Matiu 28:3 - Ka Lamana'a Monoꞌi Lu Mu Tifiꞌehina Ka Yabe

³ Ya'ma agelo okaba'alo kopisi'na suhi huto besa besa lo'ehigo to gukete ana huto koholina sipi'amo huto hu'ehina.

Matiu 28:3 Referans Kwoze

Aposolo 1:10

Ai ya huto notigo aposolo pana'a enali kokulumalugu be goba be goba lite nehago ana'asilo bo loemo koholi gukete li hekolose bole enali nehanalo ho ti'aha'ina.

Maki 9:3

To kata'a ana huto besa lago lusi koholina lolo hu'ehibe. Melugu bona'magi kata okala henogo ya suhi huto koholina lolo menohibe. Lusi koholina gofa huto lolo hu'ehina yabe.

Maki 16:5

To mulilugu tite bu gete, muli'mofihi kasihi lamaga'aga neheya kola bo mone koholi kata yatamana hepi'ehina bouba meto nohigo bu gete lusi koli hi'ahabe.

Huto Hilina Ka 18:1

To nani agelo mone kokulumaguti limigo bu go'ohuna. Ai amuya'a legege huto mino'ehina to fana meha'auba melugu i besa lago bu go'ohuna.

Yoni 20:12

Ana muligu Yesuhi gufa'a mele'ahana hepato agelo moneuba Yesuhi lataha'a ko'ehinalo minago to agelo moneuba gigusa'a mino'ehinalo anaga minabe.

Huto Hilina Ka 10:1

To amuya'a hiti agelo moneuba kokulumaguti nolimigo bu go'ohuna, Ai ya'ma gufa'aga sopohi giloto mino'ehina. Lataha'alo ya'ma figepa'a besa besa loloto mino'ehina. Okaba'aga yege silikeha'a lolo huto mino'ehina. To gigusa luga luga'a ya'ma lapusa legi huto logo gulu gulu luto loto mino'ehina.

Matiu 17:2

To Yesuhi gufa'a enali enubulo le'mo fato suhi hu eto'ehina yabe. To okaba'a fi besa loloto yege legi huto huto hu'ehina. To gukete'a koholina huloto gulu gulu luto fi besa lo'ehina.

Matiu 28:4

To gimi bomagi ai'i be gelete sipi koli hite afoya foya ilete enubu neta neta bite melugu ke'ahana.