Matiu 28:10 - Ka Lamana'a Monoꞌi Lu Mu Tifiꞌehina Ka Yabe

¹⁰ To Yesu lu etimi'ehina: Koli mehiliyo. Nogonamu tamu'ni nehanaga bite Galili kapogu nanitoga enogo fo tumala hilune, luto lu epiliyo, Yesu ya luto lu'ehina.

Matiu 28:10 Referans Kwoze

Romu 8:29

Hu'mau fuku lu'ehina bona'i enali'i pana'a Yesu yabe moneko babeyafa hite gona'a lolo huto minalabe luto Yesu yege'a pana'i minoto naga'a enele'mo molo'ehina yabe.

Yoni 20:17

Ya ligo Yesu lu emi'ehina: Kai nunu mekibo. Nani yata'a aku afo'nifitoga metise nohugo nogona'ni nehanalo buto ka lu epi netobo: Nani kokulumalugu Hu'mamofitoga tito afo'nifu afotinifu aitoga tilube'mu nohube.

Matiu 28:7

To letali yatai koko pana'a nehanalo me'me hite bite fili'ehinagati ho ti'ehibe lite lu epiliyo. Ai Galili kapogu tubuto enali hiti analo fo tumala hilune luto lu'ehinagihe lite lu epiliyo. To nani alu noletumube agelouba ya luto lu'ehina kaga.

Maki 16:7

To lenali abilo. Bite Pitagi to pana'alobomagihi asaga'i ma lite lu epilo: Yesu koyapa lu lepi'ehinana yamofihi ahu'ehibe. Ai kohe toto Galili kapogu a'nobinagihe. Lenali ya lite lu epilo.

Matiu 28:5

To agelouba a'male'i lu etimi'ehina: Letali koli mehiliyo. Yesu malipu yafalo ho fili'ahana bo kumu sa sa neha'inamo'mu akeheli'ohube.

Matiu 14:27

Ya hago hololu luto Yesu enali kehe i'ehina: Lenali amuya malalo. Nani'ni nohube. Nani'ni nohube. Lenali koli mehilo.

Yoni 6:20

Ya nehago Yesu lu epi'ehina: Nanimo noonagi lenali koli mehilo.

Matiu 25:45

Ya lite loka henogo gihiti bouba ma luto lu epilube: Nani ma'naka luto lu nolepube. Musufalo bo nalalu'nigihi ma melugu enele'mo bati mehi'ahanaya nani'i nele'mo bati hite menehe'me'ahabe.

Matiu 25:40

Ya lite noloka henogo nani sipi gihiti bomofita ma luto lu epilube: Nani ma'naka luto lu nolepube. Musufalo bo mone nalalu'nifihi ma melugu ya'mana suhi hi ete'ehilana ya'ma nani'i nele'mo bati hi'ahabe.

Matiu 26:32

Ya hu'ehinaya nani fili'ehilunagati aku'i ho tiloto'ni kohe toga Galili kapogu nobiluna'mu yabe.

Matiu 28:9

To etali hololu lite neba'igo ana'asi enubulo Yesu kapogu huto hu'ehibe. Neha'ifiye? luto lu etimi'ehina. Ya ligo etali ete gigusa'alo nu kilete meto kelete aitoga agoya hu emite mine'aha'ibe.

Matiu 28:16

To Yesuhi koko pana'a nayahi luga luga su hago nigigusagati mone heleko malago Galili kapologa bilete koyapa'i Yesu mone kosagu enelepi'ehinaga fo tumala hilune lutomo ti'ahana.