Matiu 26:45 - Ka Lamana'a Monoꞌi Lu Mu Tifiꞌehina Ka Yabe

⁴⁵ Ya luto nunumu hu su holoto koko pana'a nehanaga i behe huto oto ma luto lu epi'ehina: Lenali lenubu'i bati'a kelete nehafihe? Lenali kehelilo. Kokulumaguti limi'ehina Bomofihi yato lite bite foipa bomagihi enayanuga bilana kana'a ma'asi huto hilina'mu yabe.

Matiu 26:45 Referans Kwoze

Yoni 13:1

To mone kana'a nose'na laita hite nalana Pasa yabe nelana ya'ma yupahi leba talina Yesu ma meluguti he'mito afo'afihi hepato bilina kana ma'asi huto hilibe luto akeheli'ehina. Ai boana'a ma melugu mine'ahanamagihi asaga yupahi keke'i lu epolo'ehina. To ai keke'i lu epolose'na'a minomo buto su meho'ehigo ai fili'ehina.

Yoni 17:1

Yesu ai kaga lu su holoto kokulumagu bu go saga huto ma luto Hu'mamofihi lu emi'ehina: Afo'nigabe. Kana'a tupa nohibe. Kai nani'i panakamofihi fana meha'a li huto huto mololatogo panakamofita nani kai fana mehaka li huto hilube.

Yoni 12:27

To Yesu kaga mone hiti lu epi'ehina: Yatai nani nipa'nigu nagabu gofa nogibe. To nani henabe lilube? Afo'niga ma kana lolo mehu netalata ya lilufi? Hena'mube? Ya'ma keke'i luse'na nugupisalo huto hina kanagu o'ohunagi huto hu netolenogo minalube.

Luku 22:53

Nani asaga yupahi lenali hiti sipi mono nonugu minolata hu'ohuna lenali nani naga'i menimi'ahana yabe. Ya hi'ahana yatai lenali kanatini huto nohigo metepunamofihi amuya'a hiti yabe, Yesu ya luto lu'ehina.

Matiu 26:18

Ya lago Yesu lu epi'ehina: Lenali hepalugu tiletetini bo mone'mofitoga bilete ma lite lu emilo: Tisau ma luto libe: Nani kana'ni a'o leba notabe. Nani koko pana'ni hiti kai nonugu Pasa nose'na nalube lu'ehibe lilo.

Matiu 26:2

Lenali akeheli'ahabe, loe yupahisi minolototi koyapa Hu'mau lubuto bu'ehina yupa kumu Pasa yabe nelana ya'ma nose'na naluta kana'a huto hilina'mu yabe. Ya hulenogoti Kokulumaguti limi'ehina Bomofihi le'mete bite fateha'amagihi enayanuga melenogo malipu yafalo ho fililana'mu yabe.

Matiu 26:44

Yesu aku'i he'mi epololoto i behe huto buto loegi monegi yupahi yata'a lu'ehina nunumu aku'i lu'ehina.

Matiu 26:46

Lenali ho tilo, abilutagihe. Bu galo, nani'i fateha'nimagi enayanugu li bilina bo ma ahuto hu'ehibe.

Maki 14:35

Ya luto yalo nesi'asi buloto melugu kana fu tito koloto nunumu huto Hu'mamofitoga ya'ma gupisalo gabu'i gise'namofihi kana'a aku'i huto mehilifi to huto hilifi ya luto loe lugufa ekesa kehelito loka ho'ehibe.

Yoni 12:23

Ya la'igo Yesu lu etimi'ehina: Yatai Kokulumaguti limi'ehina Bomo sipi fana meha'a aitoga huto hilina ya'ma kana'a ma'asi huto hilina'mu yabe.