Matiu 26:35 - Ka Lamana'a Monoꞌi Lu Mu Tifiꞌehina Ka Yabe

³⁵ Yesu ya luto Pitahi lu emigo Pitau lu'ehina: Nani kai'i bahane meho ketalunaya, kai'i hiti moneka fililu'inamo ni'ibe. Ya luto Pita lulago Yesuhi koko pana'a luga'amagi Pita lina'a hite moneko ka lu baga i'ahana yabe.

Matiu 26:35 Referans Kwoze

Romu 11:20

O, lusiga nelabe. Ya'ma Yuta bona'i enali Hu'mamofitoga keheli ule'ale mehi'ahago Hu'mau laga hu he'mi'ehigo lenali aitoga komopatini emite keheli amuya malago ai li hepito molo lepolo'ehina. Ya hu lepolo'ehigo lenali yanana'mu lenugufa limo titi hu lalibe luto legeso hite lenelesatini nolinogo minalo.

Yoni 13:37

Ya ligo Pitau loka ho'ehina: Sipi Bo, kai kohe toto buletogo henabe luto nani yatai kemege'i mebilube? Nani yatai kai kumu mele'isi fililube'mu nohuto lu nokumube.

1 Pita 1:17

Lenali Hu'mamofi kumu afotifu yabe lite lu emite, nunumu hite lilata nehabe. Ai loe bomale'ititihi bu goloto moneko babeyafa ni'inogo mone bo le'malina to mone bo he'mi etalina meni'ibe. Hapa'a ya huto meni'ibe. Ai asaga bona'magihi komopa'ani bu goto hapa'ani lamana huto eto huto loko hulata nohina bo nohibe. To ya nohigo lenali panana'amagita ma metoga nehana kanagu ai kumu koli hite minete keheli emite mine lite bilo.

Filipai 2:12

Ya'mu komopa'ni lepi'ohuna yagapana'ni lenali kumu kana'amu kana'amu ka'ni kehelite lite mine'ahana ya suhi hite molo emite minalabe. Lenali hiti mino hepito nohuna ni'igopa foto'i nohuto lenubuto nobunamofihi lamana'a li huto nehinogo haya kolo lalune lite topa topa hite amuya malalo.

1 Koliti 10:12

Ya hu'ehina'mu ya'ma moneuba ai'amu kehelito Hu'mamofihi kagu amuya moloto nohilina bouba buto sibina hu laligi, yamofihi legeso huto kaba huto minalibe.

Matiu 10:33

To mone bouba Yesuhi pana'a menohube luto nigi'ni li fala kito minalina nani ana huto ai gi'a Afo'nifu kokulumalugu nohina bomofihi bulo li fala kiluna'mu yabe, luto Yesu lu epi'ehina yabe.