaga hepatoga Galili kapogu ni'ina hepatoga bite kaga beto hite lu epi'ehina yabe.

Matiu 14:1

Yata'a sipi kibina bo Helotiu ya'mana kanalo Yesuhi kaga'a keheli'ehina yabe.

Yoni 10:21

To mone'amagi ma li'ahana: O'e. Bo mone'mofihi komopa'agu foipa fele nohinogomo ya'ma hetofa kaga menolibe. Foipa feleuba bu pisi lu'ehina bomofihi bu'a li bati hu etalifihe? O'e, ya'ma mehu etalibe.

Matiu 9:35

To Yesu asaga hepatoga bego humofa'na hu'ehina. Ya huloto asaga boana'i mono noha'anigu lu enelepito Hu'mamofihi ka lamana'a lu noepito to enebesina boana'i enele'mo ye nokoto to enugufagu ketana nina li he'mi epolomofa'na hu'ehina yabe.

Matiu 9:26

Ya higo anana huto hinanamofihi kaga'a ana hepalugu bula ola higo asaga bona'magi keheli baga i'ahana yabe.

Matiu 8:28

Yesu kapo moloto'a hefupo muya beletoga heleko moloto Gatala bona'magihi kapo'anigu nehetigo bo loemale'i aitoga kene mala mala muliluguti e'aha'ibe. Ana bomale'i komopa'atitigu foipa felemagi ti'ahanagi luba hise nehite hagulu neta'ina bomale'i yabe. Yana hepa'mo mine'aha'igo fato bona'i koli nehite tilina mehi'ahana yabe.

Matiu 8:33

Ya hago yaga afo'agi analoti he'mite hololu lite bite tauniga nehetite asaga huto hinanamo hiti bomale'i foipa fele komopa'atitigu nemina kagamo hiti lu epi'ahana.

Maki 2:9

Lenali henabe lite ya'ma lenegekesa neyigibe? Keta mehuse supo hiya'a ni'ibe? Nani keni bomofihi foipanaka li nohe'mi ketobe, luto lu emi'ohuna ya'ma keta hu'ehina suhi hu'ohufiye? O'e. To ho tito nebelusaka kofito bubo luto lu emutita ya'ma keta hinaga lutita'mu ni'ifiye?

Luku 4:38

Yesu ya'mana sipi mono nohi he'miloto Simonihi nonuga ti'ehina. Simonihi liha'amofihi ito'afihi gufa'a mukoho akoho gofana lito nohigo lalu'afu Yesu he'malibe lite kehe i'ahana.

Luku 5:24

To nani amuya'ni lenelepilube'mu lu hokolo huto lu lepilube. Kokulumaguti limi'ehina Bouba foipana li he'milinamofihi ma melugu amuya'a li'ehibe. To gi yahi sibina hu'ehina bo lu emito lu'ehina: Nani lu nokumube, ho tito sipaka lito hepakaga bubo.

Aposolo 8:7

Babu bona'magiluguti foipa felemagi sipi kehe ilete leheko limi'ahana yabe. To bona'i enugufa'ani ketipa'i fili'ehinafi to enigigusa sibina hu'ehinafi ya'ma bona'i Filipiu enele'mo bati hu'ehina.

Luku 7:17

Ya nelite Yesu hinanamofihi ka'a leli'ali Yutia hepaluga nehago tili tele huto kapo beletoga bula ola hu'ehina yabe.

Aposolo 28:9

Ai ya huto ye kolago babu bona'i ana ti'ehina metoga enebesigo mine'ahananamagi Polutoga ago ai ana huto enele'mo ye ko su ho'ehina yabe.