Matiu 26:64 - Ka Lamana'a Monoꞌi Lu Mu Tifiꞌehina Ka Yabe

⁶⁴ Yesu ka'alo nona'a lu'ehina: Kai a'nolane. Ya hu'ehina lenali asaga'i kaga mone lu lepilube. Yatai hiti to aliha'a yupa hiti Kokulumaguti limi'ehina Bouba ifo muya Sipi Boti Hu'mamofihi yahi lamaga'aga minoloto kokulumamofihi sopoha'alo aku alina'mu yabe.

Matiu 26:64 Referans Kwoze

Maki 14:62

Ya ligo, Yesu ma luto lu'ehina: Nani ana bo nohube. To alihi yupahi nani Kokulumaguti limi'ohuna Bomofita Hu'mamofihi lamaga'alo minenogo'ni bu galane. To aku kokulumaguti sopohi hiti noliminogo'ni bu galane.

Hibulu 1:3

Hu'mamofihi fana meha'amofihi sekele mamu'a hiti fuluna'a aitoga fi besa lo'ehinamo ni'ibe. To Hu'mau minoto lito hu'ehinamofihi legege hu'ehinamofihi aitoga ni'ina yanamofihi amuya'alo molo kehelito lulata nohina kaga'a yauba melugu kokulumagu ana'ina silaga'i le'mo hetofa hulata nohibe. Ai'a ya'ma foipanati nokala hu letolata nohina foya'a li su hoto ifoga gihiti bo amuya'a hiti enebe ligi'ehina bo Hu'ma ai nohinalo lamaga'aga buto mino moloto mino'ehina yabe.

Huto Hilina Ka 1:7

Bu galo. Sopohi gupisalo alina'mu yabe. To bona'i asaga'magi enubutu bu galana'mu yabe. To Yesuhi magolohi fi'ahana bona'i hiti enali bu galana'mu to noto noto bona'i asaga'i enali ai'i bu gelete ai ka'a keheli meemi'ahana'mu yabe lite sipi yibi hafili hilana'mu yabe. Ya'ma ka'a ya huto huto hino. Lama'na ka.

Hibulu 12:2

Ya nohutoti keheli ule'ale huse'nati'mu lele'mo kohe tolatana to yanamofihi legeya'a li huto hulata bo, Yesu ya'ma babeyafa'amofihi suhi huto minoto aigo'isi bu go bati huloto hololu luto buto minalune. Ai gelo bise'na ya'ma o nehetibe luto lu'ohunamo yamofihi keheliloto li pigi bise'na fela'amofihi gupisalo ti'ehina'mu keheligo fa'menena lolo higo malipu yafalo sipi keke'i lu'ehina. Ya huloto Hu'mau nohina sekele mamu'a hiti kefa hisalo yahi lamaga'aga tito mino'ehina yabe.

Luku 21:27

Ya hulenogo analo Kokulumaguti limi'ehina Bo aku huto hilina'mu yabe. Soponugu lusi sipi amuya'a hiti fana mehena'aguti a'alina'mu yabe.

Matiu 24:30

Ya'mana yupahi Kokulumaguti limi'ehina Bomofihi gufa fayaha'a kokulumato huto nohinogo asaga boana'i ma melugu nehanamagi yibi hu baga ilabe. To Kokulumaguti limi'ehina Bo sopohi ifo'alo minoto noenogo bu galabe. To ai sipi amuya'a hiti to sipi fana meha'atu fi besa loto alina'mu yabe.

Matiu 26:25

Yutasiu Yesuhi fateha'amagihi enelepise bouba ma luto lu'ehina: Tisao, nani kumu nolapihe? Ya luto loka hago Yesu lu'ehina: O'yo, kai alu huto nohane.

Matiu 25:31

Nani Kokulumaguti limi'ohuna Bo nohuto gihiti bo suhi huto oto agelomagi hiti aku aluta yupahi sipi kefa hisalo nani minaluna'mu yabe.

