Matiu 28:7 - Ka Lamana'a Monoꞌi Lu Mu Tifiꞌehina Ka Yabe

⁷ To letali yatai koko pana'a nehanalo me'me hite bite fili'ehinagati ho ti'ehibe lite lu epiliyo. Ai Galili kapogu tubuto enali hiti analo fo tumala hilune luto lu'ehinagihe lite lu epiliyo. To nani alu noletumube agelouba ya luto lu'ehina kaga.

Matiu 28:7 Referans Kwoze

Matiu 26:32

Ya hu'ehinaya nani fili'ehilunagati aku'i ho tiloto'ni kohe toga Galili kapogu nobiluna'mu yabe.

Matiu 28:10

To Yesu lu etimi'ehina: Koli mehiliyo. Nogonamu tamu'ni nehanaga bite Galili kapogu nanitoga enogo fo tumala hilune, luto lu epiliyo, Yesu ya luto lu'ehina.

Yoni 16:4

Nani kohe toto kaga ya'ma lu nolepuna ya'ma amuya nemelenogo ya'ma lite lilana'mu: Afotifu koyapa'i lu limi'ehinamo ya'ma huto hibe lite beto hilabe. Hapi huna kanalo lenali hiti minoto lito hiluta kana yatamalo ni'igo mele'isi lu melepi'ohunamo ni'ibe.

1 Koliti 15:4

Filigo keli hete'ahana mono bukugu li mele'ahana kana'a loebe monebe keligu minoto mopo huto ho ti'ehina.

Yoni 14:29

Kohe toto yatai kana'agu lu nolepunamofihi alipo ya'ma kaga huto hulenogo lenali keheli ule'ale hilabe.

Luku 24:34

To enali lu etimi'ahana: Lusiga luto Sipi Boti aho ti'ehibe. Simoniu ai'a abu go'ehibe.

Maki 16:13

Ya higo, etali kehelilete i behe hite bite pana'alobo asaga'i ya'ma lu epi'igo, enali: Faga yabe lite enipagu hu'ehibe.

Maki 16:10

Ana a'i Yesu koyapa foipa fele 7 he'mi eto'ehina a'i yabe. Yesu ana a'mofihi bulo yata'a huto higo, ai buto Yesuhi mege'i melelata hi'ahana bona'magi yibi gofana hite nehanaga buto nehetito lu epi'ehina:

Maki 14:28

To alihi Hu'mau fili'ohunaguti nele'mo ho tilenogo, nani kohe toto buto Galili kapogu buloto aku'i li gehesa hilune.

Matiu 24:25

Lenali kehelilo. Ya'ma ka'mu luto kohe toto yata'a kaga alu lepi'ohube.

1 Koliti 15:6

Analoti bona'a naga'i 500 enali li nupa hite nehago analo huto hu enebe ligo be ge su he'ahana. Enalitogati asaga enubu hiti nehanaya mone'a fili'ahana ya'ma kanagu nokoyobe.

Matiu 28:8

Ya noligo ana a'male'i sipi koli hite aku etegepohi nelite muli'moguti he'mite hololu lite bite koko pana'aloga agelomofihi nona'a lu epilube'mu bi'aha'ibe.