Matiu 26:67 - Ka Lamana'a Monoꞌi Lu Mu Tifiꞌehina Ka Yabe

⁶⁷ Ya lilete enali Yesuhi okabagu libi'na nehete osahi emi'ahana. To luga'amagi enayaha osatu bu i polo hi'ahana.

Matiu 26:67 Referans Kwoze

Yoni 18:22

Yesu ya luto lu emigo gimi bo moneuba yatu baga hapa'alo ito lu emi'ehina: Ma bo sipi mono noto kaba bo'mu nohigo henabe luto ya'ma kaga lu noemine? Kelesaka menolifihe?

Matiu 27:30

Ya lite lilete okabaluga libi'na nehete akepa osahi yahi lamaga'aga li binatu lite lataha'alo i'ahana.

Maki 14:65

Ya ligo enali asaga'i: Ho fililune lite moneko ka li'ahana. Yalo bona'i mone'amagi Yesuhi libi'na hete'ani to bu'a ifi tete enaya osatu hoto ma li'ahana: Oho, kiyi'afu koho'ehibe. Lu hokolo hubo. To ya nelago gimi bomagi ana hite enaya osatu he'ahabe.

Matiu 5:39

Ya hu'ehina nani aku'i yatai lu nolepube. Lenali bo moneuba osahi lenehenogomo lenali ana bo nona'a mehalo. Lenabaga hapa'alo lamagatiniga inogomo mone kegi'a i gelehe hu emitogo ino.

Hibulu 12:2

Ya nohutoti keheli ule'ale huse'nati'mu lele'mo kohe tolatana to yanamofihi legeya'a li huto hulata bo, Yesu ya'ma babeyafa'amofihi suhi huto minoto aigo'isi bu go bati huloto hololu luto buto minalune. Ai gelo bise'na ya'ma o nehetibe luto lu'ohunamo yamofihi keheliloto li pigi bise'na fela'amofihi gupisalo ti'ehina'mu keheligo fa'menena lolo higo malipu yafalo sipi keke'i lu'ehina. Ya huloto Hu'mau nohina sekele mamu'a hiti kefa hisalo yahi lamaga'aga tito mino'ehina yabe.

Yoni 19:3

Ya hilete Yesuhi gigusa'alo lahupa nohi fite li emi'ahana: Oho, Yuta bona'magihi kigihiti bona'anise, lite yokolo'na ka lu emite bite enayatu he'ahana.

Maki 15:19

To lataha'a osatu heba heba hite, to libi'na hete aitoga lipite nehite me'na me'na bi'ahabe.

1 Koliti 4:13

Yatai huto nohina kana'alo lele'mo sibina nehanaya fa'mene enele'mo fulu hulata nohune. Lali fa'menena lolo huto bona'i asagatoga sosopana legi huto minolata nohune. Ya'ma lali minomo buto yatai hiti ya huto nohune.

Maki 10:34

To enali kiya hi etete to gufa'alo libi'na hetete osahi emite yalo ho fililabe. Filifa huloto loeyagi moneyagi yege yupahi keligu minoloto, yalo aku'i ho tilina'mu yabe, luto Yesu ai'a kumu ya luto lu epi'ehina yabe.

Matiu 26:68

Ya nehago luga'amagi loka he'ahana: Kuyu'afu nokahabe? Kai Mesiaga nohutomo lu huto hubo.