Matiu 16:27

Kokulumaguti limi'ehina Bouba Afo'afihi fana mehena'a hiti aku'i noenogo to agelo'a hiti alana'mu yabe. Ya hilina yupahi asaga boana'magi fato fato suhi hi'ahana hapa hapa'animofihi nona'a li yege ho epalalina'mu yabe.

Huto Hilina Ka 20:11

To nani sekele mamu'a hiti kefa hisa sipilo koholi nasana mone bu go'ohube. Gupisa'alo mino'ehina ai gobisa bu go'ohuna ya'ma kokuluma hiti me'i hiti gobisaloti koli hilete aku'i huto mehite'atiti minigi'aha'ina.

1 Tesalonika 4:16

Sipi Bouba ai'a kokulumaguti limilube'mu nohibe luto yamofihi kaga'a kehe ito kanipo fite agelo bona'magihi kaba bo'aniuba nogo nemelenogo to Hu'mamofihi ufeha'a nefinogo limilina'mu yabe. Limilenogo Kilisitohi bona'i fili'ahana'amagi enali kohe tete ho tilana'mu yabe.

Aposolo 1:11

Etali ma hite lu epi'aha'ina: Lenali Galili bose, henabe lite maga ho ti'ehite kokulumamofihi bulu'i nehabe? Ya'ma Yesuhi, yatai Hu'mau lenalitogati le'moto kokulumalugu notina okaba hiti bo ana suhi luto aku'i mone yupahi alina'mu yabe.

Yoni 18:37

Ya ligo Pailatiu loka ho'ehina: Kai kigihiti bo nohane ya hifi? luto ligo Yesu lu'ehina: O'yo, kigihiti bo nohane luto lusiga nolane. To ito'nifu neketo'ehina'mu to huto hu'ohuna'mu ma melugu ka lamana'amu ya'ma lu yege haluta ya'ma nasana'muko o'ohunagi kehelilabe. To bona'i ka lamana'alo mege'i melete nehanamagi nani kaga'ni lu epise'namofihi akehelilata nehabe.

Luku 22:70

To enali: Ya hu'ehinaya kaiya Hu'mamofihi pana'a nohapihe? Ya lago Yesu lu epi'ehina: Lenali alu huto hite nelabe.

Matiu 27:11

Enali Yesuhi sipi Lomu gamani bomofihi bulo le'mo ho tigo ma luto loka ho'ehina: Kai Yuta bona'magi sipi gihiti bo'ani nohapihe? Ya luto loka hago Yesu lu'ehina: Kaika alu huto nohane.

Romu 14:10

Ya hina'mu lenali henabe lite bonatinimofihi ka emekite ka'a loko nehabe? To henabe lite le'mo laba nehabe? Hu'mau kefa hisalo minoto kaga loko huse yupahi lali asaga'i bu'alo ho tito minolenogo lali kumu ka foya liloto kaga loko hilina'mu yabe.

Matiu 8:20

To Yesu lu emi'ehina: Lopi kalamo kalina muli'i ni'ibe to namamo kalina nohi ni'inaya to Kokulumaguti limi'ehina Bouba koto basu bilina hepa'i meni'ibe luto lu emi'ehina.

Matiu 16:28

Nani ma'naka lu nolepube. Bo luga'a ma ho tilete nehanaguti mefilise nehite bu ge'ehinogo Kokulumaguti limi'ehina Bouba kibina bo lolo huto minoloto aku alina'mu yabe.

Matiu 22:44

Sipi Bo Hu'mau ma luto nani Sipi Bo'nimofihi lu emi'ehina: Kai nayahi lamaga'nilo minolotoka to nani fatehaka enoho su holenogo, melugu minelenogo, kai kigigusatu ifi to epalalane.

Matiu 28:18

Yesu koko pana'amagihi ma luto lu epi'ehina: Kokulumalugu hiti melugu hiti asaga'na kaba hilane lutomo Afo'nifu ya'ma nimi'ehina.

Luku 22:69

Ya hu'ehinaya yatai hiti to asaga yupahi alihi Kokulumaguti limi'ehina Bo ai Hu'ma asaga amuya aitogago nina Bomofihi yahi lamaga'aga minalina'mu yabe, Yesu lu'ehina.