Matiu 28:6 - Ka Lamana'a Monoꞌi Lu Mu Tifiꞌehina Ka Yabe

⁶ Ai malo'i menohinagihe. Ai fili'ehinagati aku ho tilube luto lu'ehina'a ya huto ho ti'ehibe. Ete manugu tilete koyapa'i gufa'a ko'ehinalo be galiyo.

Matiu 28:6 Referans Kwoze

Maki 16:6

To ai ma luto lu epi'ehina: Koli mehilo. Lenali Nasalete bo, Yesu, malipu yafalo fili'ehina bomofihi sa nehana keheli'ohube. Ai maga menohibe. Aho ti'ehinagihe. Bu galo. Ya'ma mele'ahana hepa'i bu galo. Menohibe.

Matiu 12:40

Yonau loegi monegi yege hiti sinihi hiti faya'mofihi komopa'agu ko'ehina'a huto Kokulumaguti limi'ehina Bouba yege loegi monegi hiti sinihi loegi monegi ana suhi huto ma me'i komopa'agu kalina'mu yabe.

Matiu 16:21

Yana kana'alo Yesu koko pana'a kaga hapi fito lu hokolo huto lu epi'ehina: Nani Yelusale hepatoga buloto'ni enikibina bo, sipi mono bo to keya ka tisa bo enalitogati nagabu foya li kofilube. Enali noho fililenogo yege loebe monebe minoloto'ni aku'i ho tiluna'mu yabe.

Luku 24:23

To enali ya hite ete lalitoga ma lite li'ahana yabe: Lali agelo bomagihi enemeha'ani bu gonogo ana agelouba ma luto lu limi'ehina: Ai aho tito nohinagihe luto lu'ehina yabe.

Luku 24:44

Ya huloto ai ma luto lu epi'ehina: Koyapa'i nani lenali hiti nohuto'ni alu lepi'ohuna yabe. Asaga kaga nani kumu lite Mosehi bukugufi to lu huto huto bomagi bukugufi to nama li'ahana bukugufi koyapa'i fayahi ge'ahana asaga ya'mana kagauba legeya'a mana'a huto hilibe luto lu lepi'ohuna yabe.

Matiu 27:63

Ya hilete ma li'ahana: Sipi bo yale, ai fagalo bouba mefili'ohuto kaga mone ma luto lu'ehina lu kimilune. Loegi monegi yupahi minoto'ni aku'i ho tiluna'mu yabe luto lu'ehina.

Yoni 2:19

Ya lite lago Yesu ka'anilo nona'a lu'ehina: Lenali ma Hu'mamofihi nopo tele bilenogo nohi loegi monegi yegegu nani aku'i giluna'mu yabe.

Maki 8:31

To yalo, kaga lu noepito ma lu'ehibe: Nani Kokulumaguti limi'ohuna Bomofita alihi kalana'i mele netete to baga'a hiti'na nugupisalo tinogo kofilube. To enali olopa mono bona'magi hiti sipi mono'i kaba bomagi hiti to mono ka negana bona'magi hiti enemegesa hi nimilete nahalabe. To malipu yafalo noho fililenogo'ni loeyagi moneyagi yegegu keligu minoloto'ni yalo fili'ohunaguti gololo tuto ho tito minalube.

Yoni 10:17

Enali kumu fililube luto nohugo Afo'nifu nani kumu bita huto komopa'a niminogo aku'i fili'ohunaguti nele'mo ho tinogo minalube.

Luku 24:12

To aku'i Pitau ho tito hololu luto buto ana Yesuhi he'mi ete'ahana mulito neheti'ehina. Ya huloto ai lipito ana muli kapoluga bu golago tina Yesuhi sa gi ete'ahana kata'ago ni'igo bu go'ehina. Ya huloto ai aku'i i behe huto hepatoga buloto ya'mana huto hu'ehinanamu'i ekesa keheli keheli hu'ehina yabe.

Matiu 20:19

Ya hilete enali Lomu gamanilo nele'mete binogo enali kiya yokolo ka li netete to naga osatu nibi yigilete to malipu yafalo noho fililana'mu yabe. Ya hinogo loegi monegi yegegu aku'i ho tiluna'mu yabe.

Matiu 17:23

Ya hinogo enali ho fililabe. To ai melugu limito yege loegi monegi minoto aku'i ho tilina'mu yabe. Ya luto Yesu lu epigo koko pana'amagi enipagu keta hu'ehina yabe.

Matiu 17:9

Enali ana kosa he'milete kapo melete nelimite amuya kaga luto enekesa biloto Yesu ma luto lu epi'ehina: Ya'manana huto higo lenali bu ge'ahana lenali bona'i luga'a meepilo. Lenali komopatinigu melelete nehinogo Kokulumaguti limi'ehina Bouba keli he'miloto ho tilenogo ana kaga lu huto hilo.

Aposolo 2:24

Ya hi'ahana Hu'mau ya'mana bo aku'i le'mo ho ti'ehibe. Ai gabu gigo fili'ehinana asaga'i li he'mi su ho'ehibe. Hena'mugope kene mala malauba ya'mana bomofihi gufa'alo meligo yabe.