Matiu 28:18 - Ka Lamana'a Monoꞌi Lu Mu Tifiꞌehina Ka Yabe

¹⁸ Yesu koko pana'amagihi ma luto lu epi'ehina: Kokulumalugu hiti melugu hiti asaga'na kaba hilane lutomo Afo'nifu ya'ma nimi'ehina.

Matiu 28:18 Referans Kwoze

Yoni 3:35

Afo'afu Pana'a laga'a gofa besigo kibi'ehina pana'ni yabe luto aitogago meha'a emi su holoto asaga'na ai yaha'a loko molo'ehibe.

1 Pita 3:22

To ai kokulumalugu tito Hu'mamofihi yahi lamaga'aga mino moloto nohibe. Yaga nohigo agelomagi mine'ahana'a hiti to kokulumalugu enigihiti bo mine'ahanaya amuya'a hiti mine'ahanaya Yesu enebe ligito kaba hu epoloto nominabe.

Matiu 11:27

Nani afo'nifu asaga'na nani nayanuguko molo'ehibe. Bo moneuba Hu'mamofihi pana'a nohibe luto mekeheli'ehina. Afo'nifu aisigo keheli'ehibe. To bo moneuba Hu'mamofihi ai nohibe luto mekeheli'ehina, Pana'a aisigo keheli'ohuto ai Pana'auba Afo'afihi enelepito kaga lu epina bona'i enali ana hite Hu'ma nohibe lite kehelilata nehabe lu'ehina.

Hibulu 2:8

To kai bona'i enali silaga'namofihi kaba hi epalana'mu enele'mo hofa to'ahane. Ya'ma Hu'mau bona'mu silaga'namofihi kaba hi epalanamoya, ya luto lu'ehina'mu bona'magi ana'ina enamaha'aluga mele'ahana silaga'na yabe luto lu hokolo huto lu'ehina. Aku yatai kana'a ya'ma silaga nasana enamaha'aluga melete kaba hi'ahana'mu bu megolata nohune.

1 Koliti 15:27

Yamofihi mono bukugu ma lite fayahi keye'ahanamo ni'ibe: Hu'mau bona'i hiti to ana'ina asaga'i ya'ma ai'a gigusa'aluga lele'mo molo su halina'mu yabe. Ana ka ya'ma kehelilete Hu'mamofi kumu hiti lu'ehina kaga ni'ifihe lite mekehelilo. Hu'mau ai'a Kilisitohi gigusa'aluga lele'mo nupa hulata nohibe. Ai ya'ma Kilisitohi gigusaluga meminalina'mu yabe.

Yoni 17:2

Kai noto noto bona'magihi afo'anifita noho lifi'ahata bomofita nanitoga enele'mo molo'ahata kai mino kosaba huse'na epilube luto lu'ahatamo ni'ibe.

Yoni 13:3

Yesu afo'afu asaga kaba huse'na emi'ehina kehelito to Hu'mamofitogati limito o'ehina hiti to i behe huto Hu'mamofitoga aku'i bilina ya'mana akeheli'ehibe.

Hibulu 1:2

To kana'a su halube'mu nohinogo ya'ma kana yatai pana'amofihi baga'a le'mo babahi higo ai ka legeya'a lu huto huto lu limi'ehina. Pana'a ai asaga melugu nasanamofihi afo'afu lolo huto minalibe luto lu eto'ehina bomofihi ai yanuguko mololago yamofihi silaga nasana huto hu'ehina.

Luku 10:22

Nani Afo'nifu asaga'na nani nayanuguko molo'ehibe. Bo moneuba Hu'mamofihi Pana'a nohibe luto mekeheli'ehina. Afo'nifu aisigo keheli'ehibe. To bo moneuba Hu'mamofihi ai nohibe luto mekeheli'ehinagi Pana'a aisigo keheli'ohuto ai Pana'auba Afo'afihi enelepito kaga lu epina bona'i enali ana hite Hu'ma nohibe lite kehelilata nehabe lu'ehina.

Huto Hilina Ka 19:16

I kolo bise gukete'alo to lu'alo melete ya'ma gi'a fayahi ma lite keye'ahana: Kigihiti bo kai asaga enigihiti bona'mofihi afo'anigi to kibina bo kai asaga enikibina bona'mofihi afo'aniga nohane luto koyoto molo'ehina.

Romu 14:9

Ya nohina'mu Kilisitou filito aku fili'ehinagati ho ti'ehinagi yatai fili'ahanamagihi lubu hiti mino lito nohutamofihi ai kaba bo nohinagihe.

Huto Hilina Ka 17:14

Ya nehite Hu'mamofihi sipisipi nala'amofihi luba hi etete minalune'mu habe. Ya nehinogo sipisipi nala'auba to ai'a naga'a hiti enali ya'ma amuya molo lito buto enifitu falube'mu hibe. Ya nohinogo ai ya'ma enigihiti bomagihi enogo'anifu to kibina bomagihi enogo'anifu nohinagihe. Ai kehe i'ehina bo hiti to elesa molo epi'ehina bo hiti to aitoga i ke'mete mine'ahana bo hiti enali ya'ma akafu yagakafamofihi naga'amofihi hiti luba hi etete enebe ligilune'mu habe.

Huto Hilina Ka 11:15

Ya hulago agelo napa 7 ai pikuli fu noligo kokulumagu ya'ma enonogo sipi melete ma lite li'ahana: Yatai ya'ma noto noto bona'magihi kaba hulatanamofihi amuya'amoya Sipi Botimofihi to le'mo ho ti'ehina'amofihi ai yanagu nohigo kaba hu epoloto mino'ehina. Yatai enigihiti bo lolo hilibe luto linogo mino lito buto minalube'mu hibe.

Matiu 26:64

Yesu ka'alo nona'a lu'ehina: Kai a'nolane. Ya hu'ehina lenali asaga'i kaga mone lu lepilube. Yatai hiti to aliha'a yupa hiti Kokulumaguti limi'ehina Bouba ifo muya Sipi Boti Hu'mamofihi yahi lamaga'aga minoloto kokulumamofihi sopoha'alo aku alina'mu yabe.

Aposolo 2:36

Ya hu'ehinagi asaga Isilaeli naga'magita ya'mananalo keheli bebe salune. Ya'mana Yesuhi lenali malipu yafalo hago fili'ehina, ai'i Hu'mau Sipi Bo le'mo lolo higo nohina ai Yesu Kilisitou nohibe luto, Pitau ya luto lu epi'ehina yabe.

Aposolo 10:36

Isilaeli bona'i koguna ite fulunaguti minalabe luto asaga bona'magihi Sipi Bo'ani Yesu Kilisitotoga ka lamana'a malago limi'ehina kaga, lenali kehelilata nehabe.

Matiu 16:28

Nani ma'naka lu nolepube. Bo luga'a ma ho tilete nehanaguti mefilise nehite bu ge'ehinogo Kokulumaguti limi'ehina Bouba kibina bo lolo huto minoloto aku alina'mu yabe.

Yoni 3:31

Ai ifogati o'ehina bo asaga'nalo ai kaba'a nohibe. To ma meto huto hu'ehina bo ai mana melugu bomo nohinogo melugu ninanamofihi kagago lulata nohibe. To ai kokulumatogati o'ehina bouba asaga'na be ligito tito nohibe.