Matiu 3:9 - Ka Lamana'a Monoꞌi Lu Mu Tifiꞌehina Ka Yabe

⁹ Lenali lenipatinigu ma lite mekehelilo: Abalahau ai afotifu yabe, lali mino fu luse bona'i Hu'mau lifisa meilibe. Nani lu nolepube, Hu'mau ai ka'ma nina efahi liloto Abalahahi pana'a lolo hilina bati nohibe.

Matiu 3:9 Referans Kwoze

Luku 3:8

To lenali foipanatiniguti i gelehe hilanana'muko kehelite minalo. Ya hilenogo nelepilata bu galube. Lenalitiniguti ka mone lu ho tite Abalaha tatatifu yabe lite melilo. Lenali lenegekesa kehelite Abalahau kaba hu letalibe lite ya melilo. To nani lu nolepube. Hu'mau ma efahi lito Abalahahi tata'afi lolo hilibe.

Yoni 8:33

Ya ligo enali li'ahana: Lali Abalahahi tata'agitamo nohune. Koyapa'i mone'a bona'magi koko pana'ani lali memino'ohuta yabe. Lenali lenubuto bilabe luto nolataba ya hena'mu nolane?

Romu 4:1

To lali tatatifu Abalaha ai kumu hena ka lilune? Ai Hu'mamofitoga hena hu'ehina?

Aposolo 13:26

Abalahahi tata'agita to ma fegutoga bona'i hiti Hu'mamofihi agoya hu emilata nehanamagita nalalu'nigitase. Hu'mamofihi kaga'auba lali'i lele'mo lubuto bilibe lu'ehinana alimi'ehibe.

Luku 16:24

To, bu nogoto kehe ito ma lu'ehibe: Oho. Abalahao, afo'nigase. Keke'i nolu netobo. Kai Lasalasi ho lifigo ai yaha'a nagamilugu mololoto kenetufa'niloga mololenogo ketipa ilina'mu yabe. Nani mana logo guluya me'mogu nagabu'ni sipi nogigo nohunagihe.

Yoni 8:53

Lali afo'tifu Abalahau fili'ehibe. To kai be ligilube'mu nolapihe? To kaga lu huto hulata bo ana hite fili'ahanamo ninaya kai hena huse bo lolo hilube'mu nolane?

Luku 5:22

Yesu kaga nelana akeheliloto lu epi'ehina: Henabe lite lenali lenekesagu kaga fato fato'i lenipaguti notibe?

Maki 7:21

Bomofihi komopa'aguti ekesa noyiginana asaga'i notina yabe. Moko lise'na, bauna ise'na, bona'i ho filise'na, a'i gumina folose'na, to komopaka hosopa ito ana'ina'mu nani'ni babu luto lilube lulata ya'ma, to foipana fato fato'i huse'na ya'ma yabe. To, bahane hose'na, kolota kolota hapa'a huse'na, siko huse'na, megeka luse'na, kugufaka limo titi huse'na, to keheli sibina huse'na,

Aposolo 15:14

Hu'mau yata'a yupahi fegutoga limito enali folagaha'aniguti ai'a bona luga'a enele'mo'ehinamofihi kaga'a Simoniu alu lepi'ehibe.

Luku 19:40

Yesu Felosi bona'magi ka'anilo lu'ehina: Nani lu nolepube. Nani he'milo luto lu epiluna nani kumu efahi ka'ma ninamagi kaga lilete yege fite enegelo bilana'mu yabe.

Luku 7:39

To ai Felosi bouba Yesuhi nose'na nalu'ibe luto kehe i'ehina bouba ana a'uba hinana bu goloto ma huto ekesa yigi'ehina yabe. Ya'ma bo ai mana ka luto mono bomo nohutomo ya'ma a'uba gufa'alo meko nohina hena huse a'i nohifi luto bu galibe lu'ehina yabe. To hena huse foipana lito nominafi luto ai lilibe.

Luku 12:17

To ya higo ana sipi bouba komopa'agu ma luto ekesa yigi'ehibe: Hena'ni hilube? Noha'ni nose'na li nupa huto molose noha'nimo kikipa habe. Hena'ni hilube?

Yoni 8:37

Lenali Abalahahi tata'agita nehanaya nani akeheli'ohube. Ya hi'ahanamo ninaya nani lenelepi'ohuna ka'ni lenalilugu memino'ehina'mu lite nani noho fililune'mu nehabe.