Matiu 26:46 - Ka Lamana'a Monoꞌi Lu Mu Tifiꞌehina Ka Yabe

⁴⁶ Lenali ho tilo, abilutagihe. Bu galo, nani'i fateha'nimagi enayanugu li bilina bo ma ahuto hu'ehibe.

Matiu 26:46 Referans Kwoze

Aposolo 21:13

To Polu ma luto lu limi'ehina: Lenali henabe lite yibi gofa nehite nipa'nigu nagabu'i gito le'mo sibina nehabe? Nani Sipi Bomo Yesu kumu Yelusale hepatoga naga'i nimilafi noho fililafi nani ya'mana bati huto yabe luto nokehelube.

Yoni 14:31

Ya huto hilenogo nani komopa'ni Afo'nifihi emi'ohuna yanamofihi noto noto bona'magi ya'ma kehelilune'mu habe. Yana'mu Afo'nifu kaga lu nimi'ehina mege'i mololata nohube, Yesu ya luto to kaga mone lu epi'ehina: Lali yatai ho tito ma hepatogati he'mito nobune.

Luku 12:50

Nani mone fi taga huse'na nanitoga huto hilibe, luto nekesa noyugube, lu'ehina. Ya nohuna yatai ana fi taga huse'na su mehenogo sipi keta nonebesibe, luto Yesu lu'ehina yabe.

Luku 9:51

Hu'mau Yesuhi le'malina kana'a leba tago Yesu Yelusale hepato kapo moloto bilube luto ekesa kehelite mino'ehina.

Luku 22:15

To Yesu ma luto lu epi'ehina: Nani ma Pasa nose'na lenali hiti moneko kumu yata'a no kohe tolototi laga'ni nobesigo nani alihi nagabu foya li kofilube.

Matiu 26:45

Ya luto nunumu hu su holoto koko pana'a nehanaga i behe huto oto ma luto lu epi'ehina: Lenali lenubu'i bati'a kelete nehafihe? Lenali kehelilo. Kokulumaguti limi'ehina Bomofihi yato lite bite foipa bomagihi enayanuga bilana kana'a ma'asi huto hilina'mu yabe.

Matiu 26:47

Yesu kaga luto nohigo Yutasiu 12 Yesuhi koko pana'a mino'ehinauba Yesu nohinalo neheti'ehina. Ya nohigo babu bona'i mege'i melete yanamagi emita'i yatamana nelite osahi ko nefite bululu hite e'ahana. Ya'mana bona'i enali sipi mono bona'i hiti to soga bona'magi enoho lifigo e'ahana yabe.

Maki 14:42

Nani kumu naga'i fatehatimagihi enelepilata bouba a'noabe. Ho tilo. Lali aitoga bilune.

Luku 22:21

Ya hu'ehinaya lenali bu galo. Ma nohuta hita folagahatigu lalalutifu moneuba nani'i nimi'i moloto fateha'nimagihi enayanugu bilina bo nohibe.

Yoni 21:20

To Yesu lu emigo Pitau i behe huto ya'ma Yesu bita hu'ehina pana'a nohigo bu go'ehina. Ya'ma bouba koyapa'i Yesu hiti pana'alobo'a hiti nonugu minete Pasa nose'na nete nehago loka ho'ehina: Sipi Bo, kai kumu kiyi'afu fatehakamagihi gutunu ka lu epilina.