Biblia Todo Logo
Bib sou entènèt

- Piblisite -




Matiu 26:42 - Ka Lamana'a Monoꞌi Lu Mu Tifiꞌehina Ka Yabe

42 Ya luloto Yesu i behe huto buto loe yupahi ma luto hu'ehina: Afo'niga. Ma kohi nanitogati i nebe silito mebinogomo nani nalube, ya hinogo'ni kaika kipagu ni'ilina suhi pa salibe.

Gade chapit la Kopi




Matiu 26:42
14 Referans Kwoze  

Ya luto luloto ai nesi'asi i gofa hoto buloto okabagati melugu koloto ma luto nunumu hu'ehina: Oho, Afo'niga, kai kekesa yigilata bati hinogomo, ma ekesa nagami'i nalunamofihi kohi li he'mi netobo. Ya hu'ehina kai nani'i nemege'i moloto ka'ni liyafa mehuto, kaika kemehuba hilina suhi hubo.


To mamufa gilata bo sipi boti ai kumu keta lebesigo ya nohutogo komopati lapa bise'namofihi kehelito lali'i bu logoto menohe'mi letabe. Lalitoga limi'i lama'i moloto lito nohinamofihi huto hulata nohina ana suhi huto aitoga mi'i ma'i moloto lito fato fato'mofihi huto hu'ehinamo ni'inaya aitoga foipana mone'a meni'inamo ni'ibe. Yana'mu ai lali kumu ginaga filata nohibe.


Kai kapoka ai huto hino, luto nolune. Enali kabaga liyafa hite kokuluma agoya hi nekimigo lali melugu ana suhi huto kabaga liyafa huto kofokehi halune'mu nolune.


Ya ligo Yesu ana a'i lu emi'ehina: Noloka nohata kaga hapa'a hena kaga nolufi luto keheli bati mehuse nolane. Nanitoga huto hilina ekesa nagami'i naluna legitana ni'inagi letaliba ana konugutiba nala'ina ni'ifihe? Ya ligo etali li'aha'ina: Le'ali nalu'ina'mu yabe.


Ya luto nunumu lu su holoto i behe huto oto koko pana'a enubulo sipi keta higo enubu'i kelete nehago bu enogo'ehina.


To ma luto nunumu huto lu'ehina: Oho. Apaobe. Afo'nigase. Kai amuyaka hiti bo nohane. Kai asaga'na hilatana mone keta mehu keto'ehina ni'ibe. To ya'ma hu netalube'mu nohataya he'milapiye? Kai keheli'ahane. Ya'ma nani foya'ni meni'ibe. Kaika so ki'ahatanamofihi hu netobo. Afo'nigabe.


Afo'niga kehelitomo ya'ma nagabu gise'na nanitoga ni'ina li he'mi netobo. Kaikamo kekesa kehelito bati huto yabe lutomo anana li he'mi netobo. To kai o'e litogomo nani ana nagabu gise foya li kofilube.


Nani noho lifi'ehinamofihi mege'i moloto lili'na lilube luto kokuluma he'mito limi'ohube. To nani'ni nemeha'nilo lili'na mone meliluna'mu yabe.


Swiv nou:

Piblisite


Piblisite