Matiu 4:22 - Ka Lamana'a Monoꞌi Lu Mu Tifiꞌehina Ka Yabe

²² Ya higo hololu lite afo'atitifi hiti to boti hiti nehe'mite Yesuhi mege'i mele'aha'ina yabe.

Matiu 4:22 Referans Kwoze

Matiu 10:37

Bo moneuba ito'afinogo afo'afinogo etele'mo bati nohuto nani'i nele'mo bati mehilina bo ai nani'i nalalu'nifu legi huto meminalina'mu yabe. To bo moneuba liha'a yagapana'a enele'mo bati huloto nani'i nele'mo bati mehilina bo ai nani'i nalalu'nifu legi huto meminalina'mu yabe.

Luku 14:26

Bo moneuba nanitoga o'ehilinaya ai ito'agi afo'agi etali'agi to gonamu tamu'a to ai'a meha'amofi gufa'amofi ya'ma enalito megesa hu meepi'ehilina ai ana bouba nani koko pana'ni lolo mehilina'mu. To ana huto ai'a gufa'a laga besilina bona'i nani koko pana'ni lolo mehilina'mu.

Maki 1:20

Enali ana naga'i botigu nehite faya gutalafa'ani mu netifigo Yesu bu enogoto ana'asi ana loe panate kehe igo etali afo'atitifu Sepeti to lili'nalo bona'magihi hiti botigu he'mi epelete mege'i bifa hi'aha'ibe.

2 Koliti 5:16

Yamofihi lali melugu bona'magi kehelise'na mege'i mololoto hapa hapa'ani lu su meho epalalune'mu hune. To lali koyapa'i ya huto Kilisitohi ana huto gufa'amofihi hapa'a bu go'ohuta, ana babeyafalo yata'isi ya'ma aku'i mone bu megone.

Luku 14:33

Yesu ana kaga'a lu baga i'ehina: Ana suhi huto mone bomaka asaga yogo fe'nohaka kemegesa hu emiloto ya suhi meminalata nani koko pana'ni lolo mehilata'mu yabe lu'ehina yabe.

Matiu 4:21

Bu foto'alo mololoto ana huto kogunale Yemesi to Yoni, etali Sepetihi pana'a neha'igo bu etogo'ehina. Etali boti'atitigu afo'atitifi hiti faya gutalafa li loloba hite neha'igo Yesu kehe i etimi'ehina.

Matiu 4:23

Yesu Galili kegi'a minomofa'na huto mono noha'anigu tiloto boana'i mono ka lu epila to Hu'mamofihi Kapo'a kumu kaga lu epila nohuto to boana'i enebesi'ehinana li he'mi epolola to enigi enayahi sibina hula ya hula hu'ehina bona'i enele'mo bati hu'ehina yabe.

Luku 5:11

Ya luto kaga lulago enali boti nagami beletoga ite bite melelete asaga'na analo nehe'mite Yesuhi mege'i lifite bi'ahana yabe.