Matiu 27:6 - Ka Lamana'a Monoꞌi Lu Mu Tifiꞌehina Ka Yabe

⁶ Ya higo sipi mono bona'magi ana efahi lilete li'ahana: Ya'ma golaha efahi ni'ibe, mono nonugu efanugu li sibi huto malalutaya lali keya kagati o'e lu'ohutomofihi li gofa haluta'mu yabe.

Matiu 27:6 Referans Kwoze

Yoni 18:28

To etehi folugu'i enali Kaiyafasihi noha'aguti he'mite Yesuhi sipi gamani bomofihi noha'alo le'mete bi'ahana. Yuta bona'magi ana noha'agu meti'ahana. Hena'mube? Enali Pasa nose'na nalana kana leba tago Yuta bona'magi fegutoga bona'i li gehesa mehilune lite lugufati kolota kolota hu leto lalibe lite ana nonuga meti'ahana.

Matiu 23:24

Lenali lenubu pisi lina bo bona'i kapo enelepilune'mu nehafihe? Lenali guya nose'nagu ume'ume'i noagomo hesi nehe'mite to kameli yaga noagomo lenali fa'mene asaga'i mikili helata nehabe.

Matiu 27:5

Ya lite lago Yutasiu ana efahi mono nohi hasagu he'mi lago notito fegutoga buto nagato ai'a naga ho'ehina.

Matiu 27:7

Enali ana efa kumu kaga lite lite melelete moneko kalo li mele'ahana: Enali ana efatu'i me somo lolo hulata nohina bomofihi foya mina filete bonoho bona'i ete filise bona'magihi kene mala malaluta hepa'i li lolo hilune li'ahana yabe.

Maki 7:11

Ya huto ni'inaya to lenali aku'i ma lite nelabe: Bo mone'mofihi afo'afitoga ito'afitoga lu etimibe: Ke, mana efaha'ni Hu'mamofihi efaha'a yabe, luto molo'ohube. Ya melutita letumutita'mu yabe. Ana ka luto lulata bomomu'i lenali bati bo nohibe lite nekehelibe